Д.Сумъяабазар: Улаанбаатар машин төвтэй биш, иргэн төвтэй хот болно | News.MN

Д.Сумъяабазар: Улаанбаатар машин төвтэй биш, иргэн төвтэй хот болно

Д.Сумъяабазар: Улаанбаатар машин төвтэй биш, иргэн төвтэй хот болно

Д.Сумъяабазар: Улаанбаатар машин төвтэй биш, иргэн төвтэй хот болно

Монгол Улсын нийслэл Улаанбаатар хотын эрх зүйн байдлын тухай хуулийг 27 жилийн дараа шинэчлэн баталсан.  Ирэх 2022 оны нэгдүгээр сарын 1-ний өдрөөс хүчин төгөлдөр мөрдөж эхлэх энэхүү хуулийн талаар Нийслэлийн Засаг дарга бөгөөд Улаанбаатар хотын Захирагч Д.Сумъяабазартай ярилцлаа.

-Нийслэл хотын хөгжлөөр улс орны хөгжлийг хэмждэг. Эрх зүйн байдлын тухай хуулиа шинэчлэн батлуулсан Улаанбаатар хот бие даасан төсөвтэйгөөр хөгжих боломж бүрдлээ. Хөгжлийн концепцоо хэрхэн тодорхойлсон бэ гэдгээс ярилцлагаа эхэлье?

-Нийслэл Улаанбаатар хотынхоо түүхийг эргэн харахад хөгжлийн хувьд үсрэлт хийсэн цаг хугацаа нь 1965-1985 он. Тэрхүү 20 жилд өнөөгийн Улаанбаатар хотын өнгө төрх бүрэлдэж, ерөнхий дизайн тавигдсан байдаг. Харин нийгмийн шилжилт, өөрчлөлт явагдсан 1990-ээд оноос хойш төр засгийн зүгээс Улаанбаатар хотын хөгжилд дорвитой өөрчлөлт хийхүйц шийдвэрийг гаргаж байгаагүй. Хот асуудлаа өөрөө зохицуул гээд орхичихсон байх жишээтэй. Тухайн үед 500 мянга гаруй  байсан хүн амын тоо өдгөө 1.6 сая шахам болжээ.  Хүн амын тоо л гэхэд гурав дахин өсөж, нягтаршил нэмэгдсэнтэй  холбоотой дулаан, цахилгаан эрчим хүч, хог цэвэрлэгээ, хот тохижилтын зардал мөн төдий хэмжээгээр нэмэгдэх нь тодорхой.  Хотын захиргаа, удирдлагын зүгээс иргэдийнхээ ая тухтай амьдрах нөхцөлийг хангах үүднээс ажилласаар ирсэн.

Гэхдээ бид цаашдаа энэ байдлаар урагшлах бус, эрчимтэй хөгжмөөр байна. Дэлхийн түвшинд хүрсэн хот болмоор байна. Метрополитон хотын хэмжээнд хүртэл хөгжмөөр байна. Үүнийг манай хотын иргэд хүсэж байгаа, би ч хүсэж байна, та ч хүсэж байгаа. Үүний үндсэн нөхцөл нь юу вэ гэхээр суурь нөхцөлөө маш сайн гаргаж ирж байж шийдэлд хүрэх  ёстой. Юун түрүүн бид эрх зүйн шинэтгэлийг хийлээ. 3-4 жилийн турш хүчтэй ярьсан Монгол Улсын Үндсэн хуулийн шинэчлэл 2020 оны тавдугаар сард УИХ-аар батлагдсан. Үндсэн хуулийн өөрчлөлтийг дагалдсан органик хуулиудын араас Засаг захиргаа, нутаг дэвсгэрийн нэгж, түүний удирдлагын тухай хууль болон Нийслэл Улаанбаатар хотын эрх зүйн байдлын тухай хуулийн шинэчлэлийг батлуулсан. Нэгжийн хуулийн шинэчлэл нь Нийслэл Улаанбаатар хотын эрх зүйн байдлын тухай хуулийн суурь нь болж өгсөн.

-Тэгэхээр Нийслэл Улаанбаатар хотын эрх зүйн байдлын тухай хууль нь нийслэл хотын эрчимтэй хөгжлийн эхний боломж гэж хэлж болох нь ээ. Хот төсвийн хувьд бие даахын дээр төсвөө тэлж бонд, концесс гаргах, төсөл хөтөлбөр хэрэгжүүлэх боломжтой болж байгаа. Эдгээрийг эрэмбэлбэл эхэнд нь юуг хэлэх вэ?

