Bet ба ажлаас зугтагсад | News.MN

Bet ба ажлаас зугтагсад

Bet ба ажлаас зугтагсад

Bet ба ажлаас зугтагсад

Сүүлийн үед “sports betting” буюу спортын тэмцээн уралдаанд бооцоо тавих үзэгдэл залуусын дунд гаарч байна. Олон нийт төдийлөн анзаардаггүй ч хөдөлмөрийн насныхан, өсвөр үеийнхэн үүнд автаж, амар, хялбар аргаар мөнгө олохыг илүүд үзэх болов.

Иргэн Э-ийн хувьд спорт сонирхдоггүй ч аав, ээжээсээ авсан мөнгөө арвижуулах хүсэлтэй оюутан. Тэрбээр сүүлийн үед тогтмол бооцоо тавьж байгаа бөгөөд олохоосоо алдах нь их гэнэ. Тэрбээр “Анх 5000 төгрөгөөр дансаа цэнэглээд хөлбөмбөгийн хоёр тоглолтын үр дүнг зөв тааж байсан юм. Ер нь тэр үеэс л энэ замаар мөнгөө өсгөх боломжтой юм байна гэж бодсон л доо. Дараа нь 50 мянган төгрөгөөр цэнэглээд найзынхаа хэлснээр нэг баг дээр хожно гээд тавьчихсан чинь алдчихсан. Бөмбөг бөөрөнхий гэж үнэн л юм байна лээ. Алдсан хэдээ олох гээд улайраад хүмүүс бүр хэцүү байдалд ордог шүү” гэж ярилаа.

Харин Иргэн Б тогтмол орлогогүй ч бооцоо тавих дуртай. Түүний хувьд найз нөхөд, хамаатан саднаасаа хамгийн багадаа 5000 төгрөг зээлэн дансаа цэнэглэдэг аж. Тэрбээр “300 төгрөгөөр олон тоглолт холбоод зөв тааж чадвал эргүүлээд авах мөнгө нь өндөр байдаг. Хүнээс гуйж авсан мөнгөө бүгдийг нь тавиад алдаад байвал утгагүй шүү дээ. Хаа ганц ёндоорч хоолныхоо мөнгийг олчихдог юм аа. Одоо бодоход аягүй их мөнгө алджээ. Хадгалж, цуглуулсан бол ч…” гэв.

Дээрх хоёр хүн бол Монголын олон мянган “бооцоочин” залуусын төлөөлөл. Хамгийн харамсалтай нь, залуусын дийлэнхи нь мөнгөө алддаг. Зүгээр л төгрөгөө гадагшаагаа урсгачихдаг. Валют оруулж ирж байгаа нь тун цөөхөн.

Олны танил гэж хэлж болохуйц хүмүүс ч залуусыг үүнд уриалдаг. Тэдний хувьд хэдийнэ санхүүгийн эрх чөлөөнд хүрчихсэн, хэрэглээнээсээ илүү гарсан мөнгөөрөө тоглож байгаа нь лавтай.

Гэтэл сурч боловсорч, ажил хөдөлмөр эрхлэх насан дээрээ явж буй залуусыг уруу татаж, мөнгөө өсгөх амархан мэтээр ярьдаг, харуулдаг. Төгсгөлд нь “Эрсдлээ өөрсдөө үүрээрэй”, “Ганц л тип зөрлөө” гэгчлэн амыг нь хаадаг. Овоо босгоогүй бол шаазгай хаанаас суух вэ гэж үг бий. Анхнаасаа залуучуудад сэдэл өгсөн нь тэдний буруу.

Түүгээр зогсохгүй залуусын хэрэгцээн дээр суурилсан төлбөртэй үйлчилгээ үзүүлж буй хэсэг хүмүүс бий. Урьд цагт банкны картаараа шууд дансаа цэнэглэдэг байсан бол одоо энэ байдал үгүй болсон. Гэтэл агент нэртэй хүмүүсийн дансыг цэнэглэдэг бүлэг бий болов. Тэд хүмүүсийн дансыг цэнэглэж, дундаас нь тодорхой хувь авдаг. Мөн хүмүүст тип буюу зөвлөгөө өгдөг хэсэг хүмүүс ч бий. Тэдний ажил ерөнхийдөө аль баг, аль тамирчин ялж, ялагдахыг урьдчилан таамаглах. Гол нь аль ч тип 100 хувь баттай биш.

2028 он гэхэд олон улсын спорт бооцооны зах зээлд жилдээ 179 гаруй тэрбум ам.доллар эргэлдэнэ гэх тооцоо бий. Гэхдээ Монгол тэргүүтэй зарим улсад энэ нь хууль бус.

