Сүүлийн 24 цагийн хугацаанд PCR шинжилгээ өгсөн 1182 хүнээс Covid-19 илэрчээ. Үүний 783 нь Улаанбаатар хотод, 399 нь орон нутагт тус тус бүртгэгдэв.

Эрүүл мэндийн яамнаас өдөр бүр зөвхөн PCR шинжилгээгээр эерэг гарсан тохиолдлыг мэдээлж буй. Мөн аравдугаар сарын 22-ноос эдгэсэн хүмүүсийн тоог мэдээлэхээ зогсоосон.

Нас баралтын тухайд 41-80 насны 11 хүн нас баржээ. Өнөөдрийн байдлаар Covid-19-ийн улмаас нийтдээ 1715 хүн нас бараад байна. Улсын хэмжээнд 14,336 хүн хэвтэн эмчлүүлж, 43,439 нь гэрийн хяналтад байна. Хэвтэн эмчлүүлж буй эмчлүүлэгчдийн 3,028 нь хүүхэд, 768 нь жирэмсэн эхчүүд байна.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 6473
• Хүндэвтэр – 5928
• Хүнд – 1629
• Нэн хүнд – 306 хүн байна.