Ши Жиньпиний хөрөнгө хуваарилах бодлого дэлхийг хэрхэн өөрчлөх вэ? | News.MN

Ши Жиньпиний хөрөнгө хуваарилах бодлого дэлхийг хэрхэн өөрчлөх вэ?

Ши Жиньпиний хөрөнгө хуваарилах бодлого дэлхийг хэрхэн өөрчлөх вэ?

Ши Жиньпиний хөрөнгө хуваарилах бодлого дэлхийг хэрхэн өөрчлөх вэ?

Сүүлийн үед улам нэмэгдсээр буй хөрөнгийн ялгааг багасгахад чиглэсэн Ши Жиньпиний бодлогыг Хятадын эрх баригчид өнөөгийн нийгэмд яг хэрэгтэй зүйл гэж ухуулдаг. Гэвч шүүмжлэгчид илүү болгоомжтой хандахыг анхааруулсаар байна.

Хэдийгээр уг бодлогыг Ши Жиньпин зөвхөн дотооддоо хэрэгжүүлж байгаа ч түүнийг дагаад дэлхийн эдийн засаг тэр чигээрээ өөрчлөгдөж болзошгүй билээ.

Нийтлэг хөгжил цэцэглэлтийн гэх тодотголтой эл бодлогын хамгийн эхний үр дагавар бол Хятадын тэргүүлэх аж ахуй нэгжүүдийг дотоодын зах зээлд дахин төвлөрүүлж буй явдал юм.

Сүүлийн жилүүдэд олон улсад маш өндөр нэр хүндийн эзэн болж байсан "Алибаба" компани гэхэд өдгөө нийтлэг хөгжил цэцэглэлтийн бодлогыг сурталчлах зорилгоор Дальел Жанаар ахлуулсан ажлын хэсэгт 15.5 тэрбум ам.доллар “хандивлажээ”. Тэгэхдээ “Алибаба" бол Хятадын эдийн засгийн хөгжлийн үр шимийг хүртэгч байгууллага. Хэрвээ нийгэм, эдийн засаг нийтлэг сайжирвал "Алибаба" улам сайн ажиллах болно” гэсэн байна.

Түүнээс гадна "Алибаба"-гийн өрсөлдөгч технологийн аварга "Тенсент" компани ч энэ жишгийг дагаж 7.75 тэрбум ам.доллар хандивлахаа амласан аж.

Мөн “China Inc” энэ бүхнийг намын захиалгаар хийж байгаагаа илэрхийлэхийг хичээж байсан ч уриалгад олон том компани нэгдэж эхэлсэнд “бага зэрэг гайхширсан” гэж нэрээ нууцалсан эх сурвалж мэдээлжээ. Тэрбээр “Одоо бид энэ бодлогод хэдийн дассан байна. Чухамдаа бол хөрөнгийг тэгш хуваарилна гэдэг нь баячуудыг дээрэмдэх бус, нийгмийн бүтцийг өөрчилж, дундаж давхаргыг тэлэх тухай бодлого юм. Эцэст нь хэрэглэгчдийн амьжиргаа дээшлэхийн хэрээр компаниудын үйл ажиллагаа сайжрах нь дамжиггүй” гэж ярьжээ.

ТАНСАГ ХЭРЭГЛЭЭНИЙ САЛБАР АЛДАГДАЛ ХҮЛЭЭЖ МАГАДГҮЙ

Хэрэв нийтлэг хөгжил цэцэглэлт нь шинээр гарч ирж, нэмэгдэж буй Хятадын дундаж давхаргад илүү их анхаарал халамж хандуулж буй бодлого бол түүнийг дагаад тэдгээр үйлчлүүлэгчдэд үйлчлэх дэлхийн бизнес эрхлэгчдэд ашигтай болно гэсэн үг.

Энэ талаар Европын холбооны Хятад дахь худалдааны танхимын ерөнхийлөгч Йорг Вуттке "Залуучуудыг ажлын байраар хангах нь сайн үр дүнтэй болохыг бид харж байна. Хэрэв тэд өөрсдийгөө элэгдэлд орсон нийгмийн нэг хэсэг гэж үзэж эхэлбэл бидэнд сайн хэрэг. Яагаад гэвэл дундаж давхарга өсөх тусам илүү их боломж бий болно. Гэсэн ч үүнээс болоод тансаг хэрэглээний салбар, үйлдвэрлэл сайнгүй өөрчлөлтүүдтэй нүүр тулж болзошгүй" гэж хэлжээ.

Дэлхий даяар тансаг хэрэглээний бараа бүтээгдэхүүн борлуулалтын 50 орчим хувийг хятад баячууд хангадаг. Хятадын баячууд швейцарь цаг, итали зангиа, Европын тансаг зэрэглэлийн автомашин бага худалдаж авахаар шийдсэн бол энэ салбар цохилтод орох болно.

Гэхдээ ноён Вутткегийн үзэж байгаагаар Хятадын эдийн засагт хятад хүний дундаж орлогыг нэмэгдүүлэхийн тулд чухал шинэчлэл шаардлагатай ч нийтлэг хөгжил цэцэглэлтийн бодлого түүнд хүрэх хамгийн үр дүнгүй арга байж магадгүй.

Хятад дахь Британийн Худалдааны танхимын ажилтан Стивен Линч энэ талаар “Нийтлэг хөгжил цэцэглэлтийн бодлого бол дундаж давхаргынхан сүүлийн 40 жилийн хугацаанд олширсон шиг ихээр өсөх баталгаа биш юм. 30 жилийн өмнө гэхэд дундаж хятад гэр бүл сард нэг л удаа бууз хийж идэх боломжтой болдог байлаа шүү дээ. Тэгвэл 20 жилийн өмнө, тэд долоо хоногт нэг удаа зоогийн газраас аяга хоол авч идэх чадвартай болдог байв. 10 жилийн өмнөөс харин энэ байдал маш ихээр өөрчлөгдөж эхэлсэн юм. Одоо тэд машин худалдаж авах чадалтай болжээ. Тэгвэл сүүлийн үед эрчимтэй хэрэгжүүлж байгаа нийтлэг хөгжил цэцэглэлтийн бодлого эхэлснээсээ хойш "Алибаба", "Тенсент" нарын нийгмийн хариуцлагын хандив, тусламжаас өөр тодорхой бодит ажил хийсэнгүй” гэж ярьжээ.

Мөн тэрбээр сүүлийн үед технологийн компаниудад их дарамт учрах болсон талаар "Олон салбарт маш олон шинэ шуурхай зохицуулалт хийж эхэлсэн. Энэ нь энгийн ард түмэнд эргэлзээ төрүүлж, асуулт үүсгэж эхэлжээ. Хэрэв Хятад улс илүү дотогшоо хандсан бодлого баримталж байгаа юм бол тэдэнд дэлхийн бусад улс орон үнэхээр хамаагүй гэсэн үг үү" гэх байр суурь илэрхийлэв.

ШИНЭ СОЦИАЛИЗМ

Нийтлэг хөгжил цэцэглэлтийн бодлогын гол зорилго нь Хятадын Коммунист намын хэлж байгаагаар нийгмийг тэгш эрхтэй болгох явдал юм. Тэгвэл энэ бодлого орчин цагийн дэлхийд социализмыг өөр өнцгөөс шинээр танилцуулах боломж ч болж магад.

Бээжингийн Хятад ба даяаршлын төвийн ажилтан Ван Хуияо "Коммунист нам одоо таксины жолооч, цагаач ажилчид, хүргэлтийн залуу хөвгүүд гэх мэт энгийн ажилчин ангийнханд санаа тавьдаг болжээ. Хятад улс барууны орнуудын туйлширсан нийгмээс зайлсхийхийг эрмэлзэж байна” гэжээ.

Гэхдээ олон жилийн турш Бээжинг ажигласан шинжээчдийн үзэж байгаагаар хэрвээ үнэхээр социализмыг Хятадын онцлог шинж болгон бусад оронд өөр өнцгөөс таниулах нь гол зорилго юм бол нийтлэг хөгжил цэцэглэлт зөв бодлого биш гэнэ.

Оксфордын их сургуулийн Хятад судлалын төвийн ажилтан Жорж Магнус "Энэ бол дорно дахины нэгэн үеийн хяналтыг улам чангалж байгаагаар Ши Жиньпиний хүч чадлыг элтгэж буй үйл явдал. Түүний шинэ бодлого Европ маягийн нийгмийн халамжийн загварыг хуулбарлахаас эрс ондоо зүйл. Харин ч намын зорилгыг биелүүлэх далд явуулгын шинжтэй байж болзошгүй. Хэт өндөр бөгөөд үндэслэл хомс орлогод татвар ногдуулж, намын захиалгат пүүсүүдийн эдийн засгийн зорилтыг биелүүлэхийн тулд дарамталж хандив цуглуулах нь тэдэнд илүү ашигтай" гэж тайлбарлалаа.

“УТОПИ” ХЯТАД

Нийтлэг хөгжил цэцэглэлтийн бодлого Ши Жиньпиний удирдлага дор Хятадын төр, нийгмийг хэрхэн нэгтгэн базаж, хялбар зохион байгуулах гол арга хэрэгсэл болох нь тодорхой байна.

Үүнийг биелүүлж, цаашлаад илүү тэгш эрхтэй нийгэм, илүү олон чинээлэг дундаж давхаргынхан, мөн авахаас төрдөө өгдөг компаниудтай болохын төлөө намын удирдлагууд олон сайхан амлалт өгчээ.

Түүнчлэн Коммунист нам үүгээрээ барууныхны амладаг нийгмийн үлгэр жишээг бүтээж нийтэд харуулан бишрүүлэх, нэг үгээр “утопи” Хятад болох найдлага тээсэн үйлдэл аж.

Гэхдээ хариуд нь илүү их хяналт, эрх мэдэл намын гарт очих болно. Хятад бол гадаадын бизнес эрхлэгчдийн үйл ажиллагаа явуулах хамгийн хэцүү орчнуудын нэг байсаар ирсэн. Харин нийтлэг хөгжил цэцэглэлтийн бодлого хэрэгжсэнээр дэлхийн хоёр дахь том эдийн засаг улам хатуу чанга болно гэсэн үг юм.

Эх сурвалж: BBC

Энэ мэдээнд өгөх таны сэтгэгдэл?
8
ЗөвЗөв
2
ГайхмаарГайхмаар
1
ХахаХаха
1
ТэнэглэлТэнэглэл
1
БурууБуруу
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-08 185.220.100.242

== Шилдэг тавтай морилно уу секс болзоо сайт — https://is.gd/f4011T

Avatar

зочин 2021-10-08 202.9.46.38

зөв ч юм билүү?

Avatar

Зочин 2021-10-08 172.58.23.4

Юугаач мэдэхгүй нэг монгол орчуулаад юугаач мэдэхгүй хэсэг монголчууд уншиж энэ тэр

Avatar

Зочин 2021-10-08 66.181.161.58

Зөв шд Монголчуудыг Чингис Чингис хэмээн хөөргөж хэдэн сагсуу залуусыг нь төрд гарган бүх баялгийг нь хуу хамж авч чадсан энэ хүнийг гайхамшигтай удирдагч гэхээс өөр хэлэх үг алга Одоо ийм үг хэлэхээс яах вэ Тэр Хятад улсын төр ганхашгүй байх бодлогыг барьж чадлаа

Avatar

Зочин 2021-10-08 66.181.161.58

Монголчууд чухамдаа нэг баялгаа сандайлан хөдөлшгүй байсан нь их учиртай Газраа хайрласан эрүүл энх байвал бүхнийг бүтээнэ гэсэн бодлого барьж баялгаас өөр гарцыг эдийн засагт хайж байсан бөгөөд баялгийн байр суурийг эдийн засагт хоёрдогч магадгүй гуравдагчаар оруулж байсан

Avatar

Зочин 2021-10-08 103.1.30.105

Хятадууд эргээд балар эрин үрүүгээ ойчсон.Бас их гоё нэр өгчихөж.Дайн хийхгүй байвал их юм.АНУ үйлдвэрүүдээ татаад дуусгачихвал хэн ч эд нарыг сонирхохгүй.

Avatar

Зочин 2021-10-08 150.129.142.138

Ши дэлхийд нөлөөлөх холын бодлого хэрэгжүүлж байхад Монголын удирдлагууд ард иргэддээ ч хэрэгтэй бодлого байдагүй ээ!!!!

Avatar

зочин 2021-10-08 64.119.19.163

Энэ бол утапи биш жинхэнэ бодит эрх тэгш, хүмүүнлэг нийгэм болно гэж харж байна. Ши дарга ухаалаг, бас хүнлэг шийдвэр гаргаж байна. Утопи социализм гэж ёүц үед ярьдаг байсан нь бодит болж ирэх нь.

Avatar

Зочин 2021-10-08 66.181.161.110

Ямхын онол гэж манай нэртэй зохиолч хэлсэн байдаг тэр л болтой. Гэхдээ бүгд сайхаэ амьдрах эхлэл ч юм билүүү

Avatar

Зочин 2021-10-08 202.21.109.95

БҮТЭЭГҮЙ МӨРӨӨӨДӨЛ

Avatar

Зочин 2021-10-08 64.119.20.103

Ши дарга үнэхээр ухаалаг, шударга үйл ажиллагаа явуулж байна. Идэж барахгүй хөрөнгөнөөс тодорхой хэсгийг авч олон түмний төлөө зориуллаа гээд тэр баячууд ядуурчихгүй. Тэр их хөрөнгөний үндэс суурь нь нийт ард түмний өмч болох газар шороо, тэдний үйлдвэрт бага цалинтайгаар ажилласан хүмүүсиН хөлс хүч шүү дээ.

Avatar

Зочин 2021-10-08 138.201.90.130

aan

Avatar

Зочин 2021-10-08 192.82.73.84

Манай зарим улс төрчид шиг унтаж босоод л маргааш нь Улсын Их Хурал дээрээ зүгээр сайхан Монгол ухаанаараа зорилт дэвшүүлж, шинэ санаачлага гаргаж попордог хүмүүс биш Хятадууд. Ши дарга лаг болохоороо ийм тийм санаачлага гаргаад байгаан биш, өчнөөн эрдэмтэн мэргэд, намын ажилтнууд, судлаачид дахин дахин хэлэлцэж, хэдэн жил тооцоо судалгаа хийж ирээдүйд гарч болох бүхий л эерэг сөрөг үр дагаваруудыг тооцож бж шийдвэр гаргадаг юм бна лээ, тийм ч болохоороо Хятадууд хөгжөөд бна.

Avatar

Зочин 2021-10-08 192.82.72.2

Наад бодлогоо монголд хэрэгжүүл Си даргаа

Avatar

Лхагва очир 2021-10-08 66.181.161.41

Өөрийн орон гэртээ яаж амьдрах нь тэдний лхэрэг . Барууныхан нэг юмнаас л айгаад байна даа

Avatar

Баяраа ах нь 2021-10-08 139.5.217.79

Хятад хүн илүү хүчин чадал, их нөөц зарцуулалгүй юу ч биш зүйлээр мөнгө хийдэг.Мөнгөтэй болохын хирээр тэд нөхцөл байдлын эзэн болж, өөрсдийнхөө байр сууринаас тоглож эхлэдэг. Ингэснээр их хэмжээний тоо, бага үнийн саналаар яаралгүй зах зээлийн бусад үйлдвэрлэгчдийг замаасаа зайлуулдаг.
Өөрөөр хэлбэл эцсийн дүндээ нэгж хугацааны ашгаа багасгаж,цаг хугацааг уртын дагуу сунгаж бүх ашгийг энэ хугацаанд эзэмшдэг дотуур тамир заль гаргадаг тухай барууныхан дүгнэлт хийжээ.Хятадаа гэж…..

Avatar

уугуул 2021-10-08 66.181.161.82

энэ цуснууд чинь коммунизм байгуулах нь ээ?…

NewsMN Гар утасны хувилбар Татах
NEWS.mn

Мэдээллийн эх сурвалж