Багш нар соц үеийн хүмүүжүүлэх арга барилаа өөрчил! | News.MN

Багш нар соц үеийн хүмүүжүүлэх арга барилаа өөрчил!

Багш нар соц үеийн хүмүүжүүлэх арга барилаа өөрчил!

Багш нар соц үеийн хүмүүжүүлэх арга барилаа өөрчил!

Өнөөдөр олон улсын багш нарын баярын өдөр. ЮНЕСКО-гоос  жил бүрийн аравдугаар сарын 5-ныг  ийнхүү зарласнаас хойш 27 дахь жилээ угтаж байна. Энэ өдрийг тэмдэглэх болсон нь дэлхийн өнцөг булан бүрт багш нарт талархал илэрхийлэх, тэдний хөдөлмөрийг үнэлэх, багш нарын энэ хариуцлагатай мэргэжилд олон түмний анхаарлыг хандуулах зорилготой. Бас багш нарын өмнө тулгарч буй асуудал бэрхшээлийг шийдэхийг хичээж буй чухал мөч. Харин Монголд боловсролын салбарт амьдралаа холбосон мянга мянган багш энэ өдрийг цэцэг, шоколад тэргүүтэй урмын үгсээр “шагнуулж” баярладаг “уламжлал” аль хэдийн тогтжээ. Харин эцэг эхчүүдийн дунд талархсан сэтгэлээ илэрхийлэх нэг хэсэг байхад багшийн гарыг “цайлгах”-аас өөр аргагүй гэж боддог нь ч бий.

Энэ хандлага сүүлийн жилүүдэд улам ч газар авч, боловсролын салбарт авлига их бага хэмжээгээр үүрлэсний нэг тод илрэл. Нөгөө талд, цалин багатай, цаг наргүй гэж үргэлж гомдоллодог багш нарын мэргэжлийн онцлог, нийгмийн асуудлыг үгүйсгэх аргагүй ч  эцэг эх, сурагчдаасаа гар “хардаг”  нь ч  бичигдээгүй хууль болжээ.

Гэвч эцэг эхгүй, амьдралын боломж тааруу хүүхдүүдэд ялгаатай байдлыг үүсгэж улмаар бусдад гадуурхагдах, насан туршдаа сэтгэл зүйн хувьд арилахгүй хар толбыг үлдээдэг нь нууц биш. Ялангуяа бага ангийн хүүхдүүдийн хувьд гол үлгэр дууриал авдаг хүн нь багш. Хэрэв багш нь хэн нэгнийг ялгаварлан гадуурхвал сурагчид даган дуурайдаг.

Сурлагын ялгаатай байдал, амьдралын боломж нөхцөлөөс нь шалтгаалан хүүхдийг алагчлах үзэл даамжирсаар хүүхдүүдэд тусгалаа олж сургуулийн орчин дахь хүчирхийлэл газар авах нь. Харамсалтай нь үүнийг хайхардаг нь ховор. Судалгаанаас харахад, хүүхдүүд сургуулийн орчинд багш болон тэнгийнхний дарамт шахалтад их өртдөг тухай ярьсан байдаг.

Нэн ялангуяа хүртээмжтэй боловсролын тухай ихээхэн шүүмжлэлтэй ханддаг байна. Тухайлбал, сургуулийн дэргэдэх дугуйлан, дамжаанд мөнгөтэй эсвэл онц сурлагатай хүүхдүүд л явдаг гэх хандлага 6-8 дугаар ангийн хүүхдүүдийн дунд түгээмэл байгаа юм. Ганцхан судалгаанаас л багш нар хүүхдэд бие махбодийн хүчирхийллээс гадна сэтгэл зүйн хувьд, сурлага, амьдралын боломжоор нь ялгаатай хандах нь хүүхдийн сэтгэл зүйд ямар хүнд тусч байгааг л харж болохоор.

Өнөөдөр бид хэчнээн ардчилсан нийгэм эрх чөлөө, Кембрижийн боловсрол, технологийн дэвшил ярилаа ч багш нарын хандлагыг өөрчлөхгүй бол ямар ч үр дүнгүй.

