Хятадын сансрын станц байгуулах хоёр дахь хөлөг хөөрлөө | News.MN

Хятадын сансрын станц байгуулах хоёр дахь хөлөг хөөрлөө

Хятадын сансрын станц байгуулах хоёр дахь хөлөг хөөрлөө

Хятадын сансрын станц байгуулах хоёр дахь хөлөг хөөрлөө

Хятадын “Шэньжоу-13” сансрын хөлөг баруун хойд нутгийн Гансу мужийн Жюцюань хиймэл дагуул хөөргөх төвөөс Баасан гаригаас Бямба гаригт шилжих шөнө хөөрлөө. Хөлөгт нэг эмэгтэй гишүүнийг оролцуулаад сансрын гурван нисгэгч сууж явжээ. Тэд сансрын станцын тойрог замд зургаан сарын турш ажиллах аж.

Хөлгийн багийн ахлагч 55 настай Жай Жиганы хувьд Хятадын анхны сансрын нислэгт оролцож байсан туршлагатай нисгэгч бөгөөд энэ нь түүний хоёр дахь нислэг болж байна. Харин хөлгийн багийн цорын ганц эмэгтэй гишүүн Ван нь таван настай хүүхдийн эх юм.

Хятад улс сансрын станц байгуулах ажлыг өнгөрсөн дөрөвдүгээр сард эхлүүлсэн бөгөөд 2022 оны сүүлээр дуусгахаар төлөвлөжээ. “Шэньжоу-13” нь уг сансрын станц байгуулах ажилд илгээгдсэн хоёр дахь баг билээ. Үүнээс өмнө өөр гурван сансрын нисгэгч еөсдүгээр сар хүртэл 90 хоногийн хугацаатай ажиллаж байв.

Тэд автобуснаас арай томхон хэмжээтэй “Тяньхө” бүхээгт байрлан ажилладаг аж.

ЭХ СУРВАЛЖ: REUTERS, XINHUA

Энэ мэдээнд өгөх таны сэтгэгдэл?
4
ТэнэглэлТэнэглэл
3
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж