“Тэрбум мод тарих аян Хүдэр сумын зулзаган нарсан ойг сүйдэлж дууслаа” гэсэн “Ergelt.mn” сайтад гарсан мэдээллийг Ерөнхийлөгчийн Хэвлэл мэдээллийн албаны дарга Ө.Золбаяр няцаасан байна.

Тэрбээр “Баримтын алдаатай ташаа мэдээллийг албан ёсоор няцааж байна. “Тэрбум мод” тарьж ургуулах үндэсний хөдөлгөөний хүрээнд уулын мод булгалж суулгаагүй. Цаашид ч тийм зүйл болохгүй. Өөр зорилгоор, өөр чиглэлээр хийгдэж байгаа ажлыг “Тэрбум мод” үндэсний хөдөлгөөний хүрээнд хийгдсэн мэтээр зориуд гуйвуулсан мэдээ нийтэлж, түгээж байгаад харамсаж байна. “Тэрбум мод” үндэсний хөдөлгөөний хүрээнд зөвхөн үржүүлгийн газар үрээр үржүүлж ургуулсан нялх суулгацууд тарьж суулгасан болно” гэжээ.