Шадар сайд ОХУ-ын засгийн газрын орлогч даргатай албан уулзалт хийлээ | News.MN

Шадар сайд ОХУ-ын засгийн газрын орлогч даргатай албан уулзалт хийлээ

Шадар сайд ОХУ-ын засгийн газрын орлогч даргатай албан уулзалт хийлээ

Монгол Улс, ОХУ-ын хооронд дипломат харилцаа тогтоосны 100 жилийн ойн хүрээнд ОХУ-ын Засгийн газрын орлогч дарга А.Л.Оверчук тэргүүтэй төлөөлөгчид 2021 оны аравдугаар сарын 21-22-нд манай улсад ажлын айлчлал хийж байна.
Монгол Улсын Шадар сайд С.Амарсайхан ОХУ-ын Засгийн газрын орлогч дарга А.Л.Оверчукийг өнөөдөр Төрийн ордонд хүлээн авч уулзав.

Уулзалтын эхэнд Шадар сайд С.Амарсайхан Монгол Улс, ОХУ-ын ард түмнүүдийг сайн хөршийн харилцан итгэлцэл, хүндлэл, бат бэх нөхөрлөлийн барилдлага нэгтгэдэг хэмээн онцолсон бол ирэх 100 жилд хоёр орны худалдаа, эдийн засгийн хамтын ажиллагааг өргөжүүлэн эрчимжүүлэхэд түлхүү анхаарч ажиллахаа талууд илэрхийлэв.


Худалдаа, эдийн засгийн хамтын ажиллагааг эрчимжүүлэх хүрээнд төмөр замын төв коридорын шинэчлэл, “Богдхан” төмөр зам болон ДЦС-3-ын өргөтгөл шинэчлэлийн төсөл, байгалийн хийн хоолойн төсөл, хилийн боомтуудыг орчин үеийн тоног төхөөрөмжөөр хангах, дэд бүтцийг сайжруулах зэрэг цогц арга хэмжээ хэрэгжүүлэхээр ярилцлаа.

Түүнчлэн Монгол, Оросын худалдаа, эдийн засгийн хамтын ажиллагааны гол механизм болох Засгийн газар хоорондын комиссын ээлжит 23 дугаар хуралдааныг энэ онд багтаан зохион байгуулах чиглэлээр үргэлжлүүлэн ажиллахаар тохиров.

Монгол Улсын Засгийн газрын зүгээс улс орны эдийн засгийг уул уурхайн салбарын хэт хамаарлаас ангижруулах, уул уурхайн бус экспортыг хөгжүүлэх, экспортын чиглэлтэй эдийн засгийн бүтэцтэй болох зорилтыг дэвшүүлсний зэрэгцээ Монгол-Орос-Хятадын хооронд Эдийн засгийн коридор байгуулах хөтөлбөрийг амжилттай хэрэгжүүлж байгааг Шадар сайд С.Амарсайхан онцлон тэмдэглэж, ОХУ-ын зүгээс тогтмол дэмжлэг үзүүлж ирсэнд талархал илэрхийллээ.

Экспортын чиглэлтэй эдийн засгийн бүтэцтэй болох зорилтыг хэрэгжүүлэхэд бүс нутаг хоорондын хамтын ажиллагаа, ялангуяа Монгол Улс-Евразийн эдийн холбоо хооронд чөлөөт худалдааны хэлэлцээр чухал нөлөөтэй учраас хэлэлцээр байгуулах боломжийг судлах хамтарсан судалгааны ажлыг ойрын хугацаанд дүгнэхээр талууд тогтлоо.


 
Монгол Улсын Шадар сайдын Ажлын алба

Энэ мэдээнд өгөх таны сэтгэгдэл?
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-22 202.9.40.47

Оросуудын Богд хаан төмөр замын орох саналыг манайхан нэг чихээрээ оруулаад, аятайхан аргална биздэ ! Стратегийн онц чухал салбарт өөрсдөө л эзэн болсон нь дээр ! 90 ээд онд Америкийн мянганы сорилын сангаас танай төмөр замд хөрөнгө оруулж, салаа зам болгож өгье гэсэн саналыг хамтарсан нэрээр оросууд зад эсэргүүцэж хүлээж аваагүй гашуун туршлага манайд бий шүү дэ ! Яахав дулааны цахилгаан станцын ганц нэгэн төсөл, өргөтгөлд хөрөнгө оруулалтын зөвшөөрөл өгөх хэрэгтэй !

Avatar

Иргэн 2021-10-22 202.126.90.149

2022-2023 онд ЕАЭЗХ-той чөлөөт худалдааны гэрээ байгуулах хэрэгтэй, 145 сая хүнтэй, өвөл нь хүйтэн болдог, манайтай хиллэдэг, төмөр зам, авто замаар шууд холбогддог гүрэнд ноос, ноолуур, арьс шир, нэхий бүтээгдхүүнээ татваргүй нийлүүлэх боломж бүрдэнэ. Сибирьт амьдардаг орос эмээ эсгий шаахай авна шүү дээ, тэмээний ноосон оймс, хөнжил, сарлагийн хөөвөр цамц, Эрдэнэтийн хивс, Говийн ноолуур, савхин курка, гайгүй сайн архи гээд Оросуудад таалагдах зөндөө бүтээгдхүүн бий,

Avatar

Зочин 2021-10-22 51.195.42.226

>>>>> Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-10-22 122.201.31.165

Хот дотроо орсон энэ дулааны станцуудыг өргөтгөж хэрэггүйшдээ. Хүчин чадлыг өргөтгөхийн хэмжээгээр ус, нүүрс, үнсний хэмжээ улам ихсэнэ, ойр орчмыг үнсээр булна, өртөг зардал ихсэнэ, эрчим хүчний үнэ өснө. Зөвхөн Дулааны чадлыг өргөтгөвөл дээр байх, хот томорч байна. ЭХЯ нь Станцын дарга нарын лобид орох хэрэггүй юм. Дөргөний УЦС, Багануурын ДЦС, Нар, Салхнины станцууд баригдаж байна шүүдээ. Ойрын хугацаанд энэ их үүсвэрүүд цахилгааны хэрэгцээг хангах боломжтой юм билээ.

Avatar

Зочин 2021-10-22 192.82.72.157

Оросоор ТЭЦ-3 ын өргөдөл хийлэгвэл дараа нь Японоор дахиж ТЭЦ-4 шиг шинэчлэл хийх ажил гарнаа

Avatar

Зочин 2021-10-22 103.26.194.126

Oligtoi shiidsen yam alga,orosuud medeej iimhen yamnii tuluu oluulaa ongos huluglun irregui bh,tsaana ni arai notstoi yam baigaa bh,orosuudiin tulgaltand avtagdaagui l gej naidahaas,hir zereg uhaalag bodlogo yavuulj baigaagiin neg shalguur boloh bh,tsag hugatsaa buhnii shalguur harjil baiya

NewsMN Гар утасны хувилбар Татах
NEWS.mn

Мэдээллийн эх сурвалж