-Улаанбаатар хот шатлал ахиж, яамдын түвшинд хүрч буй бол дүүргүүд маань аймгийн түвшинд хүрч байгаа. Хот, дүүргийн төсөв нэлээд хэмжээгээр тэлж байна. Хороо төсөвтэй байх асуудлыг дүүргийн хэмжээнд шийдэх боломжтой гэж харж байгаа. Нэг хороо 10-15 мянган иргэний асуудлыг зохицуулж буй анхан шатны нэгж учраас тодорхой хэмжээний төсөвтэй байж, өөрсдийн хэмжээнд шийдвэр гаргадаг болно. Үүнийг дагалдан төрийн боловсон хүчин, анхан шатанд ажиллаж буй албан хаагчдын дадлага, мэдлэг, чадвар нэмэгдэх давуу тал бодитой бий болж байгаа. Эдийн засаг талаасаа сая хэлсэнчлэн төсвийн хувьд, концесс, бондын хувьд ч бие даана. Мөн гадаадын эх үүсвэр татах боломж өсөн нэмэгдэх нөхцөл бүрдэж байгаа. Үүнийг гадаадын хөрөнгө оруулагч нар олоод харчихсан байгаа юм.

-Хот хөрөнгө оруулагчдыг татах суурь Нийслэл Улаанбаатар хотын эрх зүйн хуулиар тавигдсан гэсэн үг үү. Энэ тал дээр ямар яриа хэлцлүүд хийгдээд байна вэ?

-Гадаадын хөрөнгө оруулагч нар хаана хууль, эрх зүйн зөв зохицуулалт байна, хаана зөв бодлого байна, хаана хөрөнгө оруулбал богино хугацаанд үр дүн  гарах вэ гэдгийг харж хөрөнгө оруулалт хийдэг.  Монгол Улсад  их, бага хөрөнгө оруулж буй гадаадын санхүүгийн байгууллагууд хотын хөрөнгө оруулалтад эхний ээлжид орж ирж байгаа. Тухайлбал, Дэлхийн банк, Олон улсын санхүүгийн корпорац, Азийн хөгжлийн банк, Европын сэргээн босголт, хөгжлийн  банк,  зарим орнуудын Хөгжлийн банкнууд Улаанбаатар хотын төслүүд рүү орох сонирхлоо илэрхийлээд эхэлсэн.

LRT буюу хөнгөн галт тэрэгний чиглэлээр, нийтийн тээвэр буюу цахилгаан галт тэрэг, дээрээс нь цахилгаан дугуй, цахилгаан такси үйлчилгээ зэрэгт хөрөнгө оруулах хүсэлтэй томоохон компаниуд хүртэл хандаж байна. Хамгийн сүүлд гэхэд Чехийн Элчин сайд ложистикийн салбарт хөрөнгө оруулах хүсэлтээ илэрхийлсэн. Япон Улс дагуул хотуудын чиглэлээр хамтран ажиллахаа илэрхийлсэн. ЖАЙКА-гийн төлөөлөгчидтэй мөн уулзахаар товлоод байна. Инженерийн байгууламж бол хүний нүдэнд харагдахгүй ч газар доорх хот болон оршиж байдаг. Үүнийг бүрэн  шинэчилж байж, дулаан байх, гэрэл гэгээтэй байх бүх суурь нөхцөлүүд бүрдэх юм. Тиймээс томоохон хэмжээний санхүүгийн эх үүсвэр,  хөрөнгө босгож, томоохон бүтээн байгуулалт хийх шаардлага зүй ёсоор тулгарч байна. Энэ бүхэнд улсын хөгжлийн болоод хөрөнгө оруулалтын бодлого асар том дэмжлэг болж байгаа. Ерөнхий сайдын өргөн барих гэж буй эдийн засгийг дэмжих хуулийн төслүүд, хөрөнгө оруулалтыг сайжруулах хуулийн төслүүд, Оюутолгой, Тавантолгой, Эрдэнэс Тавантолгойн төслүүдийг маш сайн цэгцэлж эрэмбэлээд ирвэл манай эдийн засагт хурдтай үсрэлт бий болгож, эдийн засаг гэрлийн хурдаар тэлэх боломж бий болно гэж харж байгаа. Уул уурхайн сайд байсан хүний хувьд хэлэхэд, манай эдийн засаг бол богино хугацаанд сэргэж болохоор харагддаг. Ард иргэд ч тэгж хүлээж байна. Гол нь хариуцаж буй хүмүүс нь манлайлалтай, зориг зүрхтэй, санаачилгатай баймаар байна. Тэгж чадна гэсэн хүлээлт байна. Яагаад гэвэл тэдгээр хүмүүсийн хийж буй ажил Улаанбаатар хотын бүтээн байгуулалтад шууд нөлөөлж байдаг.

