Г.Занданшатарын давхар цохилтот мэдэгдэл | News.MN

Г.Занданшатарын давхар цохилтот мэдэгдэл

Г.Занданшатарын давхар цохилтот мэдэгдэл

Монголын улс төрийн нэгэн сонирхолтой натур бол УИХ-ын дарга Г.Занданшатар. Индэрт гарч энтертайнмент шоу хийдэггүй, төвийг сахисан мэт боловч тааварлашгүй нүүдэл хийдэг энэ эрхмийг ажиглагчид “УИХ-д үнэмлэхүй олонхи суудалтай МАН-ын парламент дахь дарга нь” гэж дүгнэдэг. Сонирхолтой дүгнэлт байгаа биз. “Алх хэний гарт байна вэ, түүнд эрх мэдэл бий” гэдэг. Үүн лүгээ адил Г.Занданшатар хэдийгээр эрх баригч хүчний тэргүүн биш ч хууль тогтоох дээд байгууллагыг даргалдаг өндөр эрх мэдэл бүхий улстөрч. Тиймээс ч улс төрийн хүрээнийхэн дунд “МАН-ын дараагийн дарга нь Г.Занданшатар уу” гэх яриа хүчтэй өрнөсөн. Одоо ч энэ тухай хардлага, таамаглал үе үе дэвшүүлэх нь бий. Харин эх сурвалжуудын яриагаар Г.Занданшатар “Ард түмэн бидэнд итгэл хүлээлгэсэн. Тиймээс улс орныхоо төлөө хүчээ нэгтгэн зүтгэх ёстой. Албан тушаал, эрх мэдэл бол 100 дугаар асуудал” гэж популистуудын амыг нэг сайн тагласан гэдэг. Г.Занданшатар гэж ийм улстөрч…

УИХ-ын намрын чуулган өнгөрсөн баасан гарагт нээлтээ хийлээ. Монголын улс төр дэх намрын халуун өдрүүд ийнхүү эхэлж байна. Цар тахлын хүнд үед сөхөрсөн, цөхөрсөн ард түмэн хэзээ л бол хэзээ дэлбэрэхэд бэлэн дарьтай торх мэт болчихоод буй энэ эгзэгтэй үед Г.Занданшатар УИХ-ын даргын хувьд “…Хэдийгээр иргэдийнхээ 65 гаруй хувийг вакцины хоёр тунд хамруулсан ч 382 мянган тохиолдол бүртгэгдэж, 1200 гаруй иргэн энэ аюулт өвчнөөр амь насаа алдлаа. Амь нас нь эрсэдсэн ард иргэдийнхээ ар гэр, төрөл төрөгсдөд УИХ гүн эмгэнэл илэрхийлье” хэмээн чуулганы индрээс хэлэв. Улс төрд төвийг сахигч бөгөөд төвийн тоглолтыг ямагт хийгч Г.Занданшатар ийнхүү ард түмний зүгээс “Монгол төр хэзээ эмгэнэл илэрхийлэх бол оо” гэж өдөр бүр шахам Төрийн ордны зүг чих тавьж, сошиалд уур бухимдлаа илэрхийлж байгаа энэ үед тун мэдрэмжтэй алхам хийлээ. Ард түмэндээ эмгэнэл илэрхийлсэн анхны улстөрч болов уу даа, тэр!? Цар тахлын үед эрүүл мэндийн салбар тэр чигтээ “Улаан бүс” болж, эмч, эмнэлгийн ажилтнуудын цалин, хангамжийн асуудал тулгамдаж буй энэ үед тэрбээр “Эрүүл мэндийн салбарт иргэнд чиглэж, гүйцэтгэлд тулгуурласан санхүүжилтийг нэвтрүүлэх, эмч, эмнэлгийн ажиллагсдын нийгмийн асуудлыг сайжруулах зэрэг төсвийн удирдлагын тогтолцооны эхлэл тавигдсаныг бататгаж, салбарын чадавхыг богино хугацаанд шинэ шатанд гарган иргэдийн эрүүл мэндийг хамгаалах найдвартай тогтолцоог төлөвшүүлэх шаардлагатай” гэж онцолсон юм. Өөрөөр хэлбэл, олон нийтийн зүгээс хүлээлт үүсгэсэн бас нэгэн чухал сэдэвт УИХ-ын дарга Г.Занданшатар товч бөгөөд тодорхой хариулт өгсөн нь энэ.

