"Уургийн хэт их хэрэглээ тархины харвалтад нөлөөлдөг" | News.MN

"Уургийн хэт их хэрэглээ тархины харвалтад нөлөөлдөг"

"Уургийн хэт их хэрэглээ тархины харвалтад нөлөөлдөг"

Тархины харвалт өвчин нь Монголд болон дэлхийн орнуудад өвчлөл, нас баралтын байдлаар эхний гуравт ордог.  Дэлхийд жил бүр  14 сая хүн тархины харвалтад өртөж, 5.5 сая хүн нас барж байна.


УЛСЫН ХОЁРДУГААР ТӨВ ЭМНЭЛЭГИЙН МЭДРЭЛИЙН ТАСГИЙН ИХ ЭМЧ Д.МӨНХЖАРГАЛ:

-Харвалттай тэмцэх энэ жилийн уриа бол “Хором бүрийг аварцгаая“ уриан дор нэгдэж байна. Монгол Улсын хувьд хүн амын нас баралтаар харвалт, зүрх судасны өвчин тэргүүлж буй. Нүүрний нэг тал мурийх, гар сулрах, хэл яриа ээдрэх зэрэг нь харвалтын үндсэн шинж тэмдэг илэрдэг хоруу чанартай өвчин юм. Тархийг цусаар хангагч судасны үйл ажиллагаа гэнэт 24 цаг ба түүнээс дээш хугацаагаар алдагдахыг харвалт гэнэ. Тархины судас нарийсах, бөглөрөхөөс үүдэн тархины цусан хангамж дутагдан шигдээст харвалт үүснэ. Тархины судас хагарч тархины эдэд цус хурснаар эдийн цус харвалт үүсдэг. Аль ч тохиолдолд цаг алдалгүй тусламж дуудах хэрэгтэй. Харвалтад хүргэдэг гол хүчин зүйл нь зүрх судасны өвчин буюу артерийн даралт ихсэх өвчин. Дараагаар нь чихрийн шижин өвчин, өөх тосны солилцооны алдагдал, тамхины хэрэглээ, биеийн жингийн илүүдэл гэх мэт бидний өөрсдийн зохицуулж болох өвчлөлүүд нь харвалтын шалгаан болдог. Иймээс амьдралын зөв хэв маяг, зөв хооллолт, хөдөлгөөний идэвхитэй байж дадал болгох хэрэгтэй. Өмнө нь 45-аас дээш насныхан харвалтад өртөх эрсдэлтэй гэж үздэг байсан. Сүүлийн үед залуус фитнессд явж, уураг нэмэлтээр их хэрэглэж байна. Энэ нь тархины харвалтад нөлөөлөх нэг шалтгаан болж байгаа. Уургийн хэт их хэрэглээ нь цус өтгөрөлийг нэмэгдүүлж улмаар судас бөглөрөх шалтгаан болдог.

Эрсдэлт хүчин зүйлс:

  • Таргалалт
  • Хөдөлгөөний дутагдал
  • Согтууруулах ундааны хэрэглээ
  • Тамхидалт
  • Цусан дахь сахарын хэмжээ ихсэх
  • Зүрх судасны эмгэг
  • Артерийн даралт их байх
  • Цусан дахь холестериний хэмжээ их байх
  • Нойрсох үеийн амьсгал тасалдах эмгэг
  • Буруу хооллолт зэрэг орж байна.

Хамгийн шилдэг арга бол хувь хүн бүр харвалтын шинжийг сайн мэдэж авах, мөн өөрт байгаа таван эрсдэлт хүчин зүйлийг засч чадвал харвалтын өвчлөл, нас баралтыг багасгах, хүний насыг уртасгах, амьдрах чанарыг дээшлүүлэх боломж байгаа юм.