Хот бол хот, нийтийн аж ахуйн чиглэлээр байдаг хүчин чадлаараа чармайн ажиллаж байгаа. Тэгэхээр энэ бүхэн ганц зүйл дээр очиж зогсдог. Энэ бол  хууль. Бид хуулиа нэлээд өргөн хүрээнд батлуулж чадсанаараа бахархаж байгаа. Ерөнхийлөгч, УИХ-ын дарга, Ерөнхий сайд ч дэмжиж байгаа. Тэдний дэмжлэг итгэл,  бодлогын дэмжлэгийг алдахгүйн төлөө хотын удирдлагууд ажиллах болно.

-Төрийн бодлого нэгдмэл байж үр дүн тодорхой гарна, тийм үү?

-Тэгэлгүй яах вэ. Төрийн гурван өндөрлөг нэг шугаман дээр, нэг цонхоор харсан шийдвэр гаргаж байгаа. Энэ бол асар том хүч. Энэ хүчийг алдаж болохгүй. Энэ цаг хугацаандаа эзэн байх ёстой.

-Дагуул хот байгуулах, хөрөнгө оруулалт татах таатай бүсүүд бий болгох тал дээр ямар бодлого баримталж байна вэ?

-Улаанбаатар хот дагуул хоттойгоор хөгжих бодлогыг  “Алсын хараа 2050” бодлогын баримт бичиг болоод Нийслэл Улаанбаатар хотын эрх зүйн байдлын тухай хуульд тусгасан. Улаанбаатар хот  бол улсын хөгжил, улс үндэстний нүүр царай. Тиймээс хотын бодлогыг  дэмжиж хөрөнгө оруулж буй УИХ, Засгийн газрын дэмжлэг оновчтой шийдэл. Цаашид үргэлжлээд явах байх гэж итгэж байгаа.

Түүнчлэн төвлөрлийг сааруулж, түгжрэлийг бууруулах гарц бол дагуул хот. Дагуул хот бол эдийн засгийн чөлөөт бүс байна, эдийн засгийн чөлөөт бүс нь тусгай зохицуулалттай байна гэж хуульчилсан. Энэ дагуу дагуул хот хариуцсан орлогчтой байх ёстой юм. Дагуул хотод хийгдэх ажлууд маш их байна. Ямар ямар хөнгөлөлт, чөлөөлөлт үзүүлэх юм, татварын зохицуулалт нь яах вэ гэхчлэн асуудлууд хэлэлцэх түвшиндээ явж байгаа.

Ер нь бол дагуул хот Улаанбаатарын нүүр царай болсон хот байх юм. Инчон гэхэд л Сөүлийн дагуул хот шүү дээ. Инчоныг олон улсын нисэх буудлаар нь дэлхий андахгүй. Түүн шиг  дагуул хотод маань олон улсын нисэх буудал буюу агаарын зам, Богдхан төмөр зам, олон улсын А3 хурдны замын уулзварууд гээд зам, тээвэр ложистикийн томоохон төв болон хөгжих боломж бүрдэнэ. Үүнийг дагасан хот төлөвлөлт, худалдаа үйлчилгээ, ажлын байр бий болно. Тэнд маш том эдийн засаг бий болох юм.

-Хот засаг захиргааны бүтцээ шинэчилнэ гэдгээ мэдэгдсэн. Яаж шинэчлэх вэ?

-Ерөнхий сайд үндэсний хороодыг өөрчиллөө шүү дээ.  Эдийн засгийг эрчимжүүлэх хороо, түгжрэл бууруулах буюу хот, хөдөөгийн хөгжлийн тэнцвэрийг хангах хороо, цахим шилжилт буюу төрийн хүнд суртлыг бууруулах хороо, олимпизмыг дэмжих хороо, орон сууц буюу нийгмийн дундаж давхаргыг дэмжих хороо гэхчлэн. Яг энэ хороодын чиглэлээр хот бүтцээ боловсруулна.  Энэ нь төрийн бодлогын уялдаатай холбоотой. Шууд харилцах, хурдтай явах зохицуулалт байх юм.

-Яг одоо төсөв хэлэлцэж буй цаг үе. Хот ч мөн төсвөө удахгүй батална. Хамгийн эхэнд онилсон хөрөнгө оруулалт юу байх вэ?

