Талибан: АНУ-ын орхисон агаарын баазыг Хятад ажиллуулж өгөв үү? | News.MN

Талибан: АНУ-ын орхисон агаарын баазыг Хятад ажиллуулж өгөв үү?

Талибан: АНУ-ын орхисон агаарын баазыг Хятад ажиллуулж өгөв үү?

Талибан: АНУ-ын орхисон агаарын баазыг Хятад ажиллуулж өгөв үү?

Нэгэн үе АНУ-ын цэргүүд Афганистанд байрлаж байхдаа ашиглаж байсан Баграм агаарын бааз эргэн ашиглалтад орсон гэнэ. Зарим эх сурвалжийн мэдээлж байгаагаар баазыг ажиллуулахад гадаадын, магадгүй Хятадын тусламж их дэмжлэг болсон бололтой.

Тухайлбал, өчигдөр (2021.10.03) цахим орчинд цацагдсан зарим зураг дээр баазын гэрлүүд жирийтэл ассан харагдана. Мөн хэд хэдэн онгоц бууж, хөөрсөн ч гэнэ. Хэрвээ үнэн бол Баграм бааз 50 гаруй хоног ажиллагаагүй байсны эцэст шинэ эзэнтэйгээр дахин үйл ажиллагаагаа эхлүүлсэн бололтой.

АНУ-ын цэргүүд тус баазыг ашиглаж байгаад цэргүүдээ татахын өмнө буюу долдугаар сард афганчуудад үлдээсэн юм. Гэвч тун удалгүй талибууд удирдлагыг гартаа авснаар дээрх бааз дахин ажиллаагүй.

Баграм бааз дахин ажиллаж эхэлсэнд хятадуудын оролцоо бий гэж үзэх хүмүүс олон байна. Гэвч Бээжин эл цуу яриаг эрс эсэргүүцэж, Афганистанд огт цэрэг байршуулаагүй гэж мэдээлжээ.

Эргэн санавал, өнгөрсөн сарын эхээр Энэтхэгийн сонинууд талибуудын төлөөлөгч нар Пакистан, Хятадын талтай уулзаж, цаашид хэрхэх, АНУ-ын үлдээсэн баазуудыг яаж ажиллуулах тухай ярилцсан гэнэ. Тус сонинд мэдээлснээр Баграм баазыг ажиллуулах үүрэг Бээжинд ноогдсон аж. Гэхдээ тухайн үед Хятадын Гадаад хэргийн яамны төлөөлөгч Ван Венбин дээрх нийтлэлийг үндэслэлгүй, худал мэдээлэл гэж мэдэгдэж байв.

Мөн талибууд ч эл мэдээллийг үгүйсгэж, Хятадаас цэргийн ямар нэг тусламж аваагүй гэж мэдэгдэж байна. Түүнчлэн зарим эх сурвалжууд баазын ойролцоо нутгуудад өрнөсөн тулаанаас болж талибууд бэлэн байдалд байсан учир гэрлүүдээ асаасан байж магадгүй гэж мэдээлж буй юм.

Эх сурвалж: RT

Энэ мэдээнд өгөх таны сэтгэгдэл?
3
ХахаХаха
2
ХөөрхөнХөөрхөн
2
ГайхмаарГайхмаар
2
ТэнэглэлТэнэглэл
1
ЗөвЗөв
1
ХарамсалтайХарамсалтай
1
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

911 2021-10-04 66.181.171.26

АНУ өөрөө засаж өгсөн байгаа даа

Avatar

Зочин 2021-10-04 199.195.253.119

>>> Шилдэг тавтай морилно уу секс болзоо сайт — https://is.gd/f4011T

Avatar

Paвcaл 2021-10-04 172.56.42.78

Энэ талибууд чинь улс орноо манай хэдээс хурдан өөд нь татдаг нөхөд байна ш дээ. Худалч xyлгайч нарыг нь цaaзлаад л. Сайхан юмаа.

Avatar

ҮНЭН 2021-10-04 103.26.193.224

цаазаар улс орон дээшилдэггүй юм

Avatar

Рн 2021-10-04 66.181.161.50

Хулгай луйвраар бүр ч өөдөлдөггүй, сөнөдөг юм. Талибуудаа, хулгайч луйварчдыг алаад бай.

Avatar

ҮНЭН 2021-10-04 103.26.193.224

ХЯТАДУУД ТЕХНОЛОГИ ШААЖ Л ДЭЭ

Avatar

Зочин 2021-10-04 202.9.47.4

Зүгээр зүгээр. Афган бол их гүрнүүдийн оршуулга. Одоо Хятадын ээлж ирж

Avatar

Хаха 2021-10-04 202.21.108.135

ҮНЭН

Avatar

asuulthariult.mn 2021-10-04 202.179.27.59

Нэг засаад авчихаар арван жил огт засвар хийлгүйгээр ямар ч зардал гаргахгүйгээр яваад байхгүй л дээ. Хэдий чинээ эд юмстай болно төдий чинээ зардал чирэгдэл стресс бухимдалтай болно. Энэ цэргийн техникүүд асар их шатахуун хэрэглэнэ. Эвдэрсэн тохиолдолд сэлбэг нь маш үнэтэй. Мэдээж Амеркаас авч таарна. Өгөхөөр боллоо гэхэд ямар мөнгөөр авах юм. Амеркаас мөнгө гуйж аваад амеркаас юм худалдаж авалтай биш. Хятад тэгээд л тэрбум тэрбумаар нь талибуудад зүгээр мөнгө өгөөд байх уу. Ай даа юу л б

Avatar

Зочин 2021-10-04 202.126.89.155

Талибууд маш баян

Avatar

ҮНЭН 2021-10-04 103.26.193.224

үхсэн унгасаараа баян байхав

NewsMN Гар утасны хувилбар Татах
NEWS.mn

Мэдээллийн эх сурвалж