Г.Элбэг харцагын хандивын барилдаанд О.Хангай түрүүлэв | News.MN

Г.Элбэг харцагын хандивын барилдаанд О.Хангай түрүүлэв

Г.Элбэг харцагын хандивын барилдаанд О.Хангай түрүүлэв

Г.Элбэг харцагын хандивын барилдаанд О.Хангай түрүүлэв

Монгол Улсын гавьяат дасгалжуулагч, үнэн зоригт, цогт гарамгай, улсын харцага, Монголын үндэсний бөхийн холбоо (МҮБХ)-ны тэргүүлэгч гишүүн Г.Элбэгийн эмчилгээнд зориулсан хандивын барилдааныг МҮБХ-ноос санаачлан амжилттай зохион байгууллаа.

Барилдаанд П.Бүрэнтөгс аваргаар магнайлуулсан улс, аймгийн алдар цолтой 128 зодоглосон бөгөөд улсын харцага О.Хангай түрүүлж, улсын өсөх идэр начин Ч.Батчулуун үзүүрлэн, их шөвөгт улсын харцага Д. Анар, аймгийн арслан М.Бэлгүтэй нар шалгарсан юм.

Дунд шөвгийн наймд Хөвсгөл аймгийн арслан Э.Баасанжав, Булган аймгийн арслан Э.Сумъяабат, Завхан аймгийн арслан Д.Батбаатар, Өвөрхангай аймгийн заан Ц.Бямба-Отгон нар үлдэв.

Барилдааны үеэр МҮБХ-ны тэргүүн, улсын заан Ц.Магалжав, гүйцэтгэх захирал, улсын гарьд И.Доржсамбуу нар тэргүүлэгч гишүүн, улсын харцага Г.Элбэгийн хүү аймгийн начин Э.Батсуурьт холбооны зүгээс хандиваа гардуулсан агаад дархан аварга Б. Бат-Эрдэнэ орон нутагт ажлаар явж байгаа тул МҮБХ-гоор дамжуулан хандив өргөлөө.

Мөн улсын аварга Н.Батсуурь, улсын аварга Г.Эрхэмбаяр, улсын арслан Ц.Содномдорж, улсын харцага, ардын багш Д.Сэрээтэр, тус барилдааны хөлийн цэц, улсын начин А.Алтанхуяг, цэргийн заан Н.Нямаа нарын бөхчүүд хүрэлцэн ирж, харцагадаа сэтгэлийн хандиваа өргөцгөөв. Улсын гарьд Д.Рагчаа, улсын начин Б.Одхүү нар мөн хандивт нэгдэж байгаагаа барилдааны үеэр уламжилсан юм.

Энэ мэдээнд өгөх таны сэтгэгдэл?
9
ЗөвЗөв
1
ХахаХаха
1
ТэнэглэлТэнэглэл
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-10-04 51.15.59.15

*** Шилдэг тавтай морилно уу секс болзоо сайт — https://is.gd/f4011T

Avatar

Зочин 2021-10-04 66.181.177.82

Хандив бол сэтгэлийн өглөг. Үзэгчгүй барилдааны хандивыгбөхчүүд өөрсдөө босгосон байх. Хэр их хандив цугласан бол? Учир нь бөхчүүд өөрсдөө бусдаас их зүйл авдаг. Өгөхдөө хэр бол гэсэн бодол төрөөд……

NewsMN Гар утасны хувилбар Татах
NEWS.mn

Мэдээллийн эх сурвалж