Зэвсэгт хүчний Агаарын цэргийн командлалаас агаарын цэргийн ангиудын радиотехникийн инженерүүд, тусгай ротын захирагчийн зэвсэг, техник хариуцсан орлогч нарын цугларалт болов.

Цугларалтын зорилго нь радиотехникийн инженер техникийн бүрэлдэхүүний онол, дадлагын мэдлэгийг өргөжүүлэх, харилцан туршлага солилцоход чиглэгджээ. Тус цугларалт “Радиотехникийн анги, салбаруудын тусгай зориулалтын техникүүдийн ашиглалт, чанар байдлыг дээшлүүлэх аргачлалыг боловсронгуй болгох нь” сэдвийн хүрээнд онол, дадлагын хэлбэрээр дөрвөн ангийн байрлалд нэгэн зэрэг хоёр үе шаттайгаар явагдаж, агаарын цэргийн анги, тусгай салбаруудын 40 гаруй цэргийн алба хаагч оролцсон байна.

Түүнчлэн нөөц боломжоо ашиглан орчин үеийн дэвшилтэт технологид суурилсан “Цуурай”, “Нисгэгчгүй нисэх төхөөрөмж” зэрэг төслийг санаачлан амжилттай хэрэгжүүлж эхлээд байгаа ажээ.

Б.ЖАРГАЛ