Монголын түүхэн хийгээд өнөө цагийн “тролл” ажиллагаа... | News.MN

Монголын түүхэн хийгээд өнөө цагийн “тролл” ажиллагаа…

Монголын түүхэн хийгээд өнөө цагийн “тролл” ажиллагаа…

Монголын түүхэн хийгээд өнөө цагийн “тролл” ажиллагаа…
"Тролл Цулам" амилж "Цахим Шулам" хөллөх цагаар... Шог зураач С.Цогтбаяр

Хүний нийгмийн аль ч үед увайгүй, ичгүүргүй явдалтнууд байсаар иржээ. Хүн гээч өөрийн өчүүхэн ашиг сонирхлыг хамгаалахын төлөө явдаг бодгаль бөгөөд түүнийгээ хэрхэн, яаж гүйцэтгэхээс хэн болж үлдэх нь тодордог гэлтэй.

Ер нь өөрийн гэсэн үзэл бодол, үнэт зүйлсгүй, биеэ даагаад амьдралаа аваад явчих чадалгүй, хуучнаар бол бялдуучлан явдаг зусарчдыг хэн хүнгүй үзэн яддаг. Тэд хүний аль ч нийгэмд ав адилхан байсан бололтой. Бусадтай ялгавартай харилцдаг, зулгуйч зантай.  Ийн ааштайнуудыг монголчууд зусарч, алагчин, алгатай, бялангач, бялдууч, долигонуур, долдгонуур, зуурган гэхчлэн олон янзаар хэлж ирж. Тэдний үйлдэл улайм, цаймдаа гарсан бөгөөд тэр нь нийгэмд бүр “хорона”-гаас хорон байхуйд шог зураач С.Цогтбаяр хамгийн сүүлчийн жишээнд өөрийн хайран цагаа зарцуулсан нь энэ.

Эртний явдлыг эдүүгээчилбэл

Есүхэй баатар өнгөрөхөд бэлбэсэн эхнэрийг нь өнчирсөн хүүхдүүдтэй нь хар буурин дээр нь хаяад явсан нөхөд хүчирхэгжсэн цагт нь эргэн ирж нийлнэ. Тэдэн дунд алтан ургийн Алтан, Хучир нар байх бөгөөд хүнд бэрх цагт Жамухыг хаанд өргөмжилж, “нухах” гэж байсан адгийн амьтад билээ. Хэдий алтан ургийн өндөр угсаатай ч алиа салбадай шиг тэдэнд Тэмүүжин нүүр өөгөөгүй. Тэдний хийдэг үйлдэл нь зөвхөн хувийн эрх ашиг бөгөөд хэзээ ч урваж шарвахад бэлэн одоогийнхоор бол “тролл” гэлтэй. Тэд далдуур байнга атгаг санаа өвөртлөх төдийгүй боломж гарвал юугаа ч худалдахад бэлэн, үзэл бодолгүй, үнэт зүйлсгүй ажээ. Басхүү мунхагийн гайгаар төөрч будилж явсан нь ч бий биз. Манжид дагаар орсон Өндөр гэгээнийг хамгийн ойрын хүнээр нь хөнөөлгөсөн түүх ч үүнийг гэрчилнэ.

Шадар ван Чингүнжав ч Манжийн цэрэгт хүчээр дийлэгдсэндээ бус олныг хагалган бутаргагч, хажууд нь шадарлах хэр нь харийн хааны цэрэгт замчилсан урвагчдын балгаар баригджээ. Тэднийг түүхэнд бэйл Цомцогжав, Намхай, хошууны занги Чой гэгчилэн тэмдэглэсэн байх юм.

Хэдийгээр урвагчид болоод “тролл” хоёр ялгаатай ч нийгэм, улс орныг үл хайхран явцуу эрх ашигт үйлчилдэг гэдгээрээ агаар нэгэн билээ.

 

Улаанжсан Монгол ба матаач

Монголын нэрт зохиолч Ламжавын Ванган, Чойжилын Чимидийн зохиол, найруулагч Д.Жигжидийн уран бүтээлдээ маш чадварлагаар нуун далдалж, олон олон шүүлтүүрийг даван хувьсгалт залуучуудын төөрөгдлийг харуулсан дүр бол “Өглөө” киноны сэлэм Тогмид.

