"Молнупиравир" эм дельтагийн эсрэг өндөр үр дүнтэй нь батлагджээ | News.MN

"Молнупиравир" эм дельтагийн эсрэг өндөр үр дүнтэй нь батлагджээ

"Молнупиравир" эм дельтагийн эсрэг өндөр үр дүнтэй нь батлагджээ

"Молнупиравир" эм дельтагийн эсрэг өндөр үр дүнтэй нь батлагджээ

Их Британи улс Covid-19-ийн эсрэг ууж хэрэглэх анхны эм "Молнупиравир"-ыг албан ёсоор бүртгэн авсан анхны улс болсон билээ. Үүний дараа АНУ-д төвтэй "Мерск" компанийн хувьцаа өнгөрсөн Пүрэв гаригт 2.1 хувиар өсч, нэгж хувьцааны үнэ 90.54 ам.долларт хүрч хаагджээ.

Их Британийн Эм, эрүүл мэндийн бүтээгдэхүүний хяналтын газраас Covid-19-ийн эсрэг “Молнупиравир” эмийг халдварын эхэн үе, хөнгөн болон дунд зэргийн өвчлөлийн үед ууж хэрэглэхийг зөвлөж байгаа аж.

Тус эмийг Covid-19-ийн шинжилгээ эерэг гарснаас хойш тав хоног дараалан өдөрт хоёр удаа ууж хэрэглэхэд цар тахлын шинж тэмдэг бүрэн арилна гэжээ. Мөн өвчний эхэн үед уулгахад Covid-19-ийн улмаас хүндэрч эмнэлэгт хэвтэх, нас барах эрсдэлийг хоёр дахин бууруулж буй нь эмнэлзүйн туршилтаар тогтоогдсон байна.

"Мерск" компаниас мэдэгдсэнээр, өнөөдрийг хүртэл хийсэн судалгаагаар "Молнупиравир" эм Covid-19-ийн бүх хувилбарын эсрэг, нэн ялангуяа дельта вирусийн эсрэг өндөр үр дүнтэй нь батлагджээ. Тус компани энэ оны эцэс гэхэд 10 сая ширхэг эм, ирэх 2022 онд үйлдвэрлэлээ нэмэгдүүлж, 20 сая ширхэгийг үйлдвэрлэхээр төлөвлөсөн байна.

Английн Үндэсний эрүүл мэндийн байгууллагын захирал, профессор Стивен Пауис “Бид Засгийн газар болон Үндэсний эрүүл мэндийн байгууллагаар дамжуулан эмийн эмчилгээг өвчтөнүүдэд яаралтай хүргэхээр ажиллаж байна. Ялангуяа таргалалт, чихрийн шижин, зүрхний өвчтэй, мөн 60-аас дээш насны халдвараар хүндрэх эрсдэлтэй хүмүүст энэ эмийг яаралтай хүргэх хэрэгтэй. Ингэснээр бид вакцинжуулсан хүн амд вирусийн эсрэг эм хэрхэн нөлөөлж байгаа талаар илүү их мэдээлэл цуглуулж чадна" гэж хэлжээ.

АНУ-ын зөвлөхүүд энэ сарын 30-нд хуралдаж, эмийн аюулгүй байдал, үр дүнтэй байдлын талаарх мэдээллийг хянаж, "Молнупиравир"-ыг цаашид хэрэглэхийг зөвшөөрөх эсэх асуудлаар санал хураах аж.

Америкийн эм үйлдвэрлэлийн "Pfizer" компани мөн Covid-19 өвчний эсрэг бүтээсэн эмийнхээ туршилтын үр дүнг танилцуулав. "Paxlovid" нэрээр зах зээлд гарах тус эмийг туршилтад оролцсон эрсдэлтэй бүлгийн насанд хүрэгчдэд халдварын шинж тэмдэг илэрснээс хойш гурван хоногийн дотор уулгахад хүндрэл, эндэгдлийг 89 хувиар бууруулсан байна.

“Pfizer” компанийн Гүйцэтгэх захирал Альберт Бурла “Энэхүү эмэнд зөвшөөрөл олговол эмнэлэгт хэвтэн эмчлүүлэх эрсдэлтэй 10 хүн тутмын есийнх нь эрсдэлийг арилгах боломжтой болохыг судалгааны дүн харуулж байна” гэж мэдэгджээ.

Энэхүү судалгаанд Covid-19-өөр халдварласан, хүндээр өвчлөх эрсдэлтэй 1200 гаруй хүн хамрагджээ. Тэднийг хоёр бүлэгт хувааж, нэг бүлэгт нь шинэ эм уулгаж, нөгөө бүлэгт нь уулгаагүй байна. Эм уулгасан бүлгээс гурван хүний биеийн байдал хүндэрсэн ч нас баралт бүртгэгдээгүй бол нөгөө бүлгээс 27 хүн хүндээр өвчилж, долоо нь нас баржээ.

Эх сурвалж: REUTERS, TELEGRAPH, CNBC

Энэ мэдээнд өгөх таны сэтгэгдэл?
5
ЗөвЗөв
2
ГайхмаарГайхмаар
1
ХөөрхөнХөөрхөн
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-06 142.79.202.93

Тэнд сурталчилахад бид энд. … Яажшуухан Эрээн орохоо л бодсон нь өллзийтэймуу

Avatar

Зочин 2021-11-06 199.249.230.163

> Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-11-06 51.15.59.246

Итгэхгүй байна өө😤

Avatar

Зочин 2021-11-06 66.181.161.2

Энэ эм илүү юу мана 4 норов 7

NewsMN Гар утасны хувилбар Татах
NEWS.mn

Мэдээллийн эх сурвалж