Нийслэлийн Онцгой байдлын газраас Монгол-Оросын хувь нийлүүлсэн нийгэмлэг Улаанбаатар төмөр замтай хамтран “Галт тэрэгний цуваанд үүссэн осол, шатах тослох материал алдагдаж гарсан гал түймрийг унтраах тактикийн сургуулилалт”-ыг энэ сарын 23-ны өдөр зохион байгууллаа.

Дадлага сургууль Сонгино хайрхан дүүргийн 20 дугаар хорооны нутаг дэвсгэрт байрлах Улаанбаатар төмөр замын 396 дугаар километрийн гарам дээр болжээ.

Монгол Улсад галт тэрэгний осол аваар гарах нь ховор боловч 2018 наймдугаар сарын 5-нд Улаанбаатар- Сайншанд чиглэлд явж байсан суудлын галт тэрэгний зүтгүүр болон дөрвөн вагон замаас гарсан осол гарсан.  Галт тэргэнд 328 зорчигч сууж явсан бөгөөд ослын үеэр хүний амь нас эрсдээгүй ч 81 хүнд эмнэлгийн яаралтай тусламж үзүүлж хоёр хүний биеийн байдал нэлээд хүнд эмнэлэгт хүргэгдэж байв.

Х.ДОРЖПАЛАМ