Сав хийвэл хуйнаас нь буугаа сугалж, хэнийг ч хамаагүй, тэр бүү хэл ардын засагт ач тус үзүүлсэн хүнийг хүртэл буудчих гээд байдаг Тогмидыг хайрласандаа хорьж, шийтгэж байгаагаар үзүүлсэн ч хэрэг дээрээ боловсрол мэдлэг дулимаг, хувьсгалаар өвчилсөн, хөнгөн хуумгай хувьсгалт залуучуудыг шүүмжилж харуулсан. Үнэхээрийн Монголын хувьсгалт залуучуудын эвлэлийнхэн буутай явдаг төдийгүй намын хуралд ч түүнийгээ “гозолзуулах” нь элбэг байсан талаар МАХН-ын хурлын протоколоос харж болно. Залуусын дур зоргоороо авирласан явдал Коминтернд ашигтай байсан учраас өөрсдийнх нь үгэнд ороогүй намын удирдлагуудын эсрэг тавих том зэвсэг болгосон гэдэг. Эрдэм боловсролтой, хал үзэж хашир суусан намын удирдлагууд хуучнаа төдийлөн үгүйсгэхгүй, асуудалд учир шалтгаантай хандаж байсан нь Коминтернд таалагдсангүй. Тиймээс ч тэдний эсрэг учир мэдэхгүй зуу зуун “Тогмид”-ыг ашигласан байдаг. МХЗЭ-ийн Төв Хорооны анхны дарга С.Буяннэмэхийг эвлэлийн бус намын ажлаа хийдэг, “нударганчуудтай” холбоотой гэж буруутган баривчилж байсан төдийгүй цөөнгүй хүнийг хэлмэгдүүлсэн аж.

Тогмидуудын ачаар л хар, шар феодалууд бол Монголын дайсан мөн гэж Үндсэн хуульдаа тунхаглажээ. Нэгэнтээ тунхаглачихсан учраас тайж гаралтай бол илүү татвар авах төдийгүй хөрөнгийг нь хурааж, жирийн хүнээс бага цалингаар ажиллуулж, татвараа төлөөгүй гэсэн үндэслэлээр анх хэрэг үүсгэн, эцэстээ сая японы тангуул болгон үй олноор нь хядсан.

Орост бэлтгэсэн, намын сургууль төгссөн залуус ногоон гэрлээр энэхүү эвлэлийн дарга болж, хожмоо зүүнтний төөрөгдөл болсон түүхтэй. Аажимдаа ахмад үеэ үгүйсгэсэн залуусын байгууллага эрчээ авсаар намаас дутахааргүй эрх мэдэлтэй болсон бөгөөд намдаа ч дийлдэхээ байсныг хуулиар зохицуулж байсан. Тэдэн дунд айлын авааль эхнэрийг авч суухын тулд нөхрийг нь хэлмэгдүүлсэн адгийн шаарднууд ч цөөнгүй. Тэр ч бүү хэл гэм, зэмгүй хэдэн мянган хүнийг "тагнуул" гэж гөрдөн хөнөөлгөсөн “амилсан тийрэн“ ч байсны архивын баримт нь байж л байна. Тиймээс ч коммунизмын үед байгууллага, гудамж, орц, тэр ч бүү хэл давхар бүрт матаач нар одоогийнхоор "троллууд" амь бөхтэй оршсоор ирсэн төдийгүй, түүнийхээ ачаар албан тушаалтнуудын хаялгаар амь зууж ирсэн байх юм.

 

Алчууртай залуус

 