-Эхний ээлжид түгжрэл бууруулах хүрээнд сурагчдын хамран сургах тойрог, нийгмийн чиглэлд хөрөнгө оруулалт хийх юм. Түгжрэлийг бууруулах томоохон хэсэг бол  хамран сургах тойрог шүү дээ.  Ганц жишээ дурдъя. Баянзүрх дүүргийн 25, 26 дугаар хороонд 25-31 мянган хүн ам оршин сууж буй. Гэтэл томоохон хороололд нэг ч сургууль, цэцэрлэг байдаггүй. Энэ бол үнэхээр харамсалтай. Тиймээс цаашдаа Улаанбаатар хотод сургууль, цэцэрлэгтэй, ил, далд зогсоолтой, ногоон байгууламжтай  хороолол, хотхоныг бид бодлогоор дэмжинэ. 2022 оноос Нийслэл Улаанбаатар хотын эрх зүйн байдлын тухай хууль хэрэгжиж эхлэхээс гадна өөрийн гэсэн стандарт, норм, дүрэмтэй хот болно. Бидний сэтгэлийг гонсойлгосон стандартгүй байдал 2022 оны эхнээс цэгцэнд орно.  Өөрөөр хэлбэл, бидний “Тоглоомын дүрэм шинээр эхэлнэ” гэсэн үг.

-Тоглоомын дүрэм тодорхой байвал хотын иргэд ч хотын стандартаар амьдарна биз?

-Тэгэлгүй яах вэ. Улаанбаатар хотын тохижилт, зам харгуй бүхэлдээ стандартгүй байгаагаас иргэд ч, бид ч сэтгэл дундуур байдаг. Энэ байдал арилж, Улаанбаатар иргэн төвтэй хот болно. Машин төвтэй хот биш шүү. Хот маань улам сүр жавхлантай сайхан  хот байгаасай гэж сэтгэл зүрхнээсээ хүсэж ажиллаж байгаа.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Энэ мэдээнд өгөх таны сэтгэгдэл?
5
ЗөвЗөв
4
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-11-01 43.242.243.198

Хөдөөний баахан хүн ямар ч татваргүй орж ирээд гаднын ямбий приусээр хотыг дүүргэж аль хэдийн том гарааш болчоод байгааг мэдэхгүй байгаа умуу үё үёийн хотын дарга нэр зүүсэн умнууд хогны уут насгүй цэцэг гэх мэт балай ум хийж мөнгө идэжирсэн
Хөдөөнөөс хотод ирсэн хүмүүсээс татвар хв машины түгжрэлээ зогсоо бүгдийг нийтийн унаанд суулга том компанийн оффис үйлдвэрүүдийг захуудыг хотоос гарга чиний хийх ажил энэ

Avatar

Зочин 2021-11-01 64.119.25.224

Gazar dogura gants metro barichihach chadahgui baij uhsniih ni mashingui hot boloh. Yadaj horoo horoondoo surguuli taetserlegtei bolgoodhooch heden shorngen beton baishingid yamar surguuli taetserleg baihgui yamarch toloblogo baihq. 1.2 saya hun bugd mashin unasanch tugreh undes baihq l de uul ni.

Avatar

Зочин 2021-11-01 202.126.89.145

олон юм чалчилгүй замын нүхнүүдээ бөглө..

Avatar

Зочин 2021-11-01 59.153.115.223

Цирк төвтэй байвал зүгээр юмуу даа..

Avatar

Зочин 2021-11-01 150.129.143.199

Хийсэн юмгуй, юм хийе ч гэсэн чадваргуй хун дандаа ирээдуй цаг дээр ярихаас еер яах ч юм билээ, харин дан ирээдуй цаг дээр ярьж, хоосон амлаад хэр удаан тэсэхийг нь харах л болж дээ, ард тумэн тэнэг биш болхоор нэг л едер хеегдеед явах биз дээ манай бехчин дарга

Avatar

Зочин 2021-11-01 202.126.89.196

Amjilt

Avatar

зочин 2021-11-01 66.181.179.85

машин төв гэж юу л яриад байна даа.Сурвалжлагч уу?сумьяа юу?Ичиж үхмээр юм.монгол хүн биш байгаасай

Avatar

ИРГЭН 2021-11-01 203.91.115.48

ХУУЛЬ БАТЛАГДСАНААР ЯГ ЮУ ӨӨРЧИЛӨГДӨХ ВЭ ГЭДЭГ Л БАЙНА.

Avatar

Баганат зам чухал 2021-11-01 111.65.68.159

Бетонон баганатай зам,мэтро улаанбаатарт маш зөв хувилбар шүү.бүх хүн 2 гараа өргөж дэмжинэ

Avatar

Монгол ээж 2021-11-01 66.181.182.233

ярьж биш хийж бүтээж амжилт олдогийг энэ тэнэг ухахгүй л дэ зайлаачээ хийж чаддаг зүйлээ л хий улс гэрийг хөмөрч дуусгалаа хар тийрэн чи

Avatar

Batdorj 2021-11-01 122.201.21.110

Yrad l baihii maa

Avatar

Зочин 2021-11-01 202.179.27.81

bayanzurhiin tovchoobolon 22 iin tovchoonoos dotogch uur aimag sumiin mashinii dugaariig oruulhaa bolichih

Avatar

pedestrian 2021-11-01 192.82.66.172

Явган алхдаг хүмүүсээ дэмждэг тогтолцоогоо сайжруулаачээ, гэрлэн дохионы зохицуулга нь машинаар явж буй хүмүүсээ дэмжсэн учраас төв замуудын гэрлэн дохион дээр явган хүмүүс нь бөөгнөрч бөөгнрч гарч амжаагүй байтал улаан гэрэл асна………..

Avatar

ХА ХА ХА 2021-11-01 192.82.77.151

ТЭР ИРГЭН НЬ БӨХ ҮҮ?

Avatar

Зочин 2021-11-01 202.126.90.104

Tech ingej hoy hogjood bhad manai mahan tolgoi mai shuu l geed suugaad bh ni ee kkkk

Avatar

Зочин 2021-11-01 202.126.89.157

Дандаа ирээдүй цаг дээр ярих юм. ӨНГӨРСӨН цаг дээр тийм юм хийчихлээ гээд ганц өгүүлбэр хэлээч.

Avatar

Зочин 2021-11-01 192.111.134.81

ШААГААДЛ

Avatar

Зочин 2021-11-01 202.126.89.18

Стандартнаас их юм алга. Гол нь хэрэгжүүлж чаддаггүйд л асуудал бий.
Төлөвлөлт байсан уу байсан. Гол нь хэрэгжүүлж чадаагүй.
Мэдлэггүй, сэтгэлгүй, ашиг хонжоо хайсан дарга нар чихэлдэж суугаа цагт мянган стандарт, зуун дүрэм, хэчнээн төлөвлөлт байгаад ч бүтэхгүй ээ…. Өөрөөсөө эхэл, Сумьяа. Циркийнхээ асуудлыг шийд.

Avatar

Зочин 2021-11-01 202.126.89.136

тэгээд шаагаад байлгүй хийгээч бузараа

Avatar

Зочин 2021-11-01 203.91.115.47

Та банкнд чинь хадгалуулсан НД ийн 229 тэрбум төгрөгийг өгчих л дөө Тэтгэвэр нэмэх гээд байнаа

Avatar

Зочин 2021-11-01 103.80.210.183

энэ мангуу хийнэ ч гэж байхгүй л дээ. ковид өвчинийг яаж тараасаныг нь харчих л даа. хотоос өөр газарт хүн амьтрах аргагүй болгосон АН-н малуудыг аа заазалж холдуул.

Avatar

иргэн 2021-11-01 66.181.190.22

гоё хот миний хот машингүй хот цахим үндэстэн 400 жуулчин мод гээд л лоозогносон сүржин популист хийрхлээс яасан их залхаж байнаа. Нэг ч гэсэн юм хийх хүсэл байгаад чаддаг бол хийсэн зүйлийнхээ үр дүнг бас хийх гэж байгаа зүйлийнхээ арга зам шийдлээ олон нийтэд мэдээлж байгаачээ гуйж байна эсвэл зайлаад өгөөч.

Avatar

Зочин 2021-11-01 192.82.88.202

Teneg BUH mini zailuul vzeech !!!

Avatar

Зочин 2021-11-01 192.82.78.83

Битгий ГУЦААД байгаачээ. Банкнанд чинь улсын ардуудын мөнгийг гаргаж өгөөд зайл

Avatar

Зочин 2021-11-01 79.141.162.81

neg hund onogdoh gazar nutgiin hemjeegeer MGL delhiig negt bhad…. tugjrel gedeg bol onigoo sh dee

NewsMN Гар утасны хувилбар Татах
NEWS.mn

Мэдээллийн эх сурвалж