Жэнжоу хотын албан тушаалтнуудад хариуцлага тооцож эхлэв

Хуучирсан мэдээ: 2021.10.31-нд нийтлэгдсэн

Жэнжоу хотын албан тушаалтнуудад хариуцлага тооцож эхлэв

Жэнжоу хотын албан тушаалтнуудад хариуцлага тооцож эхлэв

Хятадын төв Жэнжоу хотын намын дарга Сюй Лиг Хэнань мужийн 13 гишүүнтэй Байнгын хорооноос чөлөөллөө. Тэрбээр Жэнжоу хотын намын дарга болон 93 гишүүнтэй мужийн намын хорооны гишүүний албан тушаалдаа хэвээр үлдэв.

Өнгөрсөн долдугаар сард Хэнань мужид болсон үерийн гамшгийн улмаас 302 хүн амиа алдсан юм. Үүнээс 292 нь Жэнжоу хотын оршин суугч байсан бөгөөд ихэнх нь метроны байгууламж дотор үерийн усанд боогдон эндсэн аж.

Хятадын төрийн зөвлөл наймдугаар сарын эхээр гамшгийг судлах ажлын хэсэг байгуулсан. Тус ажлын хэсэг гамшгийн хариу арга хэмжээг цогцоор үнэлж, үүргээ зохих ёсоор биелүүлээгүй албан тушаалтнуудад хариуцлага тооцохоор болсон билээ.

Байнгын хорооноос Сюй Лигийн огцорсон шалтгааныг гамшигтай шууд холбон тайлбарлахгүй байгаа ч түүнийг гамшгийн хариуцлагыг хүлээн Байнгын хорооны гишүүний албанаас чөлөөлөгдсөн гэж олон нийт үзэж байна.

Өдгөө 57 настай Сюй 2019 онд тус хотын намын даргаар томилогдож байв. Үүнээс өмнө зүүн нутгийн Жэжян мужид ажиллаж, Ханжоу хотын даргын албыг хэсэг хугацаанд хашиж байжээ.

ЭХ СУРВАЛЖ: SOUTH CHINA MORNING POST

Энэ мэдээнд өгөх таны сэтгэгдэл?
3
ЗөвЗөв
2
ХахаХаха
2
ТэнэглэлТэнэглэл
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж