"Халдвар өнгөрсөн долоо хоногтой харьцуулбал тогтворжиж байна" | News.MN

"Халдвар өнгөрсөн долоо хоногтой харьцуулбал тогтворжиж байна"

COVID-19

"Халдвар өнгөрсөн долоо хоногтой харьцуулбал тогтворжиж байна"

Эрүүл мэндийн яамнаас Covid-19 халдварын нөхцөл байдлын талаар мэдээлэл хийлээ.


Хуралд Эрүүл мэндийн яамны эмнэлгийн тусламжийн газрын дарга Б.Буянтогтох, СХД-ийн Нэгдсэн эмнэлгийн эрүүл мэндийн тусламж үйлчилгээ, аюулгүй байдлын дарга Н.Зулаа нар оролцлоо. Мөн мэдээллийн эхэнд иргэдийг вакцины гуравдугаар тунд хамрагдахыг уриаллаа.

Эмнэлэгт хэвтсэн эмчлүүлж буй хүмүүсийн орны зохицуулалтын талаар Б.Буянтогтох дараах мэдээллийг өглөө. Тэрээр “Эрүүл мэндийн яам, Нийслэлийн эрүүл мэндийн газартай хамтраад ор зохицуулах баг байгуулаад 10 гаруй хонож байна. Тус баг нь хуучин УОК-д байрлаж байсан бол одоо ЭМЯ-д байрлаж байна. Энэхүү багийг байгуулснаар хэд хэдэн ач холбогдолтой боллоо. Яагаад гэхээр нэгдсэн орнууд зохион байгуулалт орсноор нэн яаралтай эмнэлэгт хэвтэн эмчлүүлэх шаардлагатай хүмүүс боломжоор хангагдсан. Сүүлийн өдрүүдэд нийслэлийн тохиолдолтой холбоотой эмнэлэгт хэвтэх шаардлагатай хүмүүсийн олонхыг нь хүлээж авч чадаж байгаа. Үүнээс гадна асуудал байгаа.

Иргэд эмнэлэгт хэвтэн эмчлүүлэх хүсэлт их байна. Улсын хэмжээнд халдвар авсан иргэдийн 30-аас илүү хувийг эмнэлэгт хэвтүүлэн эмчилж байна. Энэ статистик дүн олон улсад 1-2 хувьтай байдаг. Нийт хэвтэн эмчлүүлж буй хүмүүсийн 1.8 хувь нь нэн хүнд ангилалд хамаарагдаж байна. Өнөөдрийн байдлаар Covid-19-ийн халдвар өнгөрсөн долоо хоногтой харьцуулбал тогтворжих хандлагатай байна. Тиймээс иргэд гуравдугаар тундаа хамрагдах хэрэгтэй байна” гэлээ.

СХД-ийн эмнэлгийн зохион байгуулалт үйл ажиллагааны талаар Н.Зулаа дараах мэдээллийг хийлээ. “Манай СХД-ийн эмнэлэг 2020 оны а-542, 2021 оны а-196 дугаарын тушаалын дагуу Covid-19-ийн эсрэг эмчилгээнд 200 ор дэлгэсэн. Эмнэлэгт хэвтсэн 8142 хүний 3793-н халдварын тусламж эмчилгээнд хэвтэн эмчлүүлсэн. Мөн сайдын тушаалаар энэ оны зургадугаар сард “Улаан бүс” маань энгийн тасагт шилжсэн. Одоогийн байдлаар 16 эмч, 22 сувилагч, туслах сувилагч гэсэн нийт 64 ажилтантай тусламж үйлчилгээ үзүүлж байна.

Х.ДОРЖПАЛАМ

Энэ мэдээнд өгөх таны сэтгэгдэл?
2
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-10-15 202.179.24.182

шинжилгээ хийхгүй байгаа болохоор юугаа мэдээлэх вэ?

Avatar

Зочин 2021-10-15 139.5.216.250

хүн чанаргүй, бусдыг өрөвдөх хайрлах сэтгэлгүй хүйтэн хүмүүс эмчийн ажлаасаа зайлаачээ! Дээд зэргийн хүнлэг хүмүүс эмнэлгийн байгууллагад ажиллах ёстой!

Avatar

Зочин 2021-10-15 202.9.46.59

Халдвар аяаандаа буурах байлгүй дээ. Оношлогдсон 400 гаран мянган хүн байгаа. оношлогдоогүй халдвар аваад шинж тэмдэггүй эдгэсэн 1,5 сая гаран хүн байгаа гэж эрдэмтэд гуай хэлээд байсан биздээ. Сүргийн дархлаа бараг тогтсон гэсэн үг биш үү. Ковид тусах хүн бараг үлдээгүй байна гэсэн үг. Одоо өвдөөд байгаа хүмүүс юуийн гэж үү? Вакцины чинь хор гарч байхгүй юү. Вакцинд хордсон хүмүүс л өвчилж эмнэлгийг дүүргэж байна даа. Нохой амиа хамгаалах гэж хийлгэсэн вакцин чинь та нарыг алж байна дөө.

Avatar

ббб 2021-10-15 192.82.64.153

Худлаа мэдээлэл өгхөө болиочээ орон нутагт тогтмол өсөөд байхад л худлаа яриад байх юм 6000 аас дээш л байгаа даа

Avatar

Иргэн 2021-10-15 82.144.201.2

Халдвар тогтож бна гээд байх юм, нас барагсдын тоо чинь буурахгүй бна шүү дээ. Гадаадын эмч нарыг урьж ажиллуулаач, тусламж дэмжлэг хүсээд!!!!
ЗГ юу ч хийхгүй бна,ОГЦОР,ОГЦОР

Avatar

Зочин 2021-10-15 202.21.109.58

Яаж батлаад байгаа юм
Түргэвчилсэн тестээр эерэг гарсан хүиүүс хадэн мягга байгаа. Тэд энэ тоонд ороогүй ч гэсэн батлагдах нь 80% дор хаяж байгаа даа. Нөгөө мундаг бараг эрдэмтэдгүй эрдэмтэдийн бхг чинь ийм прогноз гаогасан юм уу

Avatar

зочин 2021-10-15 64.119.26.171

12-р сард хугацаа дуусах 800000 тун вакцинаа шахах гээд л байна уу, хүн ам үндсэндээ вакцинд хамрагдаж дууссан, одоо 4-р тундаа орох уу, вакцины үр дүн ямар байна вэ, Өвөрмонголд 1-2 халдвар илэрхэд Хятад хилээ хааж байна манайд 2000 тохиолдолыг буурсан гэж үзэх үү, тодорхой үнэн зөвөөр тайлбарлаж өгөөч.

NewsMN Гар утасны хувилбар Татах
NEWS.mn

Мэдээллийн эх сурвалж