Эрүүл мэндийн яамнаас ээлжит мэдээлэл өгөхдөө зөвхөн PCR шинжилгээгээр эерэг гарсан тохиолдлыг мэдээлж байгаа. Мөн энэ сарын 22-ноос  эдгэсэн хүмүүсийн тоог мэдээлэхээ зогсоосон юм.

Сүүлийн 24 цагийн хугацаанд PCR шинжилгээ өгсөн иргэдийн 1321 хүнээс Covid-19 илэрчээ. Шинээр илэрсэн тохиолдлууд дотоодын халдвар болон зөөвөрлөгдсөн хэлбэрээр батлагджээ.

• 753 нь Улаанбаатар хотод,
• 568 нь орон нутагт
• 0 нь зөөвөрлөгдсөн тохиолдлоор бүртгэгдсэн байна.

Нас баралтын тухайд 0-80 насны 17 хүн нас баржээ. Өнөөдрийн байдлаар Covid-19-ийн улмаас нийтдээ 1587 хүн нас бараад байна. Улсын хэмжээнд 18786 хүн хэвтэн эмчлүүлж буйгаас 50010  нь гэрийн хяналтад байна.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн – 8638
• Хүндэвтэр – 7256
• Хүнд – 2230
• Маш хүнд – 362 хүн байна.

Х.ДОРЖПАЛАМ