Загас агнууртай холбоотой маргаанаас үүдэн Их Британи, Францын хооронд зөрчил гүнзгийрч байна. Тодруулбал, Их Британийн гадаад хэргийн яамнаас өнгөрсөн Пүрэв гаригт тус улсад суугаа Францын элчин сайдыг дуудаж, загасчлалын эрхэнд заналхийлсэн үйлдэлд тайлбар авчээ. Үүнээс хэдхэн цагийн өмнө Францын ерөнхий сайд Жан Кастекс маргааныг шийдвэрлэхээр нээлттэй уулзалт хийх саналыг тавьсан байв.

Нормандын арал болон Их Британийн ойролцоох далай, тэнгист загасчлалын үйл ажиллагаа явуулах Европын холбооны завины лицензээс болж хоёр орны хооронд маргаан үүсгэсэн юм. Их Британи нь Жерси, Гюрнсей зэрэг Лондонгоос аюулгүй байдал, гадаад харилцаанд хараат арлуудын ойролцоо загасчлах Францын завинд лиценз олгохоос татгалзсан аж. Улмаар Их Британийн талаас лиценз олгохгүй татгалзсаар байвал Франц нь ирэх долоо хоногт хариу арга хэмжээ авна гэж анхааруулжээ. Үүний зэрэгцээ Францын албаныхан өнгөрсөн Лхагва гаригт Их Британийн  загасчлалын хоёр завийг торгож, нөгөөг нь саатуулсан аж.

ЭХ СУРВАЛЖ: AGENCE FRANCE-PRESSE