Цэвэр орлого нь 50 сая ам.доллараар тооцогддог Травис Скотт дэлхий дээрх хамгийн баян репперүүдийн нэг. Тэрбээр найз бүсгүй Кайли Женнер болон охин Сторми нартаа хос алмаазан бөгж авч өгсөн нь олны атаархлыг татав. Кайли өнөөдөр инстаграмдаа гурван настай охин Стормитойгоо ижилхэн алмаазан бөгж зүүсэн зургаа оруулаад “Аав бидэнд хос бөгж авч өгсөн” гэж бичжээ.

Кайлигийн зүүсэн “Toi et Moi (Чи бид) гэх хос бөгжний үнэ олон оронтой тоогоор хэмжигдэнэ гэж цагаан алтаар үнэт эдлэл үйлдвэрлэдэг “Platinum Guild International USA” компанийн захирал Женни Люкерийн ярьжээ. Кайлигийн зүүсэн бөгжний хоёр алмааз нь л гэхэд 10-12 карат бөгөөд ойролцоогоор 300 мянган ам.доллараар үнэлэгддэг байна. Харин Стормигийн зүүсэн бөгжнийх  2-3 карат бөгөөд 40 мянган ам.доллар болох гэнэ. Бөгжний загвар хосуудын эргэн нийлснийг илэрхийлдэг аж.

Үүнээс гадна хөл хүнд Кайлийн ядам хуруунд өөр нэг бөгж байгаа нь ханцуйны цаанаас зэрвэс цухуйсныг хараад шүтэн бишрэгчид нь Травистай сүй тавьсан гэж таамаглаж байна. Кайли өнгөрсөн есдүгээр сард хоёр дахь хүүхдээ тээж буйгаа зарласан юм.

Эх сурвалж: DAILY MAIL