Л.Отгондалайгийн ялалтыг 250 мянган доллараар луйвардсан уу? | News.MN

Л.Отгондалайгийн ялалтыг 250 мянган доллараар луйвардсан уу?

Л.Отгондалайгийн ялалтыг 250 мянган доллараар луйвардсан уу?

Л.Отгондалайгийн ялалтыг 250 мянган доллараар луйвардсан уу?

“Рио-2016” олимпийн наадмын боксын тэмцээний үр дүнд шинжилгээ хийсэн хараат бус мөрдлөгийн тайланг танилцууллаа. Канадын хуульч Ричард Макларенаар ахлуулсан багийн мөрдлөгийн тайланд дурдсанаар авлига өгч, үр дүнд нь нөлөөлсөн байж болзошгүй 10 гаруй сэжигтэй тоглолтыг илрүүлсэн байна.

149 хуудас бүхий энэхүү тайланд AIBA-гийн шүүгчид тулааны үр дүнг хэрхэн өөрчилдөг тухай, шүүгчдэд өгөх авлига нь зургаан оронтой тоо бүхий асар их мөнгөн дүнтэй байдаг талаар дурджээ.

Тухайн үеийн AIBA-гийн өндөр албан тушаалтнууд болох ерөнхийлөгч Ү Чин Коу, гүйцэтгэх захирал Карим Боузиди нар тус хэрэгт гар бие оролцсон болохыг энэхүү тайлан илчлэв. Хуудуутай тоглолтын тоог нарийвчлан тогтоох боломжгүй ч 11 орчим тоглолт байж магадгүй гэж мэдэгдлээ.

Эдгээр тулааны тоонд 56 кг-ын шөвгийн наймд учраа таарсан Ирландын Майк Конлан, Оросын Владимир Никитин (Никитин 2:1-ээр хожсон), -91 кг-ын финал Оросын тамирчин Евгений Тишенко, Казахстаны боксчин Василий Левит (Тишенко 3:0-ээр хожсон) нарын тоглолт багтжээ.

Түүнчлэн Монголын тамирчин Д.Отгондалай, Францын боксчин С.Умиа нарын мөнгөн медалийн төлөөх тоглолтын дүнг өөрчлөхын тулд 250 мянга хүртэлх ам.долларын хахууль санал болгосон байж болзошгүйг Макларен хэлэв.

Энэхүү тайланд "AIBA"-гийн бий болгосон шүүлтийн соёл, шүүгч нар энэхүү соёлыг хэрхэн дуулгавартай дагаж мөрдөн Риогийн олимпын боксын тэмцээнийг сүйтгэсэн талаар дэлгэрэнгүй дурджээ. Шүүлтийн “соёл”-ыг бий болгож, тоглолтын үр дүнг өөрчилдөг байсан гол хүмүүс нь Ү Чин Коу, Карим Боузиди нар байсан хэмээн Макларен хэлэв.

Шалгалтын үр дүнд үндэслэн хэрэгт холбогдсон шүүгчдэд сахилгын шийтгэл оноож магадгүй гэжээ.

Шударга бус шүүлт Риогийн олимпоос өмнө, бүр Лондоны олимпоос эхтэй байж магадгүйг тайланд дурдсан байна. Тус тайланд “AIBA-гийн одоогийн тэмцээний шударга байдлыг хангахын тулд өргөн хүрээний шинэчлэл хийх шаардлагатай” хэмээн дүгнэжээ. Харин AIBA-гийн одоогийн ерөнхийлөгч Умар Кремлев “Профессор Макларенийг бид ажилд авсан. Бидэнд нуух зүйл байхгүй. Бид залилан мэхлэх арга хэмжээнд оролцсон хүмүүст арга хэмжээ авах тал дээр хамтран ажиллах болно” хэмээн мэдэгдсэн байна.

Энэ мэдээнд өгөх таны сэтгэгдэл?
8
ГайхмаарГайхмаар
4
БурууБуруу
2
ЗөвЗөв
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-10-01 64.119.17.211

Конлан , Никитины тулаан луйвар бишээ. Тишенко, Левит хоёрынх бол яалтачгүй том луйвар байсан. Василий ёстой будаа болгосон ч өрөвдмөөр ялагдал хүлээж байсан даа.

Avatar

Монгол 2021-10-01 192.82.89.84

Оросын хоёрын хоёр тамирчинд ялалт луйвардажгүй өгсөн байна. Сочид болсон Олимпд Оросын төр Увайгүй булай төрийн допингийн ямар муухай луйвар болсныг Оросын өөрийн нь мэргэжилтнүүд илчилсэн шүү дээ. Одоо тэрнээс болоод дэлхийн спортын том орны тамирчид Олимпд далбаагаа өргүүлэх эрхгүй болчихоод дэлхийн шившиг болж байна. Увайгүй ганц хүний дарангуйлагч төр улс орондоо ийм гай тарьдаг байна.

Avatar

Зочин 2021-10-01 139.5.219.88

олимпийн тэмцээн бузарласан Путиний допингийн гэмт хэргийг шалгаж явсан мөрдөгчид Отгондалай луйвардуулсаныг илэрүүлсэн байна

Avatar

Зохиолч Л. Пүрэвдорж 2021-10-01 192.82.89.84

Тийм үү? Оросын төр ч даанч муухай юм хийж байсан нь баригдаж, Оросын тамирчдыг одоо Олимпд төрийнхөө талбайтай оролцох боломжгүй болгосон. Засгийн бузар ард түмэнд ийм л гай тарьдаг байна.

Avatar

Нараа 2021-10-01 202.9.46.48

Төрийн далбаа

NewsMN Гар утасны хувилбар Татах
NEWS.mn

Мэдээллийн эх сурвалж