Бүгд л огт өөр сонголт хийсэн атал МАХН ялчихсан гэж 2008 оны сонгуулийн дүнг эсэргүүцэн залуус жагсав. Жагсагчдаас 2 дахин илүү хүчийг татсан цагдаагийнхан хоёр талаас нь нэг нэгээр нь сугадаад явахад хүрэлцэхүйц бие бүрэлдэхүүн цуглуусан ч тэгсэнгүй. Галдан шатааж, эмх замбараагүй байдал бий болгохыг хүлээсэн мэт. Жагсагчдын дунд амаа алчуураар боож, нүүрээ халхалсан намын дэргэдэх залуучуудын холбооны зүс таних залуус цөөнгүй харагдсан бөгөөд жагсаал зохион байгуулж байсан О.Магнай нарыг тайван байхыг уриалахад эсэргүүцэн чулуу нүүлгэж буй бичлэг нь хадгалагдан үлдсэн нь бий. Өдөөн турхирсан алчууртнууд жагсаалыг эмх замбараагүй болгоход ихэд чухал үүрэг гүйцэтгэсэн санагддаг. Үр дүнд нь таван халуун амь үрэгдэж, Монголд онц байдал тогтоосон төдийгүй, хэсэгтээ иргэд өөрийн үзэл бодлоо илэрхийлэхээс жийрхдэг болсон. Алчууртай залуус буюу өнөөгийнхөөр бол "троллууд" ийм л үр дүнг хүлээж байсан гэлтэй. Хэр тааруухан хурган даргын суудлаар шагнуулсан шиг хээв нэг алхаж яваа нь цөөнгүй.

 

Улс төрийн тоглолт ба өөрийгөө золигсод

Эрх баригчид ийм л зүйлд гаршиж байна. Дүн өвлийн хүйтэнд дөнгөж амаржсан эхийг нимгэн нөмгөн машинд суулгасан харгислалыг харсан иргэд эсэргүүцэхэд У.Хүрэлсүхийн хийсэн улс төрийн тоглолт нь Засгийн газраа огцруулж, өнөөгийн тушаалдаа очих бэлтгэл байв. Үүнийгээ тэд “улс төрийн хариуцлага” гэж гоёор тодорхойлж байсан. Гэтэл өнөөдөр халдвар авсан жирэмсэн эхчүүдэд хэвтэх эмнэлэг олдохгүй, зарим нь ковидын хүндрэлээр хорвоогоос буцаж байна. Нөгөө айхтар улс төрийн хариуцлага хаачив? Хэн ч тоосонгүй. Харин ч үүнээс илүү үхэх байсан юм гээд Ерөнхий сайд нь, Шадар сайд нь “донгосож” сууна. Арай л дэндүү басамжлал.

Үүнийг нь эсэргүүцэх тоолонд өөрсдийн бэлтгэсэн троллуудыг утасны цаанаас сошиалд идэвхитэй ажиллуулдаг байсан бол одоо бүр жагсаал үймүүлэхээр явуулдаг болжээ. Эрх мэдэлтэн, энгийн иргэд хоёрт хоёр өөр стандарт үйлчилж буйг эсэргүүцсэн Д.Монголхүүгийн жагсаалыг “Засгийн газрыг өөрчлөөд юу өөрчлөх юм” гэж гарч ирсэн нөхрөөр эл үйлдэл нь илэрсэн. Дараа нь С.Жавхлан руу нэр нэгтнийг нь илгээсэн, өчигдөр Бадар-Ууган гэх троллыг амжилттай илгээсэн, түүний үйлдэл бүхэн нь жүжиг байсан гэдгийг өөрөө хэлчихлээ.

Түймэр цурамладаг шиг өөрсдийнх нь арчаагүй, судалгаа, шинжилгээгүй, удаа дараагийн уялдаа холбоогүй шийдвэрийг эсэргүүцэх тоолонд өмнөөс нь угтуулж өөр гал тавьж, олны анхаарлыг өөр зүгт чиглүүлдэг эрх баригчдын адгийн араншин улам л төгөлдөржихийн хэрээр үнэн төрх нь ил болж байна. Ийм л адгийн зүйлдээ нэр хүндээ золиослогч амьд троллуудыг ашигладаг болжээ.

Яг ийм арга барилаар “шударга тав” гэх нэрээр шалж гарч ирсэн амьтдыг одоо эргээд хар даа.

Тухайн цаг үеийн тодрон гарагч нь өөрийн өрсөлдөгчийг давхар дасгалжуулдаг гэдэг. Үүний үр дүнд улс хождог бол өнөөгийн улс төрийн үнэн нүүр царай нь троллын шинжтэй, өчигдөр алга ташаад, өнөөдөр үг сүггүй гүтгээд,  маргааш албан тушаалыг нь дээрэмдээд дуусах жишээтэй болохоор тэр бүхний төлөөсийг монголчууд амьдрал, амь нас, эрүүл мэнд, эдийн засгаараа төлж байна.

Тиймээс л троллуудтай тэмцье гэвэл улстөрчидтэй тэмцэж, сэтгэлийн хөөрлөөр бус судалгаа, шинжлэлээр аливаад хандаж, дотроо бодолтой, дороо суурьтай явахгүй бол Монгол бүтэхгүй нь. Шударга бус хүнээс шударга ёсыг шаардах нь шударга бус юм даа. Юу тарина түүнийгээ хураана гэгчээр шударга бусыг нь мэдсээр байж, мөнгийг нь аваад саналаа худалдчихаад хэнээсээ ч шударга ёсыг шаардах билээ.

 

Энэ мэдээнд өгөх таны сэтгэгдэл?
29
ЗөвЗөв
2
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

29 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-21 185.107.47.215

=== Шилдэг тавтай морилно уу секс болзоо сайт — https://mysp.ac/50fjz

Avatar

Зочин 2021-10-21 202.9.40.42

Гүжирдлэгээр дүүрэн юм бичжээ. Эх орныхоо төлөө тэмцэх Тогмид мэтийн хүмүүсийг далдуур гоочилж байгаа нь нөгөө л түүх рзүүгээ буудаж байгаа хэрэг. Ард түмэн ялгаж салганаа

Avatar

Зочин 2021-10-21 66.181.187.238

Чам шиг бааснуудыг бүгдийг нь олж нядлахаас нааш энэ улс хөгжихгүй

Avatar

МАН ын Орк троллын арми. 2021-10-21 66.181.161.67

Одоо ухаан санаа нь төлөвшөөгүй оюутнуудыг МАН үнэхээр гачигдлаар нь базаж тархийг угаан орк троллын арми бэлтгэж байна. Хороо болгон дээр , намын үүр бүрт сонгуулиар, рейтэнг шаварт унах үеэр ийм орк троллын амиа золиослогч арми утсаа тэврээстэй өдөр шөнөгүй ажиллаж байна. Тэр хүүхдүүд одоо гэр орондоо хүртэл аав ээж, ах дүү нартаа гайхагдан, гайхшыг нь баран гэрийнхэнтэйгээ хэрэлдэн ад болж байна. Тэднээс шигшээ дебилүүд нь талбай дээр гарч ирэн түмний булай болдог байх юм.

Avatar

Батый 2021-10-21 192.82.77.160

Үүнээс илүү үнэн гэж алга даа. Бүх нийтээрээ (ихэнх нь) мөнгө авч, сонгодог авилгачид болсон. Дээр нь МАНгасууд луйвраа хийнэ. ЦӨВҮҮН ЦАГ

Avatar

ЗОЧИН 2021-10-21 103.14.39.2

МАН байгаа цагт Монгол сэхэхгүй

Avatar

Тэмүүжин 2021-10-21 202.131.249.171

Одоо ингэж жагсаж орилоод юу өөрчлөгдөх вэ юу ч өөрчлөгдөхгүй шүү дээ эрх баригч нарын золиос болоод л дуусна шүү дээ

Avatar

Зочин 2021-10-21 103.57.95.109

Айсан хүн адуу үргээнэ, Ичсэн хүн а**а гэдэг шиг л юм бичжээ дээ хөөрхий зайлууд

Avatar

Зочин 2021-10-21 203.91.115.54

Өмнөх ерөнхийлөгчийн балгаар 12 жилийн туршид Москвагийн дэгээ тавьсан хөлийг гэтлэж чадалгүй төмөр замаа тавьж амжаагүйн балгийг бид өнөөдөр үзэж сууна. Үнэхээр Зи.Энхболдын хэлсэнчлэн нүүрсээ түмпэнгээр зөөхөд ч өндөр үр ашигтай байх хэдий ч хөрш маань түмпэнгээр зөөлгөхгүй заавал төмөр замаар, тэр тусмаа олон улсын стандартын царигтай төмөр замаар хүлээж авна гэж байна. Ер нь ганц хятадуудын ч балаг биш олон улсад тийм жишигтэй буюу нүүрсийг түмпэнгээр зөөдөггүй юм байна. Харин ийм царигтай т

