Өмнөд Солонгост 2025 оноос дрон такси үйлчилж эхэлнэ | News.MN

Өмнөд Солонгост 2025 оноос дрон такси үйлчилж эхэлнэ

Өмнөд Солонгост 2025 оноос дрон такси үйлчилж эхэлнэ

Өмнөд Солонгост 2025 оноос дрон такси үйлчилж эхэлнэ

Өмнөд Солонгос улсад 2025 оны сүүлээс дрон такси үйлчилж эхлэх тухай газар, дэд бүтэц, тээврийн сайд мэдээлжээ. Сөүл хотын автозамын түгжрэлийг бууруулж, хотын агаарын тээврийг хөгжүүлэх зорилгын хүрээнд такси үйлчилгээг тэнгэрт гаргах гэнэ.

Сайдын амбицлаг төлөвлөгөөний дагуу 2025 оноос жолоочгүй агаарын тээврийн үйлчилгээг нэвтрүүлэх бөгөөд 10 жилийн хугацаанд дрон таксиг хэрэглээнд бүрэн оруулах аж.

Дэлхий даяар нисгэгчгүй тээврийн хэрэгслийн хөгжүүлэлт эрэлттэй байгаа бөгөөд технологийн компаниуд энэ чиглэлд хөрөнгө оруулах нь нэмэгджээ. Улмаар нисгэгчгүй тээврийн хэрэгслийн олон улсын зах зээл 2040 он гэхэд 730 их наяд вонд хүрч өсөх тооцоог Өмнөд Солонгосын тал гаргажээ. Харин тухайн үед Өмнөд Солонгосын дотоодын зах зээл 13 их наяд вон хүрсэн байх болно хэмээн үзэж байна.

Дрон таксиг үйлчилгээнд нэвтрүүлэхийн тулд газардах, хөөрөх талбайг Сөүл хотын томоохон дүүргүүдэд байгуулах аж. Дрон такси нь 300-600 метрийн өндөрт үйлчилгээ үзүүлэх ба автомашинтай харьцуулахад зайг гурав дахин хурдан туулж, цаг хэмнэх гэнэ.

Дрон таксины анхны туршилтыг 2020 оны арваннэгдүгээр сард амжилттай туршсан аж. Тодруулбал, хоёр хүний суудалтай энэ дрон такси нь Сөүлийн төв дүүргийн дээгүүр долоон минут ниссэн байна. Тэгвэл хоёр дахь туршилтын нислэгийг Инчон олон улсын нисэх буудалд ирэх арваннэгдүгээр сард хийхээр төлөвлөжээ.

Гэвч олон улсад энэ төрлийн үйлчилгээ дөнгөж нэвтэрч эхэлж байгаа тул тогтсон стандарт, шаардлагыг боловсруулах шаардлагатай болжээ.

ЭХ СУРВАЛЖ: KOREA TIMES

Энэ мэдээнд өгөх таны сэтгэгдэл?
4
ЗөвЗөв
4
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-09-29 104.149.150.10

**** Шилдэг дотно клубт тавтай морил – – https://is.gd/f4011T

Avatar

GH 2021-09-29 49.0.142.18

Manai samarsaihan sumyabuzar nariin onoo agaariin duujin avtus heden huvitai yavagdaj baigaa ve

Avatar

Зочин 2021-09-29 66.181.161.86

Энэ дрон гэдэг чинь манайд хөгжүүлэхэд яг тохирох эд юмшиг байгаа юм даа. Хэдэн авьястай сэтгэлтэй залуус нийлээд үйлдвэр брьчихдаггүй юм байхдаа. Оюутан байхад ийм юм гарсан болоосой. Онгоц хийнэ гээд гүйж байсан хүнд юу байхавдээ..

NewsMN Гар утасны хувилбар Татах
NEWS.mn

Мэдээллийн эх сурвалж