БНАСАУ өмнөд хөрштэйгөө холбоо тасалснаасаа хэдэн сарын дараа дахин утсаар ярилаа.

Хэдэн өдрийн өмнөөс Ким Жон Ун Өмнөд Солонгостой эв найрамдалтай харилцаа тогтоохын тулд харилцаа холбоогоо сэргээх хүсэлтэй байгаагаа илэрхийлсэн билээ. Гэвч түүний хэлснээр хоёр Солонгосын харилцаа Сөүлийн ааш авираас шалтгаалах аж.

Пёньян сүүлийн үед маш их зэвсгийн туршилт хийж байгаа юм. Сүүлийн нэг сарын хугацаанд л гэхэд нийт дөрвөн ч пуужин харваж туршчээ. Үүнээс харахад БНАСАУ зэвсгийн туршилтаа удаашруулах сонирхолгүй байгаа бололтой.

Өмнөд Солонгосын эв нэгдлийн яамнаас өнөөдөр (2021.10.04) мэдээлснээр, хоёр орны эрх баригчид наймдугаар сараас хойш анх удаа утсаар ярьсан байна.

Эх сурвалж: BBС