Монголын ирээдүй багш нарын гарт байдаг гэх. Гэтэл багш нар сахилгагүй хүүхэд бол муу сурагч, онц сурагч бол сайн гэх зэргээр бие махбод, сэтгэл зүйн хүчирхийлэл үйлдэж байгаагаа ч “ухамсарладаг”-гүй социализмын үеийн хандлагаа өөрчлөхгүй бол ирээдүй сайхан байх тухай яриад ч хэрэггүй биз ээ.

Угтаа бол сургуулийн орчин нь хүүхэд бүр сурч хөгжихөд таатай, аюулгүй хүүхдэд ээлтэй хүчирхийлэлгүй орчин байх ёстой.  Эсрэгээрээ багш нарын ёс зүйгүй үйлдэл нийгмийн “хорт хавдар” болжээ. Иймд багш нарын харилцаа хандлагыг үндсээр нь өөрчлөх учиртай.

Боловсрол, сэтгэл судлалын академийн захирал Н.Оюундалай хэвлэлд өгсөн ярилцлагадаа “Манай академи нийслэл болон  Дорнод, Хэнтий аймгийн 2000 хүүхэд, 700 гаруй эцэг эхийн дунд нийгмийн сэтгэл зүйн талаар судалгаа явуулсан. Судалгаагаар багш нар сэтгэл зүйн боловсролд хамрахгүй байгаа нь хүүхдийн хөгжил, хүмүүжилд сөргөөр нөлөөлдөг гэсэн дүгнэлт гарсан. Тиймээс насанд хүрэгчдийн сэтгэл зүйн боловсролыг хөгжүүлэх сургалтыг дөрвөн жил зохион байгууллаа. Харамсалтай нь нэг ч багш хамрагдаагүй. Цаашдаа иргэдийн сэтгэл зүйн боловсролыг дээшлүүлэхэд төр засаг анхаарах шаардлагатай байна” гэж байв.

УИХ-ын намрын ээлжит чуулганаар хэлэлцэхээр төлөвлөсөн Боловсролын багц хуулийн төсөлд хүмүүнлэг иргэнийг төлөвшүүлэх гол зорилгыг тусгажээ. Ийм атал сурагчдын сурлагын дүнгээр багшийг урамшуулна гэх. Энэ нь боловсролын салбарт хийх хамгийн гол шинэчлэлт болохыг ч УИХ-ын Боловсрол, соёл, шинжлэх ухаан, спортын байнгын хорооны дарга Г.Дамдинням хэлсэн.

Тэрбээр өнгөрсөн Пүрэв гаригт төрийн ордонд “Боловсролын шинэчлэл ба хүмүүнлэг боловсрол” хэлэлцүүлгийн үеэр хуулийн төслийг танилцуулахдаа ийнхүү онцолсон билээ. Сурлагын дүнгээр багш нарын амжилтыг тодорхойлж, урамшуулах нь цалинг нэмэгдүүлж буй нэг хэлбэр мөн. Хэдийгээр Засгийн газар багш нарын цалинг нэмж, хуулиар хариуцлагыг нь чангатгасан ч ёс зүйгүй үйлдлийг нь хязгаарлаж чадаагүйг өнгөрсөн хугацаанд хангалттай харсан. Иймд боловсролын салбарт хүний нөөц, ур чадварын бодлогоор өөрчлөхгүй бол багш нарыг урамшуулсан ч соц хандлага өөрчлөгдөхгүй бол  хүчирхийлэл улам гаарах нь.

Энэ мэдээнд өгөх таны сэтгэгдэл?
12
ТэнэглэлТэнэглэл
6
ЗөвЗөв
2
ХахаХаха
1
ХөөрхөнХөөрхөн
1
ГайхмаарГайхмаар
1
ХарамсалтайХарамсалтай
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-05 202.126.88.224

Нийгэм нь өөрчлөгдсөн болохоор бүх зүйл өөрчлөгдсөн. Хүн хүний харах өнцөг өөр шүү.

Avatar

Зочин 2021-10-05 192.82.69.48

Багшийн "гарыг цайлгах”, чихэр шоколад, шалгуургүй шагналууд, хэт хэлбэр хөөцөлдөх асуудлууд социализмын үед биш ардчиллын үед тогтож, уламжлал болсон гэдгийг хүн бүхэн мэдэж байгаа даа.

