Танилц: Эмнэлгийн дарга нарын ХОМ | News.MN

Танилц: Эмнэлгийн дарга нарын ХОМ

Танилц: Эмнэлгийн дарга нарын ХОМ

Танилц: Эмнэлгийн дарга нарын ХОМ

Улсын томоохон эмнэлгийн дарга нарын 2020 оны ХОМ-ийг хүргэж байна.


Б.Хишигжаргал нь Улсын нэгдүгээр төв эмнэлгийн захирлын албан тушаалд 2020 оны есдүгээр сарын 8-нд томилогдож байв. Түүний жилийн орлого 32 сая төгрөг бол гэр бүлийн орлого гурван  сая төгрөг. Амины орон сууц, зуслангийн байшин байхгүй. Харин нийтийн орон сууц, хашаа байшин, авто гражтай эдгээр нь нийтдээ  405 сая төгрөг. Жийп болон туулах чадвар өндөр, "Toyota Kluger" автомашинаа 55 сая төгрөгөөр үнэлжээ. Түүнчлэн 100 сая төгрөгийн  үнэт эдлэл, 17 сая төгрөгийн хадгаламж,  20 сая төгрөгийн авлага,  79 сая төгрөгийн зээлтэй аж. "Эрдэнэс Тавантолгой" ХК-д хувьцаа эзэмшдэг. 

АВЛАГА, ЗЭЭЛГҮЙ ДАРГА

Улсын хоёрдугаар төв эмнэлгийн захирал Я.Амаржаргалын жилийн орлого 2019 онд 148 сая төгрөг байсан бол 2020 онд 57 сая төгрөг болж буурчээ. Гэр бүлийн орлого 80 сая. Хоёр нийтийн орон сууц,  зуслангийн байшинтай эдгээр нь 298 сая төгрөг. Тээврийн хэрэгслийн хувьд 78 сая төгрөгөөр үнэлэгдэх  жийп болон туулах чадвар өндөр, "Toyota Highlander", суудлын жижиг машин,"Toyota Camry" зэрэг хоёр автомашинтай. Засгийн газрын 513 ширхэг хувьцаа эзэмшдэг, 20 сая төгрөгийн хадгаламжтай. Гадаадын банкинд хадгаламжгүй, авлага, зээлгүй гэжээ. 

Түүний хувьд Эрүүл мэндийн яаманд 2005 оноос хойш ажилласан бөгөөд 2019 оны аравдугаар сараас Эрүүл мэндийн яамны Төрийн нарийн бичгийн даргын албан үүргийг түр орлон гүйцэтгэгчээр ажилласан. Улмаар  2021 оны хоёрдугаар сард Улсын хоёрдугаар төв эмнэлгийн захирлын албан тушаалд томилогдсон.

ЮМ, ЮМТАЙ ДАРГА

Гуравдугаар төв Эмнэлгийн даргаар  Ц.Төмөр-Очирыг 2020 онд томилсон. Түүний жилийн  орлого 34 сая, гэр бүлийн орлого 64 сая төгрөг.  Олсон орлогыг нь 2019 онтой харьцуулахад 24 сая төгрөгөөр буурчээ. Харин гэр бүлийн орлого  нь найман сая төгрөгөөр нэмэгдэн 64 сая төгрөг болжээ. 

Гурван нийтийн орон сууц,  зуслангийн байшин, авто зогсоол, авто гражтай эдгээрийн  нийт үнэлгээ нь 559 сая төгрөг. Суудлын жижиг "Toyota, Corolla runx" автомашинаа  100 сая төгрөгөөр үнэлжээ. Түүнчлэн 185 сая төгрөгөөр үнэлэгдэх гурван газар, 160 сая төгрөгийн зээл,  35 сая төгрөгийн үнэт эдлэл, 26 сая төгрөгийн хадгаламжтай бөгөөд өмнөх оноос хадгаламж нь арван сая төгрөгөөр буурчээ. Мөн "Эрдэнэс таван толгой" ХК-д хувьцаа эзэмшдэг аж. 

34 САЯ ТӨГРӨГӨӨР ҮНЭЛЭГДЭХ МАЛТАЙ ДАРГА

Гэмтэл согог судлалын үндэсний төвийн захирал  Э.Галбадрахын  жилийн орлого нь  26 сая төгрөг. Гэр бүлийн орлого нь 2019 онтой харьцуулахад 102 сая төгрөгөөр буурч 57 сая  төгрөг болжээ.   Хоёр нийтийн орон сууцаа 170 сая төгрөгөөр  үнэлсэн байна. Жийп болон туулах чадвар өндөр, "Toyota Prado" суудлын жижиг машин, "Lexus, HS 200" зэрэг хоёр автомашинтай. Эдгээр нь  69 сая төгрөг.  34 сая төгрөгөөр үнэлэгдэх  хоёр хурдан удмын адуу, найман  үхэр, 80 хонь,  95 ямаатай. 18 сая төгрөгийн үнэт эдлэл, 72 сая төгрөгийн хадгаламж, 84 сая төгрөгийн зээлтэй. 

