Хойд Солонгос шинээр бүтээсэн нисэх онгоц сөнөөгч пуужингаа туршсан талаар эх сурвалжууд мэдээлжээ. Эл агаараас хамгаалах системийн туршилтаас гадна энэ долоо хоногт дуунаас хурдан пуужингийн туршилт мөн болсон билээ.

Өмнөд Солонгосын хэвлэл мэдээллийн хэрэгслүүдийн мэдээлж байгаагаар Пёньян өчигдөр/2021.9.30/ пуужингийн ажиллагаа, харвагч, дохионы системийг шалгах зорилгоор туршилт хийсэн гэнэ.

Үүнээс өмнө Пёньян дуунаас тав дахин хурдтай пуужин, төмөр замаас харвадаг баллистик пуужин зэрэг олон шинэлэг зэвсэг туршсан билээ. Ажиглагчдын мэдээлснээр энэ удаагийн туршилт Хойд Солонгосын энэ онд зохион байгуулсан долоо дахь зэвсгийн туршилт юм.

Харин АНУ-ын талаас төрийн нарийн бичгийн дарга Энтони Блинкен дээрх туршилт бүрийг нарийн ажиглаж, судалж байгаа гэнэ.

Эх сурвалж: RT.COM