Охин нь тооны энгийн бодлого бодож чадахгүй байсанд бухимдсан нэгэн хятад аав гудамжинд гарч уйлж дуулан, зам дээр хэвтэж, өөрийг нь баривчилж хорихыг цагдаа нараас гуйжээ.

Тухайлбал, Жиансу мужийн Куншаны оршин суугч Гао гэгч эр гудамжинд гарч, зам дээр хэвтээд, өөрийг нь баривчилж, шоронд орохыг хүсчээ. Тэрбээр цагдаа нарт “Манай охин 800-аас 700-г хасаад 900 гаргачихлаа. Би маш их уурлаж, бухимдаж байна. Би эргэж гэртээ ормооргүй байна” гэж хэлжээ.

Харин цагдаа нар мэдээж түүнийг баривчлаагүй бөгөөд тайвшруулан аргадаж, ойролцоох сандалд суулган, гэртээ орохыг ятгасан байна.

Эх сурвалж: NEXTSHARK