Бакугийн Их дуулгаас Монгол тамирчид 6 медаль хүртэв | News.MN

Бакугийн Их дуулгаас Монгол тамирчид 6 медаль хүртэв

Бакугийн Их дуулгаас Монгол тамирчид 6 медаль хүртэв

Бакугийн Их дуулгаас Монгол тамирчид 6 медаль хүртэв

Бакугийн Их дуулга гурван өдрийн турш амжилттай болж, өчигдөр/2021.11.07/ өндөрлөлөө. Энэ удаагийн тэмцээнд таван тивийн 29 орны 195 жүдоч өрсөлдөв. Монгол Улсаа төлөөлөн 22 тамирчин оролцсон. Тэмцээний эхний өдөр дараах тамирчид барилдаж, Б.Хорлоодой хүрэл медаль хүртэж, Э.Сумъяабазар, Г.Наранцэцэг нар шагналт тавдугаар байрт орсон.


Эрэгтэй -60 кг

  • Э.Ариунболд эхний тойрогтоо Азербайжаны тамирчин Ахмад Юсифовд ялагдсан.
  • Э.Сумъяабазар эхний тойрогтоо Канадын  бөх Жоэл Демаерыг, дараа нь Ахмад Юсифовыг ялж, хагас шигшээд шалгарсан. Гэвч мөнгөн медалийн төлөө Гүржийн тамирчин Жаба Папинашвилид ялагдаж, улмаар хүрэл медалийн төлөө Азербайжаны бөх Ровшан Алиевтай барилдаж, мөн ялагдсанаар  шагналт тавдугаар байрт оров.

Эрэгтэй -66 кг

  • Г.Галмандах эхний тойрогтоо Бразилын тамирчин Эрик Такабатакэд ялагдаж, тэмцээнээ өндөрлүүлсэн.
  • Б.Нармандах эхний тойрогтоо гоц мөргөж, хоёрдугаар тойрогтоо Молдовын бөх Денис Вьеруд ялагдаж, тэмцээнээ өндөрлүүлэв.

Эмэгтэй -48 кг

  • Б.Баасанхүү эхний тойрогтоо Оросын тамирчин Дариа Пичкалевад ялагджээ.
  • Г.Наранцэцэг эхний тойрогтоо гоц мөргөж, хоёрдугаар тойрогтоо Азербайжаны бөх Шафаг Хамидовад ялагдсан. Гэхдээ тэрбээр дагах барилдаандаа Оросын тамирчин Сабина Гилиазоваг ялж, хүрлийн төлөө барилдахаар болов. Харамсалтай нь, хүрэл медалийн төлөөх барилдаанд ялагдаж, шагналт тавдугаар байрт оров.

Эмэгтэй -52 кг

  • Б.Хорлоодой эхний тойрогтоо гоц мөргөж, хоёрдугаар тойрогтоо Оросын тамирчин Анастасия Поликарповад ялагдсан ч дагах барилдаандаа Оросын бөх Лилья Нугаеваг ялжээ. Тэрбээр хүрэл медалийн төлөө Германы тамирчин Анника Вурфелтэй барилдаж, ялсан.

Эмэгтэй -57 кг

  • Л.Энхрийлэн эхний тойрогтоо Японы тамирчин Рихо Шибатаг ялж, хэсгийн аваргын төлөө мөн Японы бөх Момо Тамаокитай барилдаж ялагдсан. Ийнхүү дагах барилдаанаа Бразилын тамирчин Жессика Перьератай хийж ялсан боловч хүрэл медалийн төлөө Германы бөх Паулинье Старкед ялагджээ.

Азербайжаны нэр дээрээс барилдаж буй М.Ичинхорлоо эмэгтэйчүүдийн -57 кг-ын жинд мөнгөн медаль хүртсэн.


Тэмцээний хоёр дахь өдөр дараах тамирчид барилдаж, Б.Ганхайч мөнгө, Ц.Цогтбаатар хүрэл медаль хүртсэн.

