Дэлгүүр, худалдагч гэсэн хэвшмэл ойлголтыг монголчуудын сэтгэлгээнээс халж, шинэ стандарт, дэлхийн төвшний үйлчилгээг таниулж байгаа GS25 тав тухтай дэлгүүр хэдийнэ бидний амьдралын нэг хэсэг болжээ. Ердөө таван сарын өмнө буюу 2021 оны тавдугаар сарын 18-нд эхний салбараа нээж, анхны хэрэглэгчээ угтаж байсан GS25 ая тухтай дэлгүүр өнөөдөр буюу аравдугаар сарын 25-нд UK тауэрт 25 дахь салбараа нээж байна.

Үйлчилгээний стандартаараа БНСУ-д тасралтгүй тэргүүлж байдаг GS25 нь Монголд салбараа нээснээр бид өргөн сонголттой, өндөр чанартай бүтээгдэхүүн үйлчилгээ авах боломжтой болсны дээр хэрэглэгч үйлчлүүлэгч нь дахин давтагдашгүй урамшууллуудын амтыг өдөр бүр мэдэрсээр байна.

GS25-ын онцгой давуу тал бол дижитал хэрэглээг дэмжсэн дэлгүүрийн төгс аппликейшн. Хэрэглэгч төвтэй энэ байгууллага урамшуулалд авсан бүтээгдэхүүнээ хадгалах “Миний хөргөгч” цэс бүтээснээр хүссэн үедээ урамшууллын бараа авах боломжийг нээсэнд үйлчлүүлэгчид сэтгэл ханамжтай байдаг. Мөн хайртай дотны хүмүүстээ энэхүү аппликейшныг ашиглан бэлэг илгээх, тоглоом тоглож бэлэг хожих зэрэг олон сонирхолтой цэстэй.

"Дижитал Концепт" ХХК нь GS25 аппликейшны патентын эрх авсан бөгөөд хэрэглэгчид рүү чиглэсэн үйлчилгээ, урамшууллаа улам боловсронгуй болгох зорилгоор тасралтгүй хөгжүүлэлт хийдэг тул хэрэглэгч танд илүү олон шинэ боломж цаашид ч нэмэгдэх болно. Энэ удаад 25 салбарынхаа нээлтийн урамшуулал болгон хэрэглэгч танд дараах онцгой бэлгүүдийг бэлджээ. 25 дахь салбараар үйлчлүүлсэн эхний 25 хэрэглэгчдээ GS25 гарын бэлэг, 100 онцгой хэрэглэгчдээ GS25 аппликейшнаас ашиглан GS латте авах эрх болон тус салбараар үйлчлүүлсэн хэрэглэгч таныг GS25 аппликейшн дээр суурилсан олон төрлийн урамшуулал хүлээж байна.

Аравдугаар сарын 25-нд 25 дахь салбараа нээж байгаа GS25-чууд 2021 оны төгсгөл гэхэд 50 дахь салбараа нээхээ үйлчлүүлэгчдэдээ амласан билээ. Асар богино хугацаанд салбар дэлгүүрүүдээ нээж байгаа GS252ын хувьд 1 дэлгүүр нээж, үйл ажиллагаа эхлэхэд бэлэн болгоход дунджаар 16 хоног зарцуулдаг байна. Мэдээж хаягжилт, тохижилт, засвар гээд бүх зүйл Солонгос улсын стандартын дагуу бэлэн болдог.

Энэ эрчээрээ тэд 2022 он гэхэд дахин 100 дэлгүүр нээж, 2022 оны төгсгөлд 150 дэлгүүрээр хэрэглэгч танд үйлчилгээ үзүүлнэ. GS25 дэлгүүрийн франчайз эрхийг 2022 оноос бизнес эрхлэгчдэд олгох бэлтгэлээ хэдийнэ хангаад байгааг дуулгахад таатай байна. Хүрээгээ улам тэлсээр байгаа бидний дуртай дэлгүүр өнөөдрийн байдлаар 400 орчим ажилтантай, найрсаг хамт олныг бүрдүүлж чаджээ.

Мөн цаашид нээгдэх салбарууддаа зориулан 300 орчим “Дэлгүүрийн ажилтан” ажлын байр зарласан байгаа нь GS25-чуудын нийгэмд оруулж байгаа хувь нэмэр яах аргагүй мөн. Урам зоригтойгоор 25 дахь салбараа нээн урагшлах GS25 дэлгүүрээр зочилж, шинэ содон бүхнийг биеэр мэдрэх боломжийг хэрэглэгч танд үлдээлээ. 25 дахь салбар дэлгүүрээр тавтай морилж, хэрэглэгч танд бэлдсэн онцгой бэлгүүдтэй хамт байгаарай.