Ойн салбарын үндэсний чуулганы салбар хуралдаан эхэллээ | News.MN

Ойн салбарын үндэсний чуулганы салбар хуралдаан эхэллээ

Ойн салбарын үндэсний чуулганы салбар хуралдаан эхэллээ

Ойн салбарын үндэсний чуулганы салбар хуралдаан эхэллээ

БОАЖЯ-наас Монгол Улсын Ерөнхийлөгчийн ивээл дор Ойн салбарын үндэсний чуулганыг зохион байгуулж байна. Тус чуулганы салбар хуралдаанууд өнөөдөр эхэлж, энэ сарын 14 хүртэл үргэлжлэх юм. Харин үндсэн чуулган энэ сарын 15-нд Төрийн ордонд зохион байгуулагдана.

Ойн салбарын үндэсний чуулганы

11 дүгээр сарын 08-ны салбар хуралдаан “Төр-хувийн хэвшлийн хамтын ажиллагаа”

11 дүгээр сарын 09-ны салбар хуралдаан “Ойжуулалт-ойн нөхөн”

11 дүгээр сарын 10-ны салбар хуралдаан “Цөлжилт, газрын доройтол”

11 дүгээр сарын 11-ний салбар хуралдаан “Агро ойн аж ахуйг хөгжүүлэх” гэсэн сэдвийн хүрээнд зохион байгуулагдана.

Ойн чуулган, салбар хуралдааны талаар БОАЖ-ын сайд Н.Уртнасан “Энэхүү хуралдаануудад төр, хувийн хэвшлийн төлөөлөл, эрдэмтэн судлаачид оролцож байна. Салбар хуралдаануудаас гарсан зөвлөмж чиглэлийг үндэслэн ойн сайн засаглалыг бэхжүүлэхтэй холбоотой бодлогын баримт бичгийг шинэчилж, хууль эрхзүйн орчинд өөрчлөлт оруулна” гэдгийг тодотгож байна.

Монгол орны нийт нутаг дэвсгэрийн 76.9 хувь цөлжилтөд өртсөн. Үүний 23 хувь буюу 30 орчим сая га нутаг цөлжилтөд нэн хүчтэй өртсөн байгаа. Тиймээс цөлжилтийг бууруулж, ойн сан бүхий газар нутгийн хэмжээг тэлэхэд ямар бодлого баримтлах, салбар дундын ямар зохицуулалт үгүйлэгдэж байгааг салбар хуралдаанаар хэлэлцэнэ. Энэ хуралдаанаас гарсан зөвлөмж, саналыг энэ сарын 15-нд Төрийн ордонд болох үндэсний чуулганд танилцуулах юм байна.

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж