Эрүүл мэндийн яамнаас Covid-19 цар тахлын нөхцөл байдлын хоногийн мэдээллийг хүргэж байна.

Сүүлийн 24 цагт 941 тохиолдол илэрсний 700 нь нийслэл Улаанбаатарт, 241 нь хөдөө орон нутагт бүртгэгджээ. Эрүүл мэндийн яамнаас хоногийн мэдээллээ гаргахдаа зөвхөн PCR шинжилгээгээр батлагдсан оношийг мэдээлж байгааг энд дурдах нь зүйтэй.

Харамсалтай нь, сүүлийн хоногт 41-60 насны гурав, 61-80 насны зургаа, 81-ээс дээш насны гурав нийт 12 хүн Covid-19-ийн шалтгаант хүндрэлээр нас баржээ.

Нийт 12113 хүн хэвтэн эмчлүүлж буйгаас 276 хүний бие нэн хүнд байдалтай байна. Түүнчлэн 2494 хүүхэд, 593 жирэмсэн эмэгтэй эмчлүүлж байна.