Эрэгтэйчүүдийн -73 кг

  • Ц.Цогтбаатар жингийнхээ чансааг тэргүүлсэн учир эхний тойрогтоо гоц мөргөж, хоёрдугаар тойрогтоо Японы бөх Рёо Цүкамотог, хэсгийн аваргын төлөө Киргизстаны тамирчин Ертур Турдубаев нарыг тус тус ялсан. Харин хагас шигшээд Оросын бөх Махмадбек Махмадбековд ялагдаж, улмаар хүрэл медалийн төлөөх барилдаанд Оросын тамирчин Аюуб Хажалиевыг яллаа.
  • О.Уранбаяр эхний тойрогтоо Японы бөх Кэн Оёошид ялагдсан.

Эрэгтэйчүүдийн -81 кг

  • Б.Мөррэнцэн эхний тойрогтоо Азербайжаны тамирчин Карим Маммодовыг ялсан ч хоёрдугаар тойрогтоо Молдовын бөх Дорин Готоноагад ялагдсан.
  • Г.Болор-Очир эхний тойрогтоо гоц мөргөж, хоёрдугаар тойрогтоо Канадын тамирчин Франкоис Гаутьер Драпеауд ялагдсан.

Эмэгтэйчүүдийн -63 кг

  • С.Лхагвадулам эхний тойрогтоо Японы бөх Мэгүми Хорикавад ялагдсан.
  • Б.Ганхайч эхний тойрогтоо гоц мөргөж, хоёрдугаар тойрогтоо Чехийн тамирчин Рената Зачоваг ялсан. Ийнхүү хагас шигшээд Японы бөх Мэгүми Хорикаваг ялж, алтан медалийн төлөө Их Британийн тамирчин Люси Реншалд ялагдан мөнгөн медалийн эзэн болов.

Эмэгтэйчүүдийн -70 кг

  • Ц.Энхчимэг эхний тойрогтоо гоц мөргөж, хоёрдугаар тойрогтоо Германы бөх Жулье Хоэлтерхоффт ялагдсан. Дагах барилдаанаа мөн Германы тамирчин Мириам Буткерейттэй ялагдаж, тэмцээнээ өндөрлүүлсэн.

Тэмцээний гурав дахь өдөр дараах тамирчид өрсөлдөж, А.Адъяасүрэн мөнгө, О.Цэцэнцэнгэл хүрэл медаль хүртсэн.

Эрэгтэйчүүдийн –90 кг

  • Б.Тэнгис эхний тойрогтоо АНУ-ын тамирчин Жон Жэйнд ялагдсан.
  • Г.Алтанбагана эхний тойрогтоо гоц мөргөж, хоёрдугаар тойрогтоо Японы бөх Косүкэ Машияамад ялагдсан.

Эрэгтэйчүүдийн –100 кг

  • Б.Гончигсүрэн эхний тойрогтоо Бразилын тамирчин Андре Хумбертод ялагдсан.
  • О.Хангал эхний тойрогтоо Оросын бөх Ниаз Билаловд ялагдсан.

Эрэгтэйчүүдийн +100 кг

  • О.Цэцэнцэнгэл эхний тойрогтоо гоц мөргөж, хоёрдугаар тойрогтоо Туркийн тамирчин Семал Эрдоганыг ялсан. Ийнхүү тэрбээр хагас шигшээд Японы бөх Тацүрү Саитотой мөнгөн медалийн төлөө барилдсан ч ялагдал хүлээн улмаар хүрэл медалийн төлөө Бразилын тамирчин Тиаго Палминиг ялав.

Эмэгтэйчүүдийн –78 кг

  • Б.Эрдэнэт-Од эхний тойрогтоо Германы тамирчин Луис Малзанд ялагдсан.

Эмэгтэйчүүдийн +78 кг

  • А.Адъяасүрэн эхний барилдаандаа Унгарын бөх Мерседез Сзигетвариг, хоёр дахь барилдаандаа Бразилын тамирчин Сибиллиа Факколиг тус тус ялж, алтан медалийн төлөө Германы бөхтэй барилдахаар болсон. Гэвч алтан медалийн төлөөх барилдаанд Германы тамирчин Рини Лухтэд ялагдаж, мөнгөн медалийн эзэн болов.

Ийнхүү Монголын баг гурван мөнгө, гурван хүрэл медаль, хоёр шагналт тавдугаар байр, хоёр шагналт долдугаар байр гэсэн амжилттай багийн дүнгээр есдүгээр байр эзлэв. Багийн дүнгээр Япон тэргүүлсэн бол тэдний араас Орос, Герман, Азербайжан зэрэг орнууд удаалжээ. Монголын жүдод дээд жингийн шинэ залуус хүч түрэн гарч ирж байгаагаа харуулж, А.Адъяасүрэн, О.Цэцэнцэнгэл нар медаль хүртлээ.