Харин АНУ, Канад, Их Британи, Испани, Хятад, Япон зэрэг орнуудад хуулиараа спортын бооцоо хүлээн зөвшөөрөгдсөн. "Nbcnews.com" сайтын мэдээлснээр АНУ-ын насанд хүрэгчдийн ойролцоогоор 1 хувь нь буюу 2.5 сая нь мөрий, бооцоо тавих донтой байдаг гэнэ. Мөнгөө алдсан хүмүүс ихэвчлэн зээлийн карт, хадгаламж, тэтгэврээ ашиглан шархаа нөхөх гэж дахин азаа үздэг аж.

"Debt.org" сайтын мэдээлж буйгаар 23 сая Америк мөрийтэй тоглоомноос болж өрөнд орсон бөгөөд дундаж алдагдал нь 55 мянган ам.доллар гэнэ.

Цар тахлын үед АНУ-д ийм нэгэн хэрэг гарсан. Род-Айлендаас гаралтай “Fortune 500”-д бичигддэг компанид өндөр цалинтай ажилладаг, эхнэр хүүхэдтэй 29 настай залуу “bet”-д донтжээ. Өдөржин компьютерийн дэлгэц шагайж, гэртээ бүгдэг байсан тэрбээр банкнаас дөрвөн удаа хэрэглээний зээл авч, алдагдсан мөнгөө эргүүлж олохоор дахин дахин бооцоо тавьсан ч алдсан аж. Эцэст нь 401K буюу тэтгэврийн хадгаламжаа хоосолжээ.

Түүний хувьд нийтдээ 200 мянган ам.долларыг бооцооны компаниудад алдсан гэнэ. Тэрбээр “nbcnews.com” сайтад өгсөн ярилцлагадаа “Би мөнгөө алдаж эхэлсэн. Одоо бол өөрөөсөө үнэхээр ичиж байна. Би шөнө уйлдаг. Охин, эхнэр хоёрынхоо нүүрийг арай ядан хардаг” гэжээ.

Мөн өнгөрсөн оны арванхоёрдугаар сард спорт бооцооны “DraftKings” сайтад Нью-Жерсигээс нэгэн эр холбогдож, дансаа цэнэглэх гэсэн боловч хязгаартай тулсан тухайгаа хэлжээ. Хэрэглэгчийн хүсэлтийн дагуу албаныхан хаягийг нь шалгатал тэрбээр 2020 оны нэгдүгээр сараас арванхоёрдугаар сар хүртэл нийтдээ 1.9 сая ам.долларыг бооцоонд зориулсан байж.

Ийм амар хялбар аргаар гэнэт мөнгөтэй болох гэсэн арга барил нь нөгөө талдаа хөдөлмөрлөх сонирхолгүй, хөлс гаргалгүй мөнгө олох гэсэн хөдөлмөрөөс зугтагсдын арми бий болгож байна. Дан ганц “sports betting” биш ийм төрлийн бооцоо тавьж алдаж, онодог, түүндээ шунадаг залуус маш олон болсны нотолгоо нь энэ.

Чимээгүй дон гэгдэж буй спортын бооцоо нь сэтгэл зүй, биемахбодийн болон санхүүгийн хохирол дагуулдаг. Монголд хуулиараа зөвшөөрөгдөөгүй ч техник технологийн дэвшлийг ашиглаж, хууль бусаар гадны бооцооны сайтууд манайд нэвтэрч, залуусын халаасыг хоосолсоор байна.

Энэ мэдээнд өгөх таны сэтгэгдэл?
15
ХарамсалтайХарамсалтай
1
ЗөвЗөв
1
ХахаХаха
1
ГайхмаарГайхмаар
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-27 185.220.100.250

== Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-10-27 202.179.27.51

Хүн хамранд нь б@@с түрхцэн юм шиг хачин гөлөгнүүдэд дорд үзэгдэн байж морь нохой шиг ажиллачаад юу ч авч хүрэхгүй цалин нэртэй хэдхэн цаас авч голоо зогоож байхаар иймэрхүү юм хийгээд өөрийгөө болгоод явж байсан нь дээр ш д. Солонгос шиг цалин өгдөг болчуул юу ч гэж хуцсан болно, чадахгүй бол дуугүй ажил хийх хүн алга гэж өрөөнийхөө мухарт өөртэйгөө яриад уйлаад сууж бай!

Avatar

Зочин 2021-10-27 122.201.22.27

Айяаяа ямар харанхуй байнаа могорууд

Avatar

zochin 2021-10-27 202.70.46.20

Болиод өг хөөе. Баахан зохиол бичээд энийгээ нийтлэл гэж байгаамуу? Спорт бэт бол тухайн спортыг сонирхох нэг хөшүүрэг, нэг п и с д а 50К тавиад алдаа л биз. Яахаараа бүх залуусыг хамруулаад зохиол бичээд шаадын бээ чи

Avatar

Зочин 2021-10-27 122.201.31.108

Сүржигнэхээ боль. Sport betting бол байдаг л зүйл. Монгол агентууд ажиллаж байгаа нь харин ч сайн. Тэр агентууд л алдаж чадах хэмжээгээрээ бооцоо тавь, бүх мөнгөөрөө битгий ор, өгч байгаа типүүд найдвартай биш гэж хэлж өгдөг юм билээ. Бооцооноос хождог, тогтмол орлого олдог хүмүүс бас байгаа.

Avatar

Зочин 2021-10-27 202.21.115.82

za iim ym bichij bhaar uur ym bicheej, delhii niiteeree bugd l ajiliin hajuugaar bet tavial uzdiin sh dee odoo buur undesnii buhiig bet tavidag bolgoh heregtei

Avatar

Зочин 2021-10-27 66.181.161.71

Tiishd. Undesni buh, mori uralduulah deer bootsoo tavidag system bvl humuus durtai bna. Zaalni barildaanuud deer ter turuulne, ter shuvgurni geh met songoltuud bdg bol goy oo.

Avatar

Зочин 2021-10-27 202.9.46.237

казиногоол нээмалуудааа монгол хүн тоголохын хригло тэгээл нд нуц нэртэй ил оголоомууд будаа болно

Avatar

Зочин 2021-10-27 59.153.84.70

ажлаас зугтагсад гэж шал утгагүй нэршил өгөхийн мөрий тавихаар ажилгүй болчидын муу

Avatar

Зочин 2021-10-27 66.181.189.137

Үнэний ор байгаа шүү. Хэдэн хүн мэдэхийн байна. Ажилаа цагтаа хийхээ болиод байнга шаардуулдаг болдог юм билээ

Avatar

Зочин 2021-10-27 66.181.191.254

h*****d bhiin sport uzdeggui yum bol yaj hojihiin gulug chhine

Avatar

Зочин 2021-10-27 66.181.164.211

Үнэн үнэн, залуус ажил хийхгүй мөнгө олно гэж бодоод байх юмаа. Хөдөлмөрөөр баялаг бүтээнэ, хий хоосон мөрөөдөж, шуналд автаж донтох биш.

Avatar

Зочин 2021-10-27 202.21.109.62

Beteer bayajisan baagiii gej sonsoooguio um bn shuu aldaad dussan geed neg erguu piz uglele orooo heden sar toj duusagana gej baisan

Avatar

Зочин 2021-10-27 43.228.131.118

Гадны сүлжээг хууль бусаар Монголд ажлуулж хөлжигсөд олон байна. Спортын бооцоот тааварыг хуулиар зохицуулбал давуу тал ихтэй. Ядаж спортын салбар нь төсвийн гачаалалалгүй болж мэргэжлийн спорт, мэргэжлийн клубүүд хөгжих боломж бүрдүүлэхийн зэрэгцээ даваа наймаалцах, допингийн хэрэглээг хянах, хариуцлага хүлээлгэх эрх зүйн орчин бүрдэхийн зэрэгцээ мөрийнд донтох, хөрөнгөө алдах эрсдлээс урьдчилан сэргийлэх хянах, завсрын шимэгчдийг хазаарлах, татвараа Монголдоо үлдээх гээд олон боломж бий.

Avatar

Зочин 2021-10-27 66.181.161.50

hojij bgaa mash olon bgaa ted hend ch heldegui yum

Avatar

Зочин 2021-10-27 202.55.188.99

buh turliun sport bootsoonoos gadna pokeriin olon site app $ oor toglyyldagshd. tsagdaagiin baigyyllaga shalgah ni hitgii hel uursduu toglood syyj baidagshde

Avatar

Иргэн 2021-10-27 203.91.115.53

Эрх баригчдаа гадаадын хөрөнгө оруулалтаа нэмэгдүүл. Үйлдвэрээ нэм. Залуучуудын орон шүү. Энэ их боломжийг ойрын 15 жилд ашиглахгүй бол дуусна шүү. 2040 оноос 1980 аад оныхон тэтгэвэрт гарна. Түүнээс өмнө цэрэг, цагдаагийн 25 жилтэнгүүд тэтгэвэрт гарна. Бодоорой

NewsMN Гар утасны хувилбар Татах
NEWS.mn

Мэдээллийн эх сурвалж