Монголын нийгмийн хамгийн эмзэг бөгөөд орхигдсон сэдэв бол эдийн засаг. Улстөрч Г.Занданшатар намрын чуулганы нээлтийн үеэр “Эдийн засгийн өсөлт удааширч, 2021 оны дүнгээр 5.1 хувь болох төсөөлөл гарчээ. Өргөн хэрэглээний бараа, үйлчилгээний үнийг өмнөх оны эцэстэй харьцуулахад 2021 оны наймдугаар сард л гэхэд улсын хэмжээнд 8.9 хувь, Улаанбаатар хотод 10.0 хувиар өссөн нь ард иргэдийн амжиргаанд хүндээр тусч байна. Ийм нөхцөлд Засгийн газар тогтвортой, тууштай ажиллах шаардлагатай” гэж олон нийтэд хийгээд улстөрчдөд хандсан мессэж өгсөн нь анхаарал татна. Учир нь “МАН-ын дарга Л.Оюун-Эрдэнийн тэргүүлж буй Засгийн газар цар тахлын онцгой нөхцөл байдалд тааруу ажиллаж байна. Огцор” гэдэг шаардлага сошиал ертөнцөөр нэг давалгаалж буй энэ үед Г.Занданшатар “Засгийн газар тогтвортой ажиллах ёстой. Огцруулахыг дэмжихгүй” гэдэг хувь улстөрчийн мэдэгдлээ давхар хийчихлээ. Энэ анхаарахгүй байх өнцөг гэж үү! Нөгөөтэйгүүр “Эдийн засгийн нөхцөл байдал улам хүндэрч байна. Ачаа чинь улам нэмэгдэж байна шүү” гэдэг анхааруулгыг МАН-ын бүрдүүлсэн Засгийн газарт бас өглөө. Үнэхээр ч дэлхий дахинд нүүрлэсэн цар тахалд Монгол Улс нэрвэгдэж, аж ахуйн нэгжүүд дампуурч, Замын-Үүдэд ачаа бараа олон сараар гацаж, иргэд цар тахлаар амь насаа алдаж, халдварын тохиолдол өдөр бүр дөрвөн оронтой тоогоор илэрч, шатахууны хомсдол нүүрлэж, шуудхан хэлэхэд нийтээрээ “Хар нүх”-ний амсарт тулаад буй энэ үед ажиглагчдын дүгнэсэнчлэн “УИХ дахь эрх баригч хүчний дарга” ийм мэдэгдэл, анхааруулгыг өгөхөөс өөр яалтай! УИХ гэдэг ард түмний төлөөлөл. Тиймээс Г.Занданшатар хувь улстөрчийн хувьд, намынхаа журмын нөхдөд хатуухан сануулга өгөх нь зүйн хэрэг.

“Энэ удаагийн намрын чуулган Монгол Улсын эдийн засгийн шинэ сэргэлтийн бодлогыг тодорхойлсон чуулган болно”… Г.Занданшатар УИХ-ын намрын чуулганы үеэр хэлсэн үгэндээ онцолсон таван мессэжийн нэг нь энэ. МАН-ын дарга Л.Оюун-Эрдэнийн дэвшүүлсэн шинэ сэргэлтийн бодлогыг УИХ ч дэмжиж ажиллах юм байна гэдэг нь спикерийн хэлсэн үгнээс ийнхүү харагдаж байна. Тэрбээр Засгийн газраас хэрэгжүүлж буй 10 их наядын хөтөлбөрийн талаар УИХ-ын даргын хувьд болон хувь улстөрчийн тухайд ч байр сууриа илэрхийллээ. “Монгол Улсын Засгийн газраас хэрэгжүүлж буй 10 их наядын хөтөлбөрийн үр дүнд эдийн засагт сэргэлт бий болсон. Гэхдээ нэг хүнд ногдох ДНБ-ий хэмжээ цар тахлын өмнөх 2019 оны түвшинд хүрээгүй байна” гэж… Харин спикерийн онцолсон эдийн засгийн статистикаас харвал, манай улсын төсвийн урсгал тэнцэл 25.7 тэрбум ам.долларын алдагдалтай гарч, гадаад өр 32.4 тэрбум ам.долларт хүрч, нийт экспортын 90 хувь, гадаадын шууд хөрөнгө оруулалтын 73 хувь нь зөвхөн уул уурхайн салбараас хамааралтай байгаа аж. Г.Занданшатарын онцолсноор, “дусал залгасан” эдийн засагтай Монгол Улсад эрх баригч хүчнийхэн шинэ сэргэлтийн чухам ямар бодлого хэрэгжүүлэх нь сонирхол татна. Ямартай ч шинэ сэргэлтийн бодлогын хүрээнд төсвийн хөрөнгө оруулалт, хөдөлмөр эрхлэлт, хот, хөдөөгийн хөгжлийн тэнцвэрийг хангах, хувийн хэвшлээр гүйцэтгүүлэх боломжтой чиг үүргийг төр гүйцэтгэхгүй байх зарчим баримтлах, эрүүл мэнд, боловсрол, соёл урлаг, шинжлэх ухаан, нийгмийн салбарт санхүүжилтийн шинэ тогтолцоог нэвтрүүлэх аж. Шинэ сэргэлтийн бодлогын талаар спикерийн хэлсэн таван багц асуудлыг тоймлоход шүү дээ.

