Беларусийн засгийн газар Францаас Минскэд суугаа элчин сайд Николас де Лакостег хөөх шийдвэр гаргасан. Улмаар элчин саайд  Николас де Лакосте өчигдөр/2021.10.17/ нутаг буцжээ.

Өдгөө 57 настай тэрбээр өнгөрсөн жил элчин сайдаар томилогдсон юм. Нутгийн хэвлэлүүдийн мэдээлж байгаагаар Лакосте итгэмжлэх жуух бичгээ Ерөнхийлөгч Александер Лукашенкод өргөн бариагүйгээс дээрх шийдвэрт хүрсэн байна.

Франц болон Европын бусад орнууд Лукашенког одоо хэр нь зургаа дахь удаагаа Ерөнхийлөгчөөр сонгогдсоныг хүлээн зөвшөөрдөггүй юм. Тиймээс Лакосте итгэмжлэх жуух бичгээ Лукашенкад бус, гадаад хэргийн сайд Владимир Макейд өргөн барьсан аж.

Иймд өнгөрсөн долоо хоногт/2021.10.11/ түүнийг энэ сарын 18-ны дотор нутаг буцахыг шаардсан аж.

Эх сурвалж: BBC