Абу Дабигийн Гранд Слам арваннэгдүгээр сарын 26-наас 28-ны өдрүүдэд болно.

Энэ мэдээнд өгөх таны сэтгэгдэл?
18
ЗөвЗөв
4
ХахаХаха
4
ХөөрхөнХөөрхөн
4
БурууБуруу
2
ГайхмаарГайхмаар
2
ХарамсалтайХарамсалтай
2
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-08 185.100.87.139

==== Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-08 64.119.16.215

ХАМГИЙН ГОЛ НЬ ИЙМ ТЭМЦЭЭНД ЗАЛУУСАА ЯВУУЛЖ ТУРШЛАГЖУУЛАХ НЬ ЗӨВ. ЭХНИЙ УДАА ЯЛАГДАЖ БОЛНО ДАРАА НЬ ЯЛАЛТ АЯНДАА ИРНЭ. ЯЛАНГУЯА +78 БАРИЛДСАН А.АДЪЯАСҮРЭН ЗОРИГТОЙ ХӨДӨЛГӨӨНТЭЙ БАЙСАН НЬ САЙН ХЭРЭГ. ЦЭЦЭНЦЭНГЭЛ Ч САЙН БАЙСАН. МАНАЙД ИРЭЭДҮЙ БАЙНА, ЗАЛУУЧУУД ТҮРЭН ГАРЧ БАЙНА, ЭНЭ БОЛ ИРЭЭДҮЙ ЮМ.

Avatar

Л.Сүхээ. 2021-11-08 202.126.89.77

Улс орныхоо нэрийг гаргаж байгаад баярлаж байна.САйн байна залуус аа.

Avatar

Зочин 2021-11-08 150.129.142.232

Энэ яах вэ. Жижиг гаруудын тэмцээн. Том юмандаа л санаа зов. Томчууд нь оролцоогүй тэмцээнээс хэдэн медаль авчихаад л хоосон рекламдахаа боль.

Avatar

иргэн 2021-11-08 202.21.113.146

бөхөөс өөр мэдээлэх юм бна уу, сурвалжлагч бна уу

Avatar

Зочин 2021-11-08 192.82.78.115

Сайхан амжилт гаргажээ. Дэлхийн том тэмцээнд оролцож амжилт гаргана гэдэг та нарын архи гүзээлж зэрлэг танхай авирлахтай ижил зүйл биш. Хирийн аавын хүү хийдэг зүйл биш. Эх орныхоо нэр төрийг өндөрт аргөж яваа залуустаа талархаж сур..

Avatar

Зочин 2021-11-08 178.62.254.229

ХА ХА ОРОСУУДААС АЙЖ ЧАЦГАА ТАВЬДАГ НЬ СОЦИАЛИЗМЫН ӨВЧИН НЬ ХЭВЭЭРЭЭ ОРКУУД БАЙНА.

Avatar

Tsagaan 2021-11-08 92.223.105.163

sain shde

Avatar

Badarch taxar 2021-11-08 103.57.95.123

Эд нар мёдаль авлаа гээд монголд ямар ч ашиггүй хэрэггүй болсон өөрт нь хэрэгтэй байдаг байх иймэрхүү мэдээ битгии тавьж бай !

Avatar

Зочин 2021-11-08 115.131.143.190

Чамаас бусдад нь хэрэгтэй. Чи дургүй бол битгий энд тэнд шүлсээ үсчүүлээд олон юм хуцаж яваад бай. Дуугай наад харандаан боовоо саагаад хэвтэж байвал барав бадарч тахар гуай

Avatar

Зочин 2021-11-08 150.129.142.232

Тэнэгээ, чиний татварын мөнгөнөөс хэдэн бөх тэжээх хэрэг байна уу?

Avatar

zochin 2021-11-08 202.126.89.78

uuchaarai ene hed maani tatvariin mongoor bish sponsor baiguullagaar tsaligaa avdag baigaa shuu meddeg boljiij hutsmaar bnaa

NewsMN Гар утасны хувилбар Татах
NEWS.mn

Мэдээллийн эх сурвалж