УОК-ын Нэгдсэн шуурхай штабаас Covid-19 халдварын үед хэрэгжүүлж буй хариу арга хэмжээний талаар өнөөдөр /2021.10.14/ мэдээлэл хийж байна.

НЭМГ-ЫН ДАРГА Б.БЯМБАДОРЖ:

-Covid-19 халдварын өдөрт батлагдах тохиолдол буурч байна. Нийт тохиолдлын 11 хувийг жирэмсэн эмэгтэйчүүд эзэлж байна. Цаашид хэвтэн эмчлүүлж буй нэн хүнд болон хүндэрсэн хүмүүс нэмэгдэх хандлагатай байна. Сүүлийн долоо хоногт нэмэлт тунгийн дархлаажуулалт нэмэгдсэн. Ор зохицуулалтын баг ажилласнаар өчигдөр 511 хүн хэвтэх шаардлагатай байгаагаас нийт 485 хүнийг хэвтүүлсэн бол өнөөдөр үлдсэн 49 хүнийг хэвтүүлнэ. Мөн хэвтэх шаардлагөтай 57 жирэмсэн эхийг хэвтүүлсэн. Гэрийн нас баралт энэ долоо хоногт бүртгэгдээгүй. Эмнэлгийн орны эргэлт удаашралтай байна. Бүрэн цахимд нэг цэцэрлэг нэг сургууль шилжсэн.