Иранд энэ аравдугаар сарын 27-нд Афганистаны улс төрийн нөхцөл байдлын асуудлаарх сайд нарын уулзалт товлогдсоныг тус улсын Гадаад хэргийн яамны хэвлэлийн төлөөлөгч Саид Хатибзаде Даваа гаригт мэдэгдэв.

Уг нэг өдрийн уулзалтаар Афганистан дахь бүх үндэстний оролцоотой нэгдсэн засгийн газрыг байгуулахад хөрш зэргэлдээ улс орнууд хэрхэн хувь нэмрээ оруулах, Афганистанд энх тайван, тогтвортой байдлыг хэрхэн бий болгох асуудлыг хэлэлцэх аж.

Ираны хэвлэлийн төлөөлөгч Афганистаны асуудлаар Москва хотноо удахгүй болох уулзалтад Иран мөн оролцоно гэсэн юм. Ираны хувьд Афганистанд Талибаны дэглэм бүхий шинэ засаглал тогтсонтой холбоотойгоор нэгдмэл засгийн газар байгуулахыг уриалж байгаа билээ.

Эх сурвалж: XINHUA