Нөхөн сонгуультай, нөхөн сонгууль тойрсон дуулиант мэдээллүүдтэй, гудамжаар нэг бухимдалтай, сошиал хийрхлээр дүүрэн энэ үед УИХ-ын дарга Г.Занданшатарын намрын чуулганыг нээхдээ хэлсэн таван мессэжийг анхаарахгүй өнгөрч болохгүй. “Засгийн газар тогтвортой ажиллах ёстой. Шинэ сэргэлтийн бодлогыг дэмжинэ” гэж мэдэгдсэн тэрбээр “Үндсэн хуулийн нэмэлт, өөрчлөлтийг амилуулах эрх зүйн хувьсгалын зорилтоо бид энэ чуулганаар үргэлжлүүлэх болно” гэж мэдэгдсэн нь бас л сонин. Учир нь өмнөх парламентын үед МАН УИХ-д олонхи байсан. Тэр үед Үндсэн хуульд нэмэлт, өөрчлөлт оруулахдаа Ерөнхийлөгчийн эрх мэдлийг хумьж, хэт их эрх мэдэлтэй Ерөнхий сайдыг “төрүүлсэн”. Тийм атал энэ удаад Үндсэн хуульд дахин ямар өөрчлөлт хийх вэ, ойр ойрхон нэмэлт, өөрчлөлт оруулах зайлшгүй шаардлага бий юү гэдэг асуулт гарч ирэв. Спикерийн мэдэгдсэнчлэн МАН шүүх засаглалд хийж буй шинэчлэлээ үргэлжлүүлж, Зөрчлийн тухай хуулийг шинэчлэн найруулж, Зөрчил шалган шийдвэрлэх тухай хуульд нэмэлт, өөрчлөлт оруулах аж. Мөн Шүүх байгуулах тухай, Эвлэрүүлэн зуучлалын тухай хуулиудыг шинэчлэн найруулж, Иргэний болон захиргааны шүүхийн шийдвэр гүйцэтгэх тухай, Шүүхийн бус журмаар өр барагдуулах үйл ажиллагааны тухай зэрэг хуулиудыг шинээр хэлэлцэж батлахаар төлөвлөж байгаа юм байна. “Монгол Улсын шүүхийн тухай хууль гацаанаас гарсан. Үндсэн хуулийн Цэцийн шийдвэр эцэслэгдсэн” гэдгийг ч УИХ-ын дарга Г.Занданшатар онцлов. Харин түүний зүгээс өгсөн тав дахь мессэж боловсролын салбартай холбоотой. Дэлхийд алдартай Стэнфордын их сургуульд лекц уншиж явсан спикер “Хүүхэд, залууст дэлхийн түвшний боловсролыг эзэмшүүлэх, дэлхийтэй хөл нийлүүлэн алхах шинэ монгол иргэдийг өсгөн хүмүүжүүлэх үзэл баримтлалтай багц хуулиудыг хэлэлцэхээр зорьж байна. Мэдээж хэрэг, үүнд цаг хугацаа их орно. Боловсролын ерөнхий хууль, Мэргэжлийн боловсрол, сургалтын тухай хуулиудын шинэчилсэн найруулга, Хүмүүнлэг боловсролыг дэмжих тухай, Боловсролын хуульд өөрчлөлт оруулах тухай хуулийн төслүүд багтаж байна” гэлээ. Г.Занданшатар ийнхүү УИХ-ын даргын хувьд болон хувь улстөрчийн зүгээс нийгэмд хүлээлт үүсгэсэн олон асуудалд хариулт өгч, байр сууриа илэрхийллээ. Өөрөөр хэлбэл, тэрбээр олон нийтэд болон Засгийн газар, эрх баригч хүчнийхэнд хандсан давхар цохилттой мэдэгдлээ ийнхүү хийв. Харин хувь улстөрч Г.Занданшатар дээрх таван мессэжээрээ дамжуулж, улс төрд ямар нэн шинэ нүүдэл хийх нь сонирхол татна. Учир нь тэр Монголын улс төр дэх төвийн тоглогч, Монгол төрийн №2 хүн.

Г.Энх 

Энэ мэдээнд өгөх таны сэтгэгдэл?
18
ХахаХаха
13
ТэнэглэлТэнэглэл
5
ЗөвЗөв
1
ХөөрхөнХөөрхөн
1
ГайхмаарГайхмаар
1
БурууБуруу
0
ХарамсалтайХарамсалтай
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Судлаач 2021-10-04 202.126.89.148

байвал удаан тогтоно гэж нэг лам хэлээ биз лээ…нээрээ жавхлан еронхий сайд болбол хуний ам харахгуй ажлаа хийгээд явна шуу..сайн залуу хврагдаал байгаан

Avatar

Зочин 2021-10-04 66.181.188.137

УИХ д энэ гацдагаас илуу дарга хийх гишуун байхгуй юу

Avatar

Boogii 2021-10-04 202.131.237.137

Za ene bichsen yamar neh logic alga daa. Tesreh gej bna gesnee, tiim uchraas zasag ogtsorj bolohgui genuu, yostoi pyaldaga gej l ene bna daa…

Avatar

иргэн 2021-10-04 202.126.88.71

за ёстой худал пялдага хий.
хээ боль Ярьж байгааг нь сонсоход заримдаа хэцүү санагддаг Арай өөр хүнээр солиоч

Avatar

Зочин 2021-10-04 66.181.161.50

Хамгийн их хулгай хийсэн нь пирамидын орой тийш залардаг, тэднийгээ долоодог ард түмэнтэй сонин улс орон шүү.

Avatar

Зочин 2021-10-04 192.82.70.40

Жинхэнэ морь унасан толгойгүй хүн.

Avatar

Зочин 2021-10-04 192.82.92.249

Хүүкийн нүүдэл. Женко чиглэлийн Оюулзгана, Баатар мэтээс хэзээ нэгэн цагт салах нь ойлгомжтой байсан. Нүүгээд эхэллээ дээ. Эхлээд Жэнко ах нь цэвэр тавиулсан бол одоо Баатар Оюулзгана 2-ыг мадлах гэж байна даа.

Avatar

Зочин 2021-10-04 103.26.194.126

harinch dajgui ih hurliin darga gej bodoj baigaa shuu,yam l bol ogtsruulah unagah gej yaridgaa bolitsgoo,uursduu neg ih mundagch yam shig medemhiireh yam daa erguunuud

Avatar

Зочин 2021-10-04 87.101.92.226

ТАРХИНЫ ГЭМТЭЛТЭЙ АМЬТАНААР ТӨРИЙНХӨӨ ХУУЛЬ ЦААЗЫГ БАРИУЛДАГ ТЭНЭГ АРД ТҮМЭН. ТЭЭР ЖИЛ АНУ-д АВТО ОСОЛД ОРООД ЮМТАЙ БОЛЧИХСОН ХҮН ШҮҮДЭЭ.

Avatar

Kkk 2021-10-04 122.201.19.99

Ish erguugee umuurch heden guhshin uur shig ni erguu zaazand oroh bolson hevleliin hed ni bichij dee

Avatar

Ккккк 2021-10-04 202.126.88.177

Ямар их нуршуу юм бэ,.яг юуг хэлэх гэж оролдов, ойлгомжгуй бн

Avatar

Зочин 2021-10-04 209.141.51.252

>>>> Шилдэг тавтай морилно уу секс болзоо сайт — https://is.gd/f4011T

Avatar

иргэн 2021-10-04 66.181.188.134

Оюулзаганаа зандангаар нэг солиод үздийм уу гээд ганц нэг бор шувуу нисгэж байгаамуу даа янз нь зандан ч бас явахгүй дээ. Хүүкий маань ажил нь ч явдаггүй эрх мэдлээсээ ч салах дургуй яая дээ. Эр хүний жудаг гаргаад нам засгаа шударгаар өгчихвөл хожмоо сайнаар дурсагдах болно. Тэртээ тэргүй өндөг шиг хэзээ ч хагарах адил хэврэг эрх мэдлийг хэмжээлшгүй эрх мэдэлт хаан л болдоггүйн бол хадгалахад хэцүү л байна шүү дээ.