Avatar

Зочин 2021-10-05 5.183.209.217

========= Шилдэг тавтай морилно уу секс болзоо сайт – – https://is.gd/f4011T

Avatar

Зочин 2021-10-05 202.9.46.99

Энэ нэг сэтгүүлч нэртэй тэнэг авгай юу бичээд байнаа. Түүхийн хичээлийн сэдэв үү боловсролын системийн дэвшил хөгжлийн тухай сэдэв үү. Ийм сэдэв дээр намчирхан улс төрийн сэдэв болгож болохгүй.Өнөөгийн боловсрол төдийгүй нийгмийн амьдрал тунхагийн төдийн ардчилалаас болоод хамгийн муу төвшинд ойртлоо. Бяруу болоогүй байж Бухын баасаар чацага тавихаа больж үз сэтгүүлч авгай минь.

Avatar

Зочин 2021-10-05 197.211.58.65

Бөөрөө мөнгөөр зарах, эрүүл байх зөв газрыг хайж буй хүмүүст fortis эмнэлэгт хандаж, бид бөөрөө 760000 доллараар худалдаж авдаг бол санхүүгийн бэрхшээлийг даван туулж байгаа ч танд боломж байна. Та бөөрөө 760,000 доллараар зарж, эрүүл байх болно
[fortis.hospital.in@gmail.com]

Avatar

Зочин 2021-10-05 66.181.161.21

Багш нар арга барилаа өөрчлөх бишээ!! Тэд чинь өөр тогоонд чанагдаад болчихсон юм чинь өөрчлөгдөнө гэж байхгүй, чадах ч үгүй!! Харин багш бэлтгэдэг сургуулийн багш нарыг шинэ үеийн сэтгэлгээтэй, дэлхийн тэргүүний сургалтын арга барилаас суралцсан тийм кадраар бүрдүүлэх хэрэгтэй! Тэгээд тэд чинь шинэ үеийн. багш нарыг "үйлдвэрлэж" гаргана!!!

Avatar

Зочин 2021-10-05 192.82.73.105

Ардчиллынхны шүтдэг, амаа олохгүй магтдаг АНУ-д л гэхэд сурагчдын эрх чөлөө нь хэтэрч,сахилгагүй дэггүй байдал гаарч, сурах сонихолоо гээж,сурлагын чанар эрс буурч багшийн ажил тамын болсон гэдэг.Сургуулиуд нь буруу хүмүүжилтэй,мэдлэггүй хүүхэд бэлтгэгч уурхай мэт болжээ.8-р анги төгсөгчдийн бараг тал нь үсгэлж уншдаг байх жишээтэй.Буруу нөлөөнөөс болж,хүүхдийн нилээд нь бүр 13 наснаас хар тамхи хэрэглэдэг болсон.Бид сургуулиудаа, өсвөр залуу үед аюултай хортой барууны жишигт оруулж болохгүй

Avatar

Badarch taxar 2021-10-05 64.119.24.232

Дээр үеийн багш нар сайхан зоддог байсан тэгээд сайн сурдаг байсан одоо тэгээд сургах хэрэгтэй

Avatar

Зочин 2021-10-05 103.80.210.183

тийм л дээ. ядаж л ах захаа мэдэж арай дээр байдаг байсан.

Avatar

Зочин 2021-10-05 202.21.108.56

Тэгж нервээ барах хэрэггүй. Инээгээд л гоёхон гэгээрсэн багш болцгоох хэрэгтэй. Хэнийг ч бүү шүү гээд л. Биед амар ш дээ.

Avatar

зочин 2021-10-05 202.131.227.82

Бгш нартаа баярын мэнд хүргье. Мөн энэ салбарыг аварч бодлогыг нь зөв зохион байгуулаасай гэж боловсролын яамныаханд баяр хүргьедээ. та нар маань улс орны ирээдүйн хувь заяаг атгаж байгаа шүү. амжилт хүсье.

