Энэтхэгт үйлдвэрлэсэн шинэ вакциныг ДЭМБ баталлаа | News.MN

Энэтхэгт үйлдвэрлэсэн шинэ вакциныг ДЭМБ баталлаа

Энэтхэгт үйлдвэрлэсэн шинэ вакциныг ДЭМБ баталлаа

Энэтхэгт үйлдвэрлэсэн шинэ вакциныг ДЭМБ баталлаа

Энэтхэгт шинээр үйлдвэрлэсэн Covid-19-ийн эсрэг вакциныг Дэлхийн эрүүл мэндийн байгууллага /ДЭБМ/ Лхагва гаригт бүртгэлээ. Энэ нь Энэтхэгийн “Bharat Biotech” компанид үйлдвэрлэсэн "Коваксин" вакцин юм. Ийнхүү "Коваксин" вакцин ДЭМБ-аас баталсан цар тахлын эсрэг найм дахь вакцин болж байна.

“Bharat Biotech” компани Энэтхэгийн Анагаах ухааны судалгааны зөвлөлтэй хамтран тус вакциныг гаргажээ. Уг вакциныг дархлааны хариу урвалыг нэмэгдүүлэх зорилгоор Covid-19-ийн үхсэн вирусийг ашиглан бүтээсэн бөгөөд хоёр тунгаар тарих юм.

"Коваксин" нь хүнд хэлбэрийн Covid-19-ээс урьдчилан сэргийлэхэд ойролцоогоор 78 хувийн үр дүн үзүүлж байгааг ДЭМБ-аас тогтоожээ. Мөн хадгалах нөхцөл хялбар байдлаараа ядуу буурай орнуудад хамгийн тохиромжтой вакцинаар тодорч буй юм.

Харин уг вакцин жирэмсэн эмэгтэйчүүдэд аюулгүй болон хэр үр дүнтэй болохыг хараахан тогтоогүй байгаа тул холбогдох судалгааг хийхээр болжээ.

Энэтхэгийн эмийн зохицуулалтын агентлаг хүн дээр өргөн хүрээтэй туршилт хийхээс хэдэн сарын өмнө буюу нэгдүгээр сард "Коваксин" вакциныг зөвшөөрсөн юм. Өөрөөр хэлбэл, хугацаанаас нь өмнө зөвшөөрсөн гэсэн үг. Энэтхэгийн Ерөнхий сайд Нарендра Моди гуравдугаар сард тус вакцины эхний тунг хийлгэжээ.

Ийнхүү аравдугаар сарын дундуур нийт 110 сая гаруй тун "Коваксин" вакцин тарьснаар Энэтхэгт хэрэглээгээрээ "Астразенек" вакцины дараа хоёрдугаарт орж байна. “Bharat Biotech” компани сард дунджаар 25 сая тун вакцин үйлдвэрлэж байгаа бөгөөд үүнийг 58 сая болгохоор төлөвлөж байгаа аж.

ЭХ СУРВАЛЖ: WORLD

Энэ мэдээнд өгөх таны сэтгэгдэл?
2
ГайхмаарГайхмаар
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-04 185.31.175.215

**** Шилдэг тавтай морилно уу секс болзоо сайт — https://mysp.ac/50fjz

NewsMN Гар утасны хувилбар Татах
NEWS.mn

Мэдээллийн эх сурвалж