ХУВЬЦААНД ДУРТАЙ ДАРГА

Өнгөрсөн есдүгээр сард ХӨСҮТ-ийн Ерөнхий захирлаар  Ц.Билэгтсайханыг томилсон.  Түүний жилийн орлого 21 сая төгрөг, гэр бүлийн жилийн орлого 28 сая төгрөг. 45 сая төгрөгийн хадгаламжтай, 261 сая төгрөгөөр үнэлэгдэх хоёр ширхэг орон сууц, нэг зуслангийн байшинтай.  Тэрбээр АУҮИС-ийг түшиглэн байгуулсан “Нано мед” эмнэлгийг 100 хувь эзэмшдэг. Мөн үнэртэн, гоо сайхны бүтээгдэхүүн үйлдвэрлэгч “Гарааны дерма лаб” ХХК-ийн 12 хувийг, Гадаад худалдааны чиглэлээр үйл ажиллагаа явуулдаг “БСЖ био тех” ХХК-ийн 33 хувийг тус, тус эзэмшдэг. Ц.Билэгтсайхан нь  2020 оны оны гуравдугаар сард Улсын хоёрдугаар төв эмнэлгийн дэд захирлаар томилогдон ажиллаж байжээ. 

БАЯН ДАРГА

Хавдар судлалын үндэсний төвийн Ерөнхий захирал Н.Эрдэнэхүүгийн  жилийн орлого 31 сая төгрөг бол гэр бүлийн орлого нь 148 сая төгрөг. 2019 онтой харьцуулахад түүний жилийн орлого 10 саяар, гэр бүлийн орлого 62 сая төгрөгөөр өссөн байна. Тэрбээр дотоодын банкинд  68 сая төгрөгийн хадгаламжтай бол гадаадын банкинд ч бас чамгүй хадгаламжтай. Гурван нийтийн орон сууц, авто зогсоол, гражаа  568 сая төгрөгөөр үнэлжээ. Суудлын жижиг машин "Nissan Juke" автомашин нь 15 сая төгрөгийн үнэтэй. Түүний хувьд бусад эмнэлгийн  дарга нараас хөрөнгөөрөө толгой цохиж байна. 

Энэ мэдээнд өгөх таны сэтгэгдэл?
7
ТэнэглэлТэнэглэл
5
ХахаХаха
2
ЗөвЗөв
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
1
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-10-29 202.131.244.210

гэр бүлийн хүн нь юу хийдэг болоод ийм өндөр орлоготой байдаг юм бол? Өөрөө төрд ажиллаад гэр бүлийн хүнийхээ бизнесийг л дэмждэг дүр зураг харагдаж байна даа

Avatar

Зочин 2021-10-29 112.72.10.34

Бүгд хөрөнгө, ашиг сонирхолоо нуун дарагдуулж, улс, иргэдийг хохироогчид! Эд дотор жинхэнэ эмчийн ёс зүй, мэдлэг, чадвар, туршлагатай нэг ч нөхөр байхгүй. Танил тал, намын томилгоо нэрээр улсын хөрөнгөнд гар дүрж, түмэн олныг чирэгдүүлэгч, бэртэгчингүүд. Энэ улсын эрүүл мэндийн салбар, Ковидын эсрэг хийж буй эмчилгээ, үйлчилгээ, хүмүүсийн эрүүл мэндийн байдал, хүндрэл, нас баралтыг харцгаа. Ичиж амьдарцгаа, муусайнууд аа!!!

Avatar

Negen hun 2021-10-29 71.194.170.100

Juke iig ni shalagahad udahgui bailguide 😂

Avatar

Mgl eej 2021-10-29 66.181.182.222

Naad erdenekhuu gsn havdartai humuusiin zovlon nulimas barsan setgelgui shunaltai nuhriig chinburentei n shalga

Avatar

Зочин 2021-10-29 193.189.100.197

= Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-10-29 202.131.225.197

рөнхий захирал Н.Эрдэнэхүү hort havdartai zovson ulsuudiin zovlogoor tsadaj dee uiliin ur ni irnee hu

Avatar

Juju 2021-10-29 192.82.74.41

Nogo hilgaich nariin huvid yu yumbeedee chaavaas

Avatar

Зочин 2021-10-29 202.21.127.116

kk, suuliin uyeiin trend bolson havdariin emnelegiin darga arai iluu bna shuu!

Avatar

Зочин 2021-10-29 66.181.189.137

Дундаж юм бишүү. Дундаж давхаргаа дэмжих бодлогоо урагшлуулмаар байна ЗГ.

Avatar

Зочин 2021-10-29 103.80.210.183

юу нь дундаж байдаг юм. шалгарсан жижиг хулгайчууд л байна. улсын мөнгөөр тэвэг тоглож мөнгө унагаадаг юм байлгүй.

Avatar

Зочин 2021-10-29 139.5.216.22

Ажил хийж байгаа хүмүүс иймэрхүү байлгүй дээ

Avatar

СҮРТЭЙ БИЧИЙ ШҮҮ 2021-10-29 202.179.26.171

ПАА… ТОЛГОЙ ЦОХИСИЙМ БИЗ ДЭЭ .

Avatar

зочин 2021-10-29 202.179.15.71

Энгийн дундаж амьдралтай хүмүүс бна

Avatar

Зочин 2021-10-29 210.238.186.160

Дундаж давхаргын хүмүүс л бна харьцангуйгаар.

NewsMN Гар утасны хувилбар Татах
NEWS.mn

Мэдээллийн эх сурвалж