Avatar

Зочин 2021-10-04 103.212.117.88

Энэ эвгүй муу санаатай хүн юм.Нэг мулгуу залуу тавьчихаад нөгөө эргүү нь албан тушаалд дуртай уначихгүй байх санаатай.Ядахдаа санхүүгийн мэдлэг мэргэжилтэй юм тэгээд ч эрүүл бх Б.Жавхланг ерөнхий сайд болгосон нь дээр бздэ

Avatar

Зочин 2021-10-04 66.181.161.33

Энэ хүний сахал Төрийн өндөр албан тушаалтны хувьд огт зохимжгүй байгааг хажууны хүмүүс нь хэлж өгдөггүй юм байх даа?? Хувь хүн байсан бол ямар байх нь падгүй боловч Монголын төрийг төлөөлж буй өндөр албан тушаалтан төрийн нүүр царай болж байдгийн хувьд бодмоор л юм даа??!!

Avatar

Зочин 2021-10-04 66.181.187.182

Хажуудах хүмүүс нь та гое гээд пялдагдаад бгаа

Avatar

Зочин 2021-10-04 49.0.158.86

Оюулзганы бэлдэж өгсөн үгийг уншсан юм биш үү. Энэ хүнд өөрийн гэсэн толгой байдагт эргэлздэг шүү

Avatar

123 2021-10-04 192.82.74.73

Ямар юмных нь мессеж вэ? Өөрөө хэлсэн ярьсан зүйлээ ч ойлгодог эсэхэд нь эргэлзэж байна? Харин тана сайт хошгируулж байгаад цус гаргах санаатай юм даг уу даа

Avatar

Зочин 2021-10-04 124.158.107.35

хуцна биз

Avatar

Зочин 2021-10-04 66.181.177.116

Мулгуу

Avatar

ЯДААД ЯАЖ УЛСААРАА ЭРҮҮЛ ЭНХ, ЭСЭН МЭНД ҮЛДЭХ ВЭ БУРХАН МИНЬ ⁉️ 2021-10-04 202.126.88.201

АРД ИРГЭД НЬ АНХНААСАА Л ТУЖ БУСАДРУУ БУРУУГАА ЧИХЭН, ЭНЭ ГАЙ ГАМШИГИЙГ ЮМАН ЧИНЭЭ ТООХГҮЙГЭЭР ХАЙНГА ХАНДАН, ХЭНЭГГҮЙТСЭЭР УЛС ДАЯАР БАЙДЛЫГ ЁРООЛД НЬ ХҮРГЭЛЭЭ…….
УМ БАЗАРВААНИЙ ХУМ ПАД ‼️🙏🙏🙏
БУРХАН МИНЬ БИДНИЙГ АВРААЧ ….

Avatar

76 2021-10-04 59.153.112.115

За даа энэ нөхрийн уншдаг лекц гэж юу байх билээ дээ? Улс төрийн шинэ нөхцөл үүсэх нөхцөлд өөрийгөө бас рекламдуулсан юм аа даа. Салхит дээр салхилж очоод байсан, өр төлбөр нь юу болсон бэ? Тэр компани нь амьд уу? Эхэлж хэлснээ төгсгөлд нь мартдаг нөхөр дөө, мунгиа №1

Avatar

Зочин 2021-10-04 103.80.210.183

шар хаданд л сууж байх ёстой хүн байх шигээ. яаж тэнээд Их-д даргаар ороод хуцдаг б анхар болчихов доо.

Avatar

Зочин 2021-10-04 64.119.16.228

Энэ ч өөрөө мэдээгүй байхад нь болгочихжээ гэж хэлэх гээд байгааюм уу? Хүн байна даа, амбич байлгүй яахав. Энэ чинь дэд сайд, намынерөгхий нарийн бичтг мичиг гээд алба хашаа биздээ. Гэхдээ нэг л америкийн дуу хоодой болчихсон ч юм шиг харагдаад байдаг болчихсон шүү.

Avatar

Зочин 2021-10-04 66.181.161.59

nudend huiten hulgaich

Avatar

setgegch 2021-10-04 203.98.76.186

yostoi tviiiii mai shvv

Avatar

Юндэн 2021-10-04 59.153.113.158

За даа энэ мунгинасан буруу зоруу ярьдаг хунтэй уул нь хариуцлага тооцох цаг бсон шуу дээ

Avatar

Иргэн 2021-10-04 202.126.88.208

Хэн гэгч Пялдага ингэж бичдэг бнаа.кккк

NewsMN Гар утасны хувилбар Татах
NEWS.mn

Мэдээллийн эх сурвалж