Хятадаас 50 вагон АИ-92 автобензин нэмэлтээр орж ирнэ

Хуучирсан мэдээ: 2021.09.29-нд нийтлэгдсэн

Хятадаас 50 вагон АИ-92 автобензин нэмэлтээр орж ирнэ

Хятадаас 50 вагон АИ-92 автобензин нэмэлтээр орж ирнэ

Хятадаас есдүгээр сард багтаж гурван удаагийн ачилтаар 150 вагон нийт 8250 тонн АИ-92 автобензин импортоор орж ирэх байсан бол дахин 50 вагонаар нэмэгджээ.

Хятадын тал Монгол Улс руу АИ-92 автобензин тээвэрлэх 200 вагоныг тус улсын төмөр замын есдүгээр сарын хуваарьт нэмэлтээр оруулж, ачилт, тээвэрлэлтийг тусгай горимоор зохион байгуулж буй аж. Эхний ээлжийн 50 вагон есдүгээр сарын 26-ны өдөр, хоёр дахь ээлжийн 50 вагон энэ сарын 27-ны өдөр, гурав дахь ээлжийн 50 вагон өчигдөр буюу энэ сарын 28-ны өдөр Замын-Үүд боомтоор орж иржээ. Харин дөрөв дэх ээлжийн 50 вагон Хөх хотоос ачигдан, өнөөдөр 12:00 цагт Эрээн боомтод ирсэн мэдээллийг Уул уурхай, хүнд үйлдвэрийн яамнаас өглөө.

Хятад улсаас импортлох 724 вагон автобензинийг төмөр замын хуваарьт оруулах, төмөр замын тээвэрлэлтийг саадгүй, шуурхай гүйцэтгэх, Замын-Үүд боомтоор яаралтай татан авах асуудлаар Гадаад харилцааны яам, Зам, тээврийн хөгжлийн яам, Монгол Улсаас БНХАУ-д суугаа Элчин сайдын яам, Улаанбаатар төмөр зам, Шингэн түлш шилжүүлэн ачих байгууламж болон бусад холбогдох байгууллагуудтай хамтран, холбогдох арга хэмжээг шуурхай авч ажиллаж байгааг албаныхан мэдээллээ.

Энэ мэдээнд өгөх таны сэтгэгдэл?
4
ЗөвЗөв
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж