Мьянмарыг энэ оны хоёрдугаар сард төрийн эрхийг цэргийн хүчээр булаан авсан генерал Мин Аун Хлайныг жил бүр зохион байгуулдаг Зүүн Өмнөд Азийн холбооны уулзалтад оролцуулахааргүй болж, түүний оронд улс төртэй холбоогүй төлөөлөгч урихаар шийджээ.

Энэ бол гишүүдийнхээ дотоод хэрэгт орооцолдохоос зайлсхийдэг тус холбооны хувьд хачирхалтай шийдвэр юм. Мөн Мьянмарын хунтын удирдагчид дээрх шийдвэрт гомдохгүй байгаагаа илэрхийлсэн аж. Холбооны гишүүдийн үзэж байгаагаар хунтын удирдагчид дотооддоо болж буй үймээн самууныг хангалттай дарж чадаагүй байгаа гэнэ.

Генерал Мин Аун Хлайн наймдугаар сард өөрийгөө Мьянмарын Ерөнхий сайдаар зарлан, онц байдлыг армийн эсрэг босогчдын тэмцэл дуустал тодорхойгүй хугацаагаар сунгасан билээ.

Холбооны мэдээлснээр гишүүн орнуудын гадаад хэргийн сайд нар энэ долоо хоногт уулзаж, энэ сарын 26-28-нд болох уулзалтад генерал Мин Аун Хлайныг оролцуулахгүй байхаар тохирсон байна. Учир нь Мьянмарын хунтын удирдагчид хурцадмал байдлыг намжааж, улс төрийн хоригдлуудыг суллах шаардлагыг биелүүлэхээс татгалзсан гэнэ.

Эх сурвалж: BBC