Голомт банк “Тапатрип” компанитай хамтран ажиллана | News.MN

Голомт банк “Тапатрип” компанитай хамтран ажиллана

Голомт банк “Тапатрип” компанитай хамтран ажиллана

Аялал жуулчлалын салбарт аяллын нэгдсэн платформыг анхлан нэвтрүүлсэн “Тапатрип” компани болон Голомт банк хамтын ажиллагааны санамж бичгийг байгууллаа. Арга хэмжээнд Голомт банкны Мэдээлэл технологи хариуцсан захирал М.Сайнбилэг, “Тапатрип” ХХК-ийн гүйцэтгэх захирал З.Батгэрэл нар оролцон Голомт банкны харилцагчдад зориулан аяллын зээлийн үйлчилгээ болон дебит картын үйлчилгээг нэвтрүүлэх үйл ажиллагааны санамж бичигт гарын үсэг зурсан юм.

Голомт банкны зүгээс аялагч харилцагчдадаа зориулан тэдний аяллыг илүү сонирхолтой болгох, хүсэл мөрөөдлөө биелүүлэхэд нь туслах санхүүгийн эх үүсвэр аяллын болон тийзний зээлийн үйлчилгээг хүргэдэг билээ. Харин энэхүү хамтын ажиллагааны хүрээнд “Тапатрип” хөнгөлөлттэй нөхцөлтэй зээлийн хөтөлбөрийг санал болгож, санхүүгийн бүх төрлийн үйлчилгээг хүргэн, дэмжин ажиллахаа илэрхийллээ.

Технологийн шинэ шийдэл, дижитал шилжилтээр тэргүүлэгч Голомт банк энэхүү аяллын онлайн үйлчилгээг банкны бүтээгдэхүүн, үйлчилгээтэй хослуулан цогц хэлбэрээр харилцагчдадаа цахимаар түргэн шуурхай авах боломжийг олгохоор ажиллаж байна.

“Тапатрип” ХХК нь 2008 онд үүсгэн байгуулагдсан, аялал жуулчлалын салбарт анхдагч нь бөгөөд дэлхийн 40 гаруй улсын 117 хот руу нислэгийн суудал захиалга, тийз борлуулалт, ачаа тээврийн үйлчилгээ болон дотоод, гадаадын аялал жуулчлалын үйлчилгээг хүргэн ажилладаг.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж