Иран АНУ-аас 10 тэрбум долларын хөрөнгөө чөлөөлөхийг шаардлаа | News.MN

Иран АНУ-аас 10 тэрбум долларын хөрөнгөө чөлөөлөхийг шаардлаа

Иран АНУ-аас 10 тэрбум долларын хөрөнгөө чөлөөлөхийг шаардлаа

Иран АНУ-аас 10 тэрбум долларын хөрөнгөө чөлөөлөхийг шаардлаа

АНУ-ын албаны хүмүүс өнгөрсөн есдүгээр сард Ирантай цөмийн асуудлаар яриа хэлэлцээ дахин эхлүүлэх оролдлого хийсэн юм. Гэвч Вашингтон юуны өмнө сайн санааны илэрхийлэл болгож Тегераны 10 тэрбум ам.долларын царцсан хөрөнгийг чөлөөлж өгөх ёстой гэж Ираны Гадаад хэргийн сайд Хосейн Амирабдоллахян Бямба гаригт мэдэгдэв.

Иран АНУ-тай шууд хэлэлцээ хийхээс татгалзсан тул Ираны цөмийн зэвсгийн үйл ажиллагааг зогсоох зорилготой “2015 оны цөмийн гэрээ”-г сэргээх тухай шууд бус хэлэлцээ Вена хотод үргэлжилж байгаад өнгөрсөн зургадугаар сард зогссон юм. Ийнхүү АНУ өнгөрсөн есдүгээр сард НҮБ дэх зуучлагчдаар дамжуулан холбоо тогтоох оролдлого хийснийг Амирабдоллахян төрийн телевиздээ хандан хэлжээ.

АНУ-ын зүгээс Ираны банк, эрчим хүчний салбарт хориг тавьсны улмаас тус улс газрын тос, байгалийн хийн экспортоос голчлон орж ирсэн, гадаадын банкуудад байршиж буй хэдэн арван тэрбум ам.долларын хөрөнгөдөө хүрч чадахгүй болсон юм.

"Америкууд бидэнтэй НҮБ-ын Ерөнхий Зөвлөл зэрэг Нью-Йорк дахь янз бүрийн сувгуудаар дамжуулан холбоо барихыг оролдож байна. Гэвч АНУ үнэхээр харилцан тохиролцоонд хүрэхийг зорьж байгаа бол үүнийгээ батлан харуулах ёстой. Миний зүгээс наанадаж 10 тэрбум ам.долларын хөрөнгийг суллаж өгөхийг шаардаж байна" хэмээн Амирабдоллахян хэлэв.

Өрнөдийн гүрнүүд Ираныг хэлэлцээнд буцаж орохыг уриалж буй бөгөөд Тегераны цөмийн хөтөлбөр хэлэлцээрээр тогтоосон хэмжээнээс хамаагүй илүү урагшилж байгааг анхааруулсан. Гэвч Тегераны зүгээс Вашингтон бүх хориг арга хэмжээг цуцалсан тохиолдолд цөмийн арга хэмжээ эргэх боломжтойг ийнхүү онцлов.

Иран болон Барууны албаны хүмүүсийн аль аль нь хэлэлцээрийг сэргээхээс өмнө олон асуудлыг шийдвэрлэх ёстой гэдэг дээр санал нэгдэж байгаа юм.

ЭХ СУРВАЛЖ: REUTERS

Энэ мэдээнд өгөх таны сэтгэгдэл?
1
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

asuulthariult.mn Баярмагнай Мухулай 2021-10-04 202.179.27.59

Америк гээд л хараадаг юм. Үнэндээ бол баруун Европ, Их Британи бүгд Ираны 79 оны хувьсгалд эгдүүцдэг. Дээр нь Иран бүс нутагтаа хүчирхэг тоглогч болохыг үргэлж эрмэлздэг нь сонин. Анх Иранд нефть их хэмжээгээр илрэхэд иранчууд өөрсдөө яаж олборлохоо мэддэггүй байсан учир Их Британи болон Амеркийн Shel, Mobil, British Petrolium зэрэг том компаниудыг оруулж гэрээ байгуулан ажиллуулсан байдаг. Хэсэг хугацааны дараа Иран нь "Биднийг мөлжиж байна" хэмээн дотооддоо хувьсгал хийж барууны хөл гар гэдэг

Avatar

zochin 2021-10-04 217.79.178.53

eeee

Avatar

Зочин 2021-10-04 202.21.109.109

10-н тэрбум долларыг царцаасан хэвээр байлга,тэд цөмийн зэвсэгтэй.Сууж байгаа мөчрөө тайрдаг шиг дэлхийд хор хохирол учруулчихаад бид ялсан гэж солиорно.

NewsMN Гар утасны хувилбар Татах
NEWS.mn

Мэдээллийн эх сурвалж