Монголын загварын ертөнцийнхний хамгийн нэр хүндтэй наадам бол "Гоёл". Жил бүрийн арванхоёрдугаар сарын эхээр зохион байгуулдаг уг наадмыг энэ жил зохион байгуулах эсэх нь тодорхойгүй байгаа аж. Цар тахлын улмаас өнгөрсөн 2020 онд "Гоёл" наадам цуцлагдаж, ээлжит Топ моделио тодруулаагүй билээ.

Монголын дизайнеруудын холбооноос зохион байгуулдаг 30 гаруй жилийн түүхтэй наадмаар Монголын он оны Топ модель, шилдэг дизайнерууд, шилдэг моделиуд, шилдэг үсчин, шилдэг нүүр будагчдыг уламжлал болгон шалгаруулдаг.

Сонирхуулахад “Гоёл-2016” наадмаар хүн бүрийн догдлон байж хүлээдэг шинэ топ модель тодроогүй. Хамгийн сүүлд "Гоёл-2019" наадмын Топ моделиор загвар өмсөгч Н.Сарнай шалгарч байсан бол "Гоёл-2020’ наадмын Топ моделиор загвар өмсөгч Д.Долгион өргөмжлөгдсөн юм.