Avatar

Зочин 2021-10-21 203.91.115.54

өмөр замыг Москва зөвшөөрөөгүй бөгөөд тэд өөрсдийн нохой болох Баттулгын оролцоотойгоор энэ төслийг зориуд унагасан билээ. Харин үр дүнг нь иргэд бид өнөөдөр нуруундаа үүрч, төмөр замтайсан болдоо хэмээн гаслаж сууна. Улмаар Эрээнд "ханиасан"-ы сургаар Замын-Үүд боомт хэзээ нээгдэх нь тодорхойгүйгээр хаагдахад бид лангуун дээрээ шинэхэн ногоогүй болохдоо тулж, чаддагаар нь байгаа барааныхаа үнийг нэмэхээр адгаж сууна. Хүнд хэцүү цагт ч гэлээ хаа очиж эрх баригчид сонгуулиа сумын наадмаас ч барда

Avatar

Зочин 2021-10-21 203.91.115.54

м хийж, ноёны бөхчүүдийг түрүүлгэн, сандал суудлынхаа тоог одооноос нэмэхээр ханцуй шамлан шуурхайлж байна. Ер нь үеийн үед эрх баригчдын ганц чаддаг зүйл нь тэр л дээ. Өөрсдийн хамаарал бүхий этгээдүүдэд зориулан аливаа сүржиг сэтэр бодож олж сангаас сүйтгэлийг нь шийтгэн олгож суудаг. Харин үр дүн бол түй ч хамаагүй. Ямар сангийн мөнгө ёо гэх юм биш. Үүнийг л манай түшээд ганц чаддагаараа гялалзуулж байна. Улс даяар бүтэлтэй байгаа ийм л ганц амжилттай сууж байна бид. Бусдаар бол байдал хэрэг

Avatar

Зочин 2021-10-21 203.91.115.54

алга. Энд ч юу юугүй амжиргаагаа алдсан өрхүүд. Тэнд ч жагсаал цуглаан. Хуучин цагт сургуулийн охин амаржсан бол нам чимээгүй өнгөрдөгсөн. Одоо цагт өөрөө сошиалаар од болохоор дайрдаг юм байна. Цөвүүн цаг гэж энэ үү? Эрх баригчид бөхийсөн дээр нь гэсэн шиг иргэдийнхээ амыг барихаар шуурхайлж байна. Ямар ч гэнэв, бас нэг аян эхлэж байгаа юм байх. Уг нь бид чинь ждүчдийн тэрбум модыг тарихаар завгүй байгаа гэж ойлгосон. Социализмын үед иргэдийг завгүй байлгахын тулд МПБ, МХЗЭ, МУЗН, МҮЭ гэх мэт е

Avatar

Зочин 2021-10-21 203.91.115.54

алга. Энд ч юу юугүй амжиргаагаа алдсан өрхүүд. Тэнд ч жагсаал цуглаан. Хуучин цагт сургуулийн охин амаржсан бол нам чимээгүй өнгөрдөгсөн. Одоо цагт өөрөө сошиалаар од болохоор дайрдаг юм байна. Цөвүүн цаг гэж энэ үү? Эрх баригчид бөхийсөн дээр нь гэсэн шиг иргэдийнхээ амыг барихаар шуурхайлж байна. Ямар ч гэнэв, бас нэг аян эхлэж байгаа юм байх. Уг нь бид чинь ждүчдийн тэрбум модыг тарихаар завгүй байгаа гэж ойлгосон. Социализмын үед иргэдийг завгүй байлгахын тулд МПБ, МХЗЭ, МУЗН, МҮЭ гэх мэт е

Avatar

Зочин 2021-10-21 203.91.115.54

сөн жорын байгууллагад хүчээр элсүүлж дээр нь бурхангүйчүүдийн клуб, шатар даамны дугуйлан, нийтийн бүжиг сурах, буржуйг жигших хөдөлгөөн, хятадыг үзэн ядах, эсэргүүг илрүүлэх сайн дурын аян гэх мэт төгсгөлгүй их даалгавраар дардаг байж. Үүнд самгардсан иргэд чухам алийгаа алдаж санал хураалтанд ганц биш бүр 2 гараа өргөхдөө тулдаг байсан гэнэлээ. Намайг л эсэргүүгээр тодруулчихвий гэж айхдаа тэр шүү дээ. Масыг хөдөлгөж айдсаар нийгмийг захирах арга, мөн биз?

2 4
Avatar

Зочин 2021-10-21 203.91.115.54

Болж байна. Юунаас нь айгаад байгаа юм бэ? Зүгээр л хэл л дээ. Цар тахлыг зоргонд нь тавьж туусан мөртөө түүгээр далимдуулж хэчнээн трилион төгрөгийг Хүрэлсүх болоод Оюун-Эрдэнийн засаг идсэн бэ? Бид цээжээрээ аьч байгаа биш улсынх нь байгууллага нотлоод байна шүү дээ. 20 оны төсөв 2 трилион төгрөгөөр тасрах төлөвлөгөөтэй байсан атал гүйцэтгэлээр 4.5 трилион болж гарсан. Энэ их мөнгөний 3.6 трилион нь лавтай хуулийн зөрчилтэй зарцуулагдсан байсныг үндэсний аудитын байгууллага их хуралд тайлагнав

Avatar

Зочин 2021-10-21 203.91.115.54

Хүрэлсүх ч тэр Оюун-Эрдэнэ ч тэр энэ алдагдлыг одоо болтол ил тодоор тайлагнаагүй. Үнэхээр ковидоор далимдуулж маш их мөнгө идсэн нь улам тодорхой болж ирж байна. Өвчтэй хүний эмчилгээний зардлыг хөөсрүүлэх, вакзин хийлгэх дургүй иргэдэд вакзин хийлгэсэн мэтээр баримт бүрдүүлэн мөнгийг нь хувааж идэх, 1000 хүрэхгүй төгрөгний үнэтэй ердийн маскийг 20,000 төгрөгөөр худалдаж авах гэх мэтээр барилгын тендрээс дутахгүй худалдан авалтуудыг хөөсрүүлж идсэн нь тодорхой байна. Дараа нь эрх баригчид энэхү

Avatar

Зочин 2021-10-21 203.91.115.54

луйвраа далдалж тэр алдагдалтай тэнцэхүйц мөнгө буюу 4-5 трилион төгрөгийг хэвлэж зээл нэрээр тараалаа. Уг нь мөнгөний бодлогын эсрэг хийж буй гэмт хэрэг юм. Үр дүнд нь бараа материалын үнэ тэнгэрт гарч инфляц боллоо. Худлаа юу? Энэ сацуу улсын өр даруй 2 тэрбум гаруй доллароор нэмэгдсэнийг дурьдах юун. Дараа нь засагт нь шургалсан ямар ч чадваргүй бор халзан төлөг-сайдуудын балаг эхэллээ. Бүгд шахааныхан. Энд тэднийг тухайлан нэрлэх хэрэг байна уу? Зөвхөн Ариунзаяа гэхэд л байнгын хорооны хурал

Avatar

Зочин 2021-10-21 203.91.115.54

даан дээр бенц хэмээх Баярсайханы асуултанд унаж яаж булайгаа дэлгэж байв? Энэ зүгээр л нэг наад захын тохиолдол. Салбарын сайдууд ийм чадваргүй байгаагаас болж зовлон ундарч эхэлсэн. Гаднаас чингэлгүүдээ татаж чадахгүй арчаагүй байдалд орж хилийн цаана хуучин үнээрээ зарагдаж байгаа барааг монголчууд даруй 2 дахин өндөр үнээр худалдаж авах учиртай боллоо. Худлаа юу? Мөн л салбарын сайдын балгаар халуун намраар бензиний хомсдолд орж иргэд үйлээ үзлээ. 2 жилийн туршид Хятадын элчин сайдын саналыг

Avatar

Зочин 2021-10-21 203.91.115.54

үл тоомсорлож байсны балгийг иргэд үүрч хилээ хаалгалаа. Ногоон бүс гэж тус сайд 2 жил үглэсэн. Үглэх биш үр ашигтай санал л тавиад яваа юм, хөөрхий. 2 талдаа ашигтай. Гэвч ждүчин түшээд дүлий годил царайлсаар эхний эрсдэл буюу ковид туссан тээврийн жолооч илрэнгүүт хилээ хаалгалаа. Ниргэсэн хойно хашгирав гэгчээр ариутгал хийхээр манайхны өөрийн гараар тааран шуудайгаар хийсэн төхөөргийг санаж байна уу, та минь? Бүхэл бүтэн тусгаар улсын хилийн боомт шүү дээ. Асуудал үүгээр зогссонгүй. Өмнөх ер

2 2
Avatar

Зочин 2021-10-21 122.201.31.253

Хүрэлсүх эр зориг гарган Монголын хамаг баялгийг сорчлон луйвардсан АН-ын дээрэмчдийн хоншоорыг тас цохиж Луйвардсан үйлдвэр заводыг нь буцааж хурааж авсан явдалд АН мөн ч их өширхөж Хүрэлсүхийг муулах юм, Гэхдээ ард олон Хүрэлсүхийг хот хөдөөгүй дэмжсээр гэдгийг саяын Сонгуулийн дүн тодорхой харууллаа даа

Avatar

Уншигч 2021-10-21 103.11.195.34

Энэ нийтлэлийн доор троллууд бол жинхэнэ амилна даа харж байгаарай.

Avatar

Гомомо 2021-10-21 192.82.75.75

намууд дагаж тэжээгдсэн нялхас.амьдрал мэдэхгүй алгадвал үхнэ

Avatar

Зочин 2021-10-21 150.129.142.182

НАМАЙГ ХЯТАДЫН э****з ГЭЭД БАЙНА ШҮҮ ДЭЭ ЭЭЖЭЭ УЙЛААД ЖИНХЭНЭ ТРООЛЛЛ

Avatar

Зочин 2021-10-21 139.5.216.143

Өөрсдийгөө сэтгүүлч гэж ичихгүй цоллодог хэдэн мөнгөний авгай С.Жавхланг харлуулах гэж фейсбүүкээр хамаг хүчээ гаргаж байнаа. "Өвчин тахал газар авч, Монгол улсын бүрэн эрхэт иргэд эмнэлгийн тусламж авч чадалгүй гэртээ хүндэрч, нас барж байна" гэж Жавхлан маш зөв ярьж байгаа ш дээ! Жавхланг муу харагдуулж л байвал бусдын амь нас, амьдрал хувь заяа хамаагүй юу?!

Avatar

Зочин 2021-10-21 64.119.25.102

Manai ulsin ajil syylin yed soshialaar, uls torchid ni pop bolood duuslaa. Hezee neg huulin daguu hariutsan ajlaa medej hiih ym bol

Avatar

Зочин 2021-10-21 124.150.79.28

Херо Баатарын найруулагаар ойрд талбай дээр янз бүрийн хүмүүс урлагын үзлэг үзүүлж байгаа юм йй

Avatar

Зочин 2021-10-21 66.181.188.58

Энэ тролл юу л хэлэх гээд байна даа. Цөөхөөн балмад этгээдүүд коминтерний хэлмэгдүүлэлтийг үе үе сөхөж, МАН руу шидэх чулуу болгодог. Энэ нь өөрөө хэлмэгдүүлэлт юм л даа. Зохион байгууллттай дайрч байгаа. 2008 онд АН гээч нь ард түмний сонголтыг доромжилж, гүтгэн дайрч жагсаал нэртэй танхай үйл ажиллагааг урьдаас төлөвлөж зохион байгуулж, төлөвлөснийхээ дагуу зориуд хурц байдал руу орууулаад зугтсан байдаг, үүнийгээ их дурсах болж, яах л гэж байгаа бол

Avatar

Tr 2021-10-21 103.26.195.245

Битгий худал ярь! “Цөөхөн хэдэн балмад” гэнэ үү? Ногойн малгайтны удам, үр хүүхэд л өөрсдийгээ ингэж хаацайлдаг. Битгий үлгэр ярь, танай өвөө эмээ нарын харгислалд өртсөн хүмүүс, тэдний үр сад арай үхчихээгүй байна.

Avatar

Зочин 2021-10-21 192.82.75.227

ЭЛБЭГЭЭ БИЧИЖ

NewsMN Гар утасны хувилбар Татах
NEWS.mn

Мэдээллийн эх сурвалж