Avatar

Зочин 2021-10-05 66.181.161.117

Хүргье гэж бичиж байхыг бодоход өөрийн чинь багш ямар багш байсан нь харагдаж байна 😂😂

Avatar

иргэн 2021-10-05 66.181.169.70

ЮУ Ч ГЭСЭН БАГШ НАРЫН БАЯРЫН МЭНД ХҮРГЭЕ. 10 ЖИЛДЭЭ МУУ СУРЧ БАЙСАН ХҮМҮҮС Л БАГШ БОЛЧИХСОН ХАРАГДАХ ЮМ. ГЭХДЭЭ БҮГД БИШЛДЭЭ. ОНЦ СУРЧ БАЙСАН ХҮҮХЭД ХЭЗЭЭ Ч БАГШ БОЛЧИХООД ТӨСВИЙН 500.000 ТӨГРӨГ ЦАРАЙЧИЛЖ СУУХГҮЙ Л БАЙХ. УГААСАА СУУРЬ НЬ МУУ БОЛОХООРОО АРДЫН ХҮҮХДҮҮДЭД ЭРДЭМ НОМ ХҮМҮҮЖИЛ ЗААНА ГЭЖ ЮУ БАЙХАВДЭЭ.

Avatar

Зочин 2021-10-05 202.21.107.95

За ингээд чаддагаараа багш нар луугаа дайраад эхлэв үү?. Баярынх нь өдрөөр ядаж тайван байлга даа. Харин ч сүүлийн 10 гаруй жмл багш нар "Сурагчийн нэг өдөр " гэж багшийн хөдөлмөрийн онцлогийг сурагчиддаа мэдрүүлсэн өдөрлөгийг ахлах ангийн сурагчдын дунд явуулж багшийн ажлын сайн сайхан, амаргүйг ахлах ангийн сурагчдад мэдрүүлдэг сайхан уламжлал тогтсон байгаа шүү.

Avatar

ӨӨӨ 2021-10-05 66.181.169.70

ҮНЭНДЭЭ 10 ЖИЛД ХАМГИЙН МУУ СУРЧ БАЙСАН НӨХДҮҮД Л БАГШ БОЛЧИХСОН ҮЛГЭН САЛГАН АРДЫН ХҮҮХДИЙН ИРЭЭДҮЙГЭЭР ТӨГЛӨЖ ТӨРӨӨС ЦАЛИН АВСАН НЭР ЗҮҮЖ АМЬ ЗУУЖ БАЙНА. ГЭХДЭЭ БҮГД БИШ Ч ИХЭНХ НЬ. ОНЦ СУРЧ БАЙСАН ХҮҮХЭД ХЭЗЭЭ Ч БАГШ БОЛЖ ТӨСВИЙН 500 ЦААС ХАРДАГГҮЙ Л БАЙХГҮЙ ЮУ. СУУР НЬ СУРЛАГ НЬ МУУ ХҮН БУСДАД АРДЫН ХҮҮХДЭД ХИЧЭЭЛ ЗААЖ ХАРАГДААЧ.

Avatar

Зочин 2021-10-05 202.131.225.150

Onts surah muu surah hend hamatain er ni ter onts dun muu dungeer chine ymr atsaa hiih yum. Hench chmg onts surdag bsn gd ired bugsiig chine unsehgu baigaa bizde. Zaaj baigaa hicheelee ooroo sn meddeg hund oilguulj chaddag baiwal boloon bishuu.

Avatar

Иргэн 2021-10-05 202.21.127.164

Санаандаа орсоноо ямар ч баримтгүйгээр барин тавин бичжээ. Судалгаа судалгаа гэх юм. Хэн, хаана хийсэн ямар судалгаа вэ? Гаргаж ирж байгаа санааг нь батлах нэг ч үндэслэл алга. Сэтгүүлч ч бол доо хөөрхий.

Avatar

Зочин 2021-10-05 192.82.69.76

Энэ мэдээ бичсэн баагий эмээ уух цаг нь болсон байна. Цаг цаг нь эмээ ууж байж бичих хэрэгтэй шүү. Ер нь юу ч бичээд хэрэггүй

Avatar

Зочин 2021-10-05 202.126.90.13

Гар харах нтр гэж юмны талаар ойлголтгүй явсаар 29 жилтэй золгож байна даа. Хонхны баяраар ганц 1 цэцэг авч байсаан байсан.

Avatar

Зочин 2021-10-05 202.126.88.201

ЗАРИМ АГУУ ИХИЙН ДЭМИЙРЭЛД АВТСАН, "ОЛИМПИАД, ЭЕШ-800, МАНАЙ АЛДАРТНУУД, АЛДАРТАЙ ШАВЬ НАР…"-ААС ӨӨР ЮМ ЯРИДАГГҮЙ ХУДЛАА БАГШ НАР ОДОО БОЛИОСОЙ !!! ХҮҮХЭД БҮРИЙГ ЗӨВ ХҮМҮҮЖИЛТЭЙ, ЗӨВ БОДОЛТОЙ, ХААНА Ч БИЕЭ ЗӨВ АВААД ЯВЧИХДАГ Л ХҮН БОЛГОМООР БАЙНА ДАА ‼️

Avatar

Зочин 2021-10-05 66.181.161.77

Тэр чинь гэрийн хүмүүжил…чи бас бусад ээж аавууд хүүхдээ тийм болгож хүмүүжүүлэхэд болно. Багш сургадаг. Сургалтын үр дүн нь тэр амжилтууд байдгийн

Avatar

ИРГЭН 2021-10-05 202.21.127.168

Естой л үхрийн бөөр мэт элдэв юмыг цуглуулан "чалчжээ". Наад Академи гээд байгаа юмны чинь судалгаа гэж юу байхав дээ. Тэгээд ч та наад өндөр түвшний авлигаа, улс орныг хуваан идэж буй олигарх улс төрчдөө яриач. ЧААВААС. Чи багш нарыг нулим заа, эргээд чиний үр хүүхдийн чинь хувь заяа чам руу нулимна даа. Өөрийн хүүхдэдээ нэг үсэг зааж өгчихөөд ингэж загна. Чиний нэг ийм буруу зөрүү нийтлэл бичсэнийхээ төлөө авдаг мөнгөөр чинь энэ хүмүүс сар амьдардаг юм заа

Avatar

Зочин 2021-10-05 43.228.131.110

Яг үнэн.

Avatar

Зочин 2021-10-05 192.82.91.50

Bagsh nar geltgvi Manai bvh salbariihan huuchinsag setgelgee tei, zasrahgvi hvmvvs eer dvvren bnaa !

Avatar

Зочин 2021-10-05 192.82.92.14

Яана гэсэн нийтлэл вэ? Өөрийнхөө өнцгөөр баахан сэдэв нийлүүлээд нийтэлчихсэн. Боловсролын салбарын бодлогыг багш нар биш яам нь боловсруулдаг. Жоохон юм уншиж байгаад бичихгүй.

Avatar

Зочин 2021-10-05 202.9.40.91

Сэтгүүлчид гээд зөв бичгийн дүрэм мэдэхгүй, найруулга зүй гэж мэдэхгүй оркууд бас бий шүү.

Avatar

Зочин 2021-10-05 202.126.94.99

Боловсролын Байнгын хороо нь ч, яам нь ч мэргэжлийн бус, сул дорой бна. Хамгийн чухал салбарыг гаргуунд гаргаж байгаа нь Монгол улс. Соц. уед харин ч бодлоготой, чанартай байж, одоо бол газар газрын болох болохгуй юм чихсээр юу ч биш боллоо!!!

Avatar

иргэн 2021-10-05 49.0.142.59

МУБИС гэж байх шаардлагагүй. Зүгээр л тухайн чиглэлийн мэргэжлийн хүнийг 2 жил сургалтанд хамруулаад лиценз өгөх хэрэгтэй. Одоо онлайнаар заах арга зүй, танхимд заах арга зүй гэж хоёр хуваагдах нь. Хоцрогдолтой хүүхдийг өөрт нь дарамт болохгүйгээр сургаж чадахгүй бол тэр багш биш шүү.

NewsMN Гар утасны хувилбар Татах
NEWS.mn

Мэдээллийн эх сурвалж