Засгийн газар 2022 оны төсвийн төслөө УИХ-д өргөн бариад байна. Төсвийн төсөлд төрийн захиргааны байгууллагуудын албан хаагчдын ажлын ачааллыг нягтруулах, чиг үүргийг оновчтой хуваарилах, төсөв хэмнэх зорилгоор дараах зохицуулалтыг хийхээр тусгажээ.

• Сайд нар нэгээс илүүгүй зөвлөх, туслахтай байна.
• Дэд сайд, төрийн нарийн бичгийн дарга дундаа нэг туслахтай байна.
• Засгийн газрын агентлаг нэгээс илүүгүй дэд даргатай байх, дарга нь зөвлөхгүй байна.
• Тэтгэвэрт гарсан хоёр албан хаагч тутамд нэг нөхөн томилгоо хийнэ.