“Белград-2021” 23 хүртэлх насны ДАШТ-ий чөлөөт бөхийн эмэгтэйчүүдийн 68 кг-ын жинд ОУХМ Э.Дэлгэрмаа хүрэл медаль хүртлээ. Тэрбээр өчигдөр/2021.11.04/ шөвгийн наймд Оросын тамирчин Вусала Парфиановичэд 3:3-аар тун харамсалтай ялагдсан. Тэгвэл хүрэл медалийн төлөөх барилдаанд Германы Софиа Шифлийг оноогоор цэвэр (13:0) яллаа. Э.Дэлгэрмаа Монголын чөлөөт бөхийн тамирчдаас “U-23” ангиллын ДАШТ-ээс 11 дэх медалийг эх орондоо авчирч байна.

Монголын бөхчүүд 23 хүртэлх насны ДАШТ-ээс хоёр мөнгө, есөн хүрэл, нийт 11 медаль хүртээд байна.

Белградын дэвжээнд манай хоёр эмэгтэй тамирчин оролцож байгаа бөгөөд 53 кг-ын жинд М.Мөнхгэрэл шөвгийн наймд Оросын тамирчин Екатерина Вербинад 0:10-ээр ялагдсан. Түүний өрсөлдөгч шигшээд шалгарснаар маргааш дагаж барилдана.

Белградад зодоглох Монгол эрэгтэй тамирчид:

• 57 кг: Б.Мөнх-Эрдэнэ
• 61 кг: Н.Наранхүү
• 70 кг: Б.Сандуйжадамба
• 79 кг: Д.Батзул
• 92 кг: Д.Оргилох