Монголын хувьд  нийт өвчлөлийн 12 хувийг зүрх болон тархины судасны өвчин эзэлдэг. Сүүлийн арван жилийн судалгаагаар 100 мянган хүн амд 6.6 буюу 2011 оноос нэг пунктээр өсчээ. Өнгөрсөн 2020 оны байдлаар нийт нас баралтын 34.2 хувийг зүрх, тархины судасны өвчлөл эзэлж байна. Үүнээс 24.5 хувь нь тархины харвалт. Тархины цус харвалтын үүсэх үндсэн суурь өвчний нэг болох цусны даралт ихдэлт 2011 оноос 1.6 дахин нэмэгдсэн.

Тархины судасны өвчлөл 2011 оноос 0.8 хувиар өсчээ. Тархины харвалт, зүрхний судасны үхлээр нас баралтын дунд эрэгтэйчүүдийн тоо давамгай байна. 2020 онд тархи болон зүрх судасны өвчнөөр нас барсан хүмүүсийн 95.2 хувь нь 40-өөс дээш насны хүмүүс байгаагаас эрэгтэйчүүдийн 43, эмэгтэйчүүдийн 18 хувь нь ид хөдөлмөрийн насандаа нас баржээ.

С.ОЮУНГЭРЭЛ

Энэ мэдээнд өгөх таны сэтгэгдэл?
3
ХөөрхөнХөөрхөн
1
ХахаХаха
1
ХарамсалтайХарамсалтай
1
ТэнэглэлТэнэглэл
1
БурууБуруу
0
ЗөвЗөв
0
ГайхмаарГайхмаар
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-29 202.21.109.35

тархины харвалт гэж юу вэ?

Avatar

Зочин 2021-10-29 185.220.100.240

!!!!!!!!!! Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-10-29 122.201.26.14

уураг гэдэг нь мах уу

Avatar

Зочин 2021-10-29 202.179.21.238

Загасны болон амьтны мах, цагаан идээ гэх мэт уургаар баялаг. Залуусын хэрэглэж буй нь үйлдвэрийн савласан уураг хэлж байгаа байх. Уг нь уургандаа биш өөх тосондоо гол асуудал байдаг. Уургийн хэмжээг хэтрүүлж болохгүй. Ер нь ямар ч юмны хэвийн хэмжээг хэтрүүлж хэрэглэж болохгүй. Хэрэв хүн муу өөх тос идэхгүй ялгаад явбал яах ч үгүй. Зүрх ч өвддөггүй. Зарим оронд үхрийн махны үүлдэр хөгжүүлэхдээ махных нь ширхэг завсраар өөхтэй байхаар байлгадаг. Тийм махыг яасан ч идэж болохгүй.

Avatar

Зочин 2021-10-29 202.179.21.238

Монголчуудын ТҮГЭЭМЭЛ хэрэглэдэг хортой хүнс: малын өөх, тос, сүүний тос, сүүний цөцгий, масло, шар тос, өөхөөр хийдэг бүтээгдэхүүн үүнд ХИАМ, зайдас, Маслоор хийдэг бүтээгдэхүүнүүд: үүнд үйлдвэрийн гурилан бүтээгдэхүүн, ваффел, печень, хавсай, торт, бялуу. Бэлэн гоймон, тослогтой бяслаг түүгээр хийсэн пицца гэх мэт бүтээгдэхүүн. 2. Өөхийг нь шулсан ширхэг завсраа өөхгүй малын мах зүв зүгээр. Өөхний оронд ургамлын тос хоолондоо ашиглах.

Avatar

Зочин 2021-10-29 23.92.142.182

Ургамалын тос нэрээр нийлэг тос их хэрэглэгддэг учрааё баё зайлсхийх хэрэгтэй. Олив нь л үгээр юм шиг байна лээ. Түүнээс наран цэцэц, канола, эрдэнэ шиш гэх мэт бусад нь баё ялгаагүй хортой. Тэгснээс бараг сүүлний тосоо хэрэглээд явсан нь дээр бх.

NewsMN Гар утасны хувилбар Татах
NEWS.mn

Мэдээллийн эх сурвалж