“УБТЗ” ХНН-ийн Ерөнхий хорооны хурлаар хэлэлцсэн асуудлууд

Хуучирсан мэдээ: 2021.10.16-нд нийтлэгдсэн

“УБТЗ” ХНН-ийн Ерөнхий хорооны хурлаар хэлэлцсэн асуудлууд

Саяхан хуралдсан “УБТЗ” ХНН-ийн Ерөнхий хорооны хурлын талаар “УБТЗ” ХНН-ээс тодруулж асуухад доорх хариултыг өглөө.

"Улаанбаатар төмөр зам” ХНН-ийн Ерөнхий хорооны хурал 2021 оны 10 дугаар сарын 12-ноос 13-ны өдрүүдэд ОХУ-ын Эрхүү хотноо зохион байгуулагдлаа. Хуралд Монголын талаас Ерөнхий хорооны орлогч дарга, Зам, тээврийн хөгжлийн дэд сайд Ж.Бат-Эрдэнэ, Ерөнхий хорооны гишүүн ЗГХЭГ-ийн ахлах референт Н.Буяндэлгэр нар биечлэн оролцсон бол Ерөнхий хорооны гишүүн ЗТХЯ-ны ТЗДТБХЗГ-ын дарга Б.Артур цахимаар оролцов.

Оросын талаас Ерөнхий хорооны дарга, “Оросын төмөр замууд” НХН-ийн Ерөнхий захирлын нэгдүгээр орлогч С.А.Павлов,  “Оросын төмөр замууд" НХН-ийн Ерөнхий захирлын дотоод аудит, хяналт хариуцсан орлогч А.М.Чабунин нар биечлэн, Ерөнхий хорооны гишүүн, ОХУ-ын Тээврийн дэд сайд В.А Токарев цахимаар тус тус оролцов.

Хурлын үйл ажиллагаа 2021 оны 10 дугаар сарын 12-ны өдрийн 12 цагаас оройны 22 цаг хүртэл, мөн 10 дугаар сарын 13-ны өглөөний 9 цагаас өдрийн 13 цаг хүртэл үргэлжилж, Ерөнхий хорооны дарга, “Оросын төмөр замууд” НХН-ийн Ерөнхий захирлын нэгдүгээр орлогч С.А Павлов, Ерөнхий хорооны орлогч дарга, Зам, тээврийн хөгжлийн дэд сайд Ж.Бат-Эрдэнэ, Ерөнхий хорооны гишүүн ЗГХЭГ-ийн ахлах референт Н.Буяндэлгэр, УБТЗ-ын нэгдүгээр орлогч дарга И.В. Милостных нар үг хэлж, Нийгэмлэгийн үйл ажиллагаатай холбоотой 11 асуудлыг хэлэлцүүлснээс 10 асуудал дэмжигдсэн бөгөөд 1 асуудлыг дараагийн хурлаар хэлэлцэхээр түр хойшлууллаа гэж хэлэв.

Энэ мэдээнд өгөх таны сэтгэгдэл?
1
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж