-Улсын хэмжээнд шатахууны тав хоногийн ердийн хэрэглээний нөөц байгаа. Улаанбаатарт 900 гаруйн тонн шатахуун гэж тооцвол хомсдол үүсэх асуудал байхгүй. Зарим компанийн нөөц багассан. Хоорондоо зохицох асуудал. Иймд өнөөдөр шатахуун түгээх станциуд хоорондоо зохицуулалтыг хийсэн. Роснепть компанийн захиралтай өнөөдөр утсаар ярьсан. Компанийн зүгээс шатахууныг тасалдуулахгүй нийлүүлнэ гэдгийг хэлсэн. Гэтэл ийм нөхцөл байдал үүссэн нь магадгүй иргэдийг турхирах гэсэн асуудал гэж харж байна. Зохиомлоор шатахууны хомсдол үүсгэж байгаа нь улс төрийн асуудал ч байж магадгүй. Энэ асуудлаар тагнуулийн байгууллагад шалгуулна.

Хомсдол үүсэх сургаар аж ахуйн нэгжүүдэд хүндрэл үүсдэг. Тиймээс иргэдийг дугаарлахгүй байхыг хүсье.  Иргэд ердийн хэрэглээгээрээ шатахуунаа авбал хомсдол үүсэхгүй. Хэрэв хүмүүсийг турхирахгүй бол хомсдол үүсэхгүй. Цаашид шатахууны нөөц нэмэгдэх төлөвтэй байгаа юм. Бидний зүгээс  шатахууны хязгаарлалт тогтоохгүй гэсэн байр суурьтай байна. Өнөөдөр аж ахуйн нэгжүүдтэй уулзаж шатахууны хязгаарлалт тогтоохгүй байх, нөөцөө хадгалахыг үүрэг болгож хэлэлцсэн. Судалгаагаар иргэдийн худалдан авалтын дундаж хэмжээ нь 40 гаруй мянган төгрөг. Тиймээс 60 мянган төгрөгийн худалдан авалт ердийн хэрэглээнд орж байгаа учраас хязгаарлалт биш. Олон нийтийн дунд зохиомол хомсдол үүсгэж буй асуудлыг шалгах ёстой