Нийслэлийн Засаг даргын нэгдүгээр орлогч Р.Чингисийг "Камертон" хамтлагийн тоглолттой холбоотойгоор үүрэгт ажлаас нь чөлөөлсөн. Түүний оронд нийслэлийн Хүний хөгжил, нийгмийн бодлого хариуцсан төслүүдийн орлогчоор ажиллаж буй Ж.Сандагсүрэнг томилохоор болсон. Харин Ж.Сандагсүрэнгийн оронд нийслэлийн Агаарын бохирдол хариуцсан төслүүдийн удирдагч З.Төмөртөмөө ажиллах сурагтай.

Нийслэлийн МАН-ын тэргүүлэгчид 2020 оны аравдугаар сарын 27-нд хуралдаж, хотын дарга Д.Сумъяабазарын зургаан орлогчийг томилсон билээ. Тодруулбал, хотын даргын орлогчоор З.Төмөртөмөө, Б.Одсүрэн, Ж.Сандагсүрэн, Н.Баярчимэг, Д.Ихбаяр, Б.Сүхбаатар нарыг тус тус томилсон.

• Ж.Сандагсүрэн – Хөгжлийн бодлогын асуудал хариуцсан
• Н.Баярчимэг – Хүний хөгжил, нийгмийн бодлого хариуцсан
• Б.Одсүрэн  – Зам, тээврийн асуудал хариуцсан
• З.Төмөртөөмөө – Агаар, орчны бохирдол хариуцсан
• Д.Ихбаяр – Инноваци технологийн хөгжил хариуцсан
• Б.Сүхбаатар – Барилга, хот байгуулалт хариуцсан

Зундуйн ТӨМӨРТӨМӨӨ

БОЛОВСРОЛ:

• 2005 онд Баянхонгор аймгийн 10 жилийн дунд сургууль
• 2009 онд СУИС-ийг Соёлын удирдлагын менежмент мэргэжлээр, бакалавр
• 2014 онд Сан Их сургуулийг Бизнесийн удирдлагын магистр
• 2019- оноос МУИС-ийн Хууль зүйн сургуульд суралцаж байна.

АЖИЛЛАСАН БАЙДАЛ:

• 2006-2009 онд Их монгол FM-ийн гүйцэтгэх захирал
• МАН-ын Хэвлэл мэдээллийн хэлтсийн мэргэжилтэн
• 2014-2015 онд Шударга өрсөлдөөн хэрэглэгчийн төлөө газрын даргын Зөвлөх
• 2016-2017 онд УИХ-ын гишүүний зөвлөх
• 2017-2019 онд ЗГХЭГ-ын даргын зөвлөх
• 2019- оноос одоог хүртэл УИХ-ын даргын зөвлөх

СОНГУУЛЬТ АЖИЛ:

• 2010-2014 онд НАМОХ-ны дэд Ерөнхийлөгч
• 2014-2015 онд НАМЗХ – Удирдах зөвлөлийн гишүүн
• 2019-оноос НАМЗХ-ны дэд ерөнхийлөгч
• 2015 оноос “Нэг монгол” ТББ-ын бодлогын зөвлөлийн гишүүн
• 2017 оноос МАН-ын бага хурлын гишүүн
• НИТХ-ын төлөөлөгч