Б.Хорлоодой, Э.Ариунболд нар хүрэл медаль хүртлээ

НЭМЭЛТ: 24.00 ЦАГ

Парисын Их Дуулгын тэмцээн барилдаанууд үргэлжилж байна.

Эмэгтэй -52 кг:

• Б.Хорлоодой хүрлийн төлөө Францын Хлое Девиктортой барилдаж, яллаа.

Эрэгтэй -60 кг:

• Э.Сумъяабазар хүрэл медалийн төлөө Францын Ромайн Валадье Пикардтай барилдаж, ялагдлаа.
• Э.Ариунболд хүрлийн төлөө Японы Гэнки Когатай барилдаж ялав.

Эрэгтэй -66 кг:

– Б.Нармандах хүрлийн төлөө Францын Орландо Газорлатай барилдаж ялагдав.

ПАРИСЫН ИХ ДУУЛГА: МАНАЙ 4 БӨХ ХҮРЛИЙН ТӨЛӨӨ БАРИЛДАНА

НЭМЭЛТ: 22.30 ЦАГ

Монголын дараах тамирчид медалийн төлөө барилдахаар шалгараад байна. Медалийн төлөөх барилдаанууд 23.00 цагаас эхэлнэ.

Эмэгтэй -52 кг:

Б.Хорлоодой хагас шигшээд Францын Астриде Гнетод ялагдаж, хүрэл медалийн төлөө барилдах болов. Тэрбээр хүрлийн төлөө Францын Хлое Девиктортой барилдана.

Эрэгтэй -60 кг:

Э.Сумъяабазар хагас шигшээд Азербайжаны Балабая Агхаевд ялагджээ. Ийнхүү тэрбээр хүрэл медалийн төлөө Францын Ромайн Валадье Пикардтай барилдах болов.
Э.Ариунболд хагас шигшээд Оросын Рамазан Абдулаевд ялагджээ. Гэхдээ тэрбээр хүрлийн төлөө Японы Гэнки Когатай барилдана.

Эрэгтэй -66 кг:

Б.Нармандах хагас шигшээд Японы Рёома Танакатай барилдаж ялагджээ. Ийнхүү тэрбээр хүрлийн төлөө Францын Орландо Газорлатай барилдах болов.

Б.ЭРХЭМБАЯР ХАГАС ШИГШЭЭД ШАЛГАРЛАА

НЭМЭЛТ: 19.30 ЦАГ

Парисын Их Дуулгын хэсгийн барилдаанууд үргэлжилж байна.

Эмэгтэй -48 кг:

Г.Наранцэцэг эхний тойрогтоо гоц мөргөж, хоёрдугаар тойрогтоо Францын Ширине Буклид ялагдлаа.

Эмэгтэй -52 кг:

Б.Хорлоодой эхний тойрогтоо гоц мөргөж, хоёрдугаар тойрогтоо Испанийн Лаура Бажог ялав. Тэрбээр А хэсгийн аваргын төлөө Канадын Келли Дэгүчитэй барилдана.

Эмэгтэй -57 кг:

Л.Энхрийлэн хоёрдугаар тойрогтоо Словенийн Каяа Кажерд ялагдав.

Эмэгтэй -63 кг:

Б.Ганхайч хоёрдугаар тойрогтоо Португалын Барбара Тимод ялагдав.

Эрэгтэй -60 кг:

Э.Сумъяабазар хоёрдугаар тойрогтоо Нидерландын Торнике Тжакадоеаг ялав. Тэрбээр А хэсгийн аваргын төлөө Францын Максиме Мерлинтэй барилдана.
Э.Ариунболд хоёрдугаар тойрогтоо Португалын Родриго Кошта Лопезыг ялав. Тэрбээр С хэсгийн аваргын төлөө Францын Ромайн Валадье Пикардтай барилдана.

Эрэгтэй -66 кг:

Б.Эрхэмбаяр А хэсгийн аваргын төлөө Румыны Денис Вьерутай барилдаж яллаа. Тэрбээр хагас шигшээд Японы Рёома Танакатай барилдана.
Б.Нармандах D хэсгийн аваргын төлөө Францын Валиде Хяартай барилдана.

НЭМЭЛТ: 17:15 ЦАГ

Б.НАРМАНДАХ ХЭСГИЙН АВАРГЫН ТӨЛӨӨ БАРИЛДАНА

Парисын Их Дуулгын хэсгийн шатны тоглолтууд үргэлжилж байна.

Эмэгтэй -48 кг:

– Б.Баасанхүү эхний тойрогтоо Францын Меланье Вьютэй барилдаж, ялагдал хүлээлээ.

Эмэгтэй -57 кг:

• Л.Энхрийлэн эхний тойрогтоо Францын Офилье Веллоззиг яллаа. Тэрбээр хоёрдугаар тойрогтоо Словенийн Каяа Кажертэй барилдана.

Эмэгтэй -63 кг:

– С.Лхагвадулам эхний тойрогтоо Испанийн Сараи Падилла Гурреротой барилдаж, ялагдал хүлээлээ.

Эрэгтэй -60 кг:

– Э.Ариунболд эхний тойрогтоо Саудын Арабын Мутаз Кавжатай барилдаж, яллаа. Тэрбээр хоёрдугаар тойрогтоо Португалын Родриго Кошта Лопезтэй барилдана.

Эрэгтэй -66 кг:

– Б.Эрхэмбаяр эхний тойрогтоо Канадын Жулиен Фраскадорег ялав. Тэрбээр хоёрдугаар тойрогтоо Саудын Арабын Абдулела Алжаязанитай барилдана.

– Б.Нармандах эхний тойрогтоо АНУ-ын Алехандро Менендезийг, хоёрдугаар тойрогтоо Испанийн Даниел Перез Романыг тус тус ялав. Тэрбээр D хэсгийн аваргын төлөө барилдана.

Эрэгтэй -73 кг:

– Ц.Цогтбаатар хоёрдугаар тойрогтоо Оросын Евгений Прокопчуктай барилдаж, хориотой мэх хийсэн гэх шалтгаанаар манай тамирчин хасагдлаа.

– О.Уранбаяр эхний тойрогтоо Тажикстаны Сомон Махмадбековтой барилдаж, ялагдал хүлээлээ.

ПАРИСЫН ИХ ДУУЛГА: ӨНӨӨДӨР МАНАЙ 12 БӨХ БАРИЛДАНА

Парисын Их Дуулга өнөөдөр (2021.10.16) эхэлж байна. Тэмцээний эхний өдөр эмэгтэйчүүдийн -48 кг, -52 кг, -57 кг, -63 кг болон эрэгтэйчүүдийн -60 кг, -66 кг, -73 кг-ын барилдаанууд явагдана.

Энэ өдөр Монгол Улсаа төлөөлөн дараах тамирчид барилдана.

Эмэгтэй -48 кг:

Г.Наранцэцэг эхний тойрогтоо гоц мөргөж, хоёрдугаар тойрогтоо Францын Ширине Буклитэй учраа таарав.
Б.Баасанхүү эхний тойрогтоо Францын Меланье Вьютэй учраа таарав.

Эмэгтэй -52 кг:

Б.Хорлоодой эхний тойрогтоо гоц мөргөж, хоёрдугаар тойрогтоо Испанийн Лаура Бажотой таарав.

Эмэгтэй -57 кг:

Л.Энхрийлэн эхний тойрогтоо Францын Офилье Веллоззитэй учраа таарав. Хэрэв ялвал хоёрдугаар тойрогтоо Словенийн Каяа Кажертэй барилдана.

Эмэгтэй -63 кг:

Б.Ганхайч эхний тойрогтоо гоц мөргөв. Тэрбээр хоёрдугаар тойрогтоо Португалын Барбара Тимо болон Израилийн Инбал Шемеш нарын ялсантай нь барилдана.
С.Лхагвадулам эхний тойрогтоо Испанийн Сараи Падилла Гурреротой таарав. Хэрэв ялвал дараагийн тойрогтоо Оросын Екатерина Валковатай барилдана.

Эрэгтэй -60 кг:

Э.Сумъяабазар эхний тойрогтоо гоц мөргөж, хоёрдугаар тойрогтоо Нидерландын Торнике Тжакадоеатай таарав.
Э.Ариунболд эхний тойрогтоо Саудын Арабын Мутаз Кавжатай таарав.

Эрэгтэй -66 кг:

Б.Эрхэмбаяр эхний тойрогтоо Канадын Жулиен Фраскадоретэй таарав.
Б.Нармандах эхний тойрогтоо АНУ-ын Алехандро Менендезтэй барилдана.

Эрэгтэй -73 кг:

Ц.Цогтбаатар эхний тойрогтоо жингээ тэргүүлж, гоц мөргөлөө. Тэрбээр хоёрдугаар тойрогтоо Оросын Евгений Прокопчук болон Кот-д’Ивуарын Гуллауме Дади нарын ялсантай нь барилдана.
О.Уранбаяр эхний тойрогтоо Тажикстаны Сомон Махмадбековтой учраа таарлаа.