Төлбөрийн систем жолооч нарын ачааллыг дийлэхгүй гацжээ | News.MN

Төлбөрийн систем жолооч нарын ачааллыг дийлэхгүй гацжээ

Төлбөрийн систем жолооч нарын ачааллыг дийлэхгүй гацжээ

Төлбөрийн систем жолооч нарын ачааллыг дийлэхгүй гацжээ

Зөрчил гаргасан жолооч нарын торгуулийн 50 хувийг өршөөсөн ч 22.4 хувь нь л төлбөрөө барагдуулжээ. Иргэдийн хувьд торгуулийнхаа тал хувийг төлөхөд ердөө гурав хоногийн хугацаа үлдэж байна. Энэ хугацаанд Тээврийн цагдаагийн албаны цахим хуудаст торгуультай холбоотой асуудлаар өдөрт 150-250 санал гомдол бүртгэгджээ. Тус албаны урьдчилан сэргийлэх хэлтсийн зохицуулагч, цагдаагийн ахмад Б.Зоригоогоос тодруулахад “УИХ-аас энэ оны долдугаар сарын 2-ны өдөр баталсан “Өршөөл үзүүлэх тухай” хуулийн дагуу замын хөдөлгөөний дүрэм зөрчсөн жолооч нарын торгуулийн 50 хувийг хөнгөлөхөөр болсон. Энэ шийдвэр өнгөрсөн долдугаар сараас хэрэгжиж  эхэлсэн.

Хүчинтэй хугацаа ирэх сарын 1-нд дуусгавар болох юм. Үүнээс өмнө иргэдийг торгуулийн 50 хувийг төлөхийг сануулсаар байсан ч  иргэд цагийг нь тулгах боллоо. Ниргэсэн хойно нь хашхирав гэдэг шиг бүгд л торгуулиа төлөхөө гэнэт санаж ачаалал үүсээд байна.

Улмаар банкны үйлчилгээ, аппликэйшн, торгуулийн систем ачааллаа дийлэхээ больж гацалт үүсээд байгаа юм. Нөгөө талд, иргэд торгуулиа буруу төлөх, төлбөрөө төлсөн ч торгууль нь хасагдаагүй байдаг. Ийм гомдол мэдээлэл сүүлийн үед иргэдээс маш их ирж байна. Тээврийн цагдаагийн албанаас иргэдийн төлбөрийн баримтаар  хасагдаагүй торгуулийн мэдээллийг Төрийн сан руу шилжүүлж байна. Мөн Улаанбаатар, Төрийн банк нь төрийн сантай холбогдсон. Тиймээс иргэд торгуулиа төлөхөд ямар нэгэн асуудал үүсэхгүй, мэдээллийг нь автоматаар бүртгэнэ. Харин бусад банкаар төлбөрөө төлөхөд зарим торгуулийн мэдээлэл нь хасагдаагүй учраас асуудал үүсээд байна. Хэрэв торгуулиа төлөхгүй бол татвараа төлөх, замын хөдөлгөөнд оролцох, жолооны үнэмлэх шинээр авах, автомашинаа даатгуулах, бусад үйлчилгээнүүд явуулах зэрэг бусад үйлчилгээг авахын тулд заавал торгуулиа төлсөн байхыг шаарддаг. “Өршөөл үзүүлэх тухай” хуулиар аравдугаар сарын 1 хүртэл торгуулийг 50 хувь хөнгөлсөн бол хүчинтэй хугацаа дуусвал торгуулиа бүтэн төлнө” гэлээ.

Тээврийн цагдаагийн албанаас 2017 оны долдугаар сарын 1-ээс 2021 оны зургадугаар сарын 24-ны 00:00 цаг хүртэл замын хөдөлгөөний дүрэм зөрчсөн жолооч нарын торгуулийн 50 хувийг хөнгөлж байгааг анхааруулав. Үүнээс хойшхи хугацаанд зөрчил гаргасан тохиолдолд жолооч нар торгуулиа 100 хувь барагдуулна.

Жолооч нарын хувьд торгуулийнхаа тал хувийг барагдуулахаар нэг цэгийн үйлчилгээнд дугаарлаж ачаалал үүсгээд байгаа юм. Учир нь SmartCar.mn аппликэйшн даваа гаригаас эхлэн гацаж эхэлсэн тул иргэд нэг цэгийн үйлчилгээнд торгуулиа төлж байна.

Тухайлбал, Дүнжингаравт байрлах нэг цэгийн үйлчилгээ өнөөдрийн байдлаар дөрвөн киоск машинаар жолооч нар торгуулиа төлж байгаа юм. Тус төвийн менежер “Торгуулийн төлбөрийн 50 хувийг чөлөөлөх шийдвэр аравдугаар сарын 1-ээс хүчингүй болно. Үүнээс өмнө торгуулиа барагдуулахаар иргэд урт дараалал үүсгээд байна. Өнгөрсөн долоо хоногт өдөрт дунджаар 2956 иргэн үйлчилгээ авч байсан бол өчигдрөөс  3600 хүн  үйлчлүүлж ачаалал эрс нэмэгдсэн” гэлээ.

Иргэд торгуулийн төлбөр төлөхдөө хоёр өөр дансанд тушаах юм. Үүнд:

  • Гудамж, замд замын хөдөлгөөний дүрэм зөрчсөн торгуулийг Нийслэлийн Төрийн сангийн 100 200 000 952 дугаарын дансанд,
  • Камерын зөрчил буюу хурд хэтрүүлэх, чиглэлийн тээврийн хэрэгслийн нэгдүгээр эгнээ, гэрэл дохио, уулзварын шар тэмдэглэл зэрэг цахим зөрчлийн торгуулийг Нийслэлийн Төрийн сангийн 200 200 000 985 дугаарын дансанд тушаах юм байна.

Улсын хэмжээнд нэг 1,000,083 мянган тээврийн хэрэгсэл бүртгэлтэй. Үүнээс 700 мянга орчим нь нийслэлд өдөр бүр замын хөдөлгөөнд оролцдог гэх судалгаа байна. Жолооч нарын тухайд 90 хувь нь 10 мянган төгрөгөөс найман сая хүртэлх төгрөгийн торгуультай. Иймд  УИХ-аас 2021 оны долдугаар сарын 2-ны өдөр баталсан  “Өршөөл үзүүлэх тухай”  хуулийн дагуу жолооч нарын торгуулийн 50 хувийг хөнгөлөхөөр болсон билээ.

Энэ мэдээнд өгөх таны сэтгэгдэл?
4
ТэнэглэлТэнэглэл
4
ХахаХаха
1
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

А 2021-09-28 103.229.120.71

Цахим үндэстэн болох нь зөв ш дээ. Арчаагүй монголчуудын юмыг тулсан хойно нь хийдэгийн гай. Бас хийж буй юмыг харлуулж бичдэгээ боль.

Avatar

2021 Sep 29 2021-09-28 202.179.26.21

Тарган гахайнуудын байж байгааг… Хамгийн хөнгөн, барихад хялбар Приус уначхаад гарцан дээр хүүхдийн урдуур дайраад байна, үхэл рүүгээ л яардаг бололтой чацганууд даа.

Avatar

Зочин 2021-09-28 66.181.181.73

эд нарыг хаяаач. оркууд нь ялгараад цуглачиж

Avatar

Зочин 2021-09-28 185.220.101.35

!!!!! Шилдэг дотно клубт тавтай морил – – https://is.gd/f4011T

Avatar

Зочин 2021-09-28 59.153.115.249

Цар тахлын хүнд үед ажилгүй, орлогүй болсон хүмүүс эмээч авч ууж чадахгүй байхад яажич төлхөвдээ. Хугацааг нь 2021. 12. 31 хойшлуулах хэрэгтэй. Хойшлуулахгүй бол иргэдээ даапаалж байгаа засгийн газарыг 10 сарын 1-ндэн гарч жагссаж огцруулах хэрэгтэй.

Avatar

Hursdag haltar ve 2021-09-28 192.82.85.143

h*** hen durem zorch gesin

Avatar

ммм 2021-09-28 64.119.19.118

2022.01.01 хүртэл сунгаачээ,

Avatar

1 2021-09-28 202.9.40.174

Оркуудад ямарч амьдралын төвөлөлт тооцоо гэж бхгүй.цагийг нь тулгаж байгаад л дайрна тэгээд буруугаа дандаа бусдаас хайна.

Avatar

Иргэн 2021-09-28 43.242.243.53

Сүлжээний муугаас биш байх, манайхан л болсон хойно явж, явж 10 сар дөхөөд ирэхээр л бүгд шамбааралдаж байгаа биз. Шинэ жилийн орой ч гэсэн үүрэн телефонууд гацдаг биздээ. Бусдыг л буруутгах юу байна гэж хайж явдаг, сэтгүүлч нар өөдгүй.

Avatar

Зочин 2021-09-28 103.229.122.121

Төрийн банкны салбарууд огт ажиллахгүй бна. Сүлжээ гацсан. Тог тасарсан гээд зүгээр сууцгааж бна. Зүүн 4 зам. 120 ийн салбарууд. Төрийн банкны захирлыгөөрчил. Хариуцлага тооц

Avatar

БХ 2021-09-28 202.9.46.51

Жолоочийн зөрчлийг өршөөлөлд хамруулдаг нь туйлын буруу харин улам чангатгаад эрхийг нь хасах, торгуулийг нэмэгдүүлэх хэрэгтэй шүү.

Avatar

зочин 2021-09-28 66.181.160.61

" Гэнэт сансан " биш ээ… Хайж хайж таван цаас л оллоо шдээ ..
Мөнгө гэдэг чинь , Төрийнхөн , Банкныхан хоёрд л байдаг эд юм бишүү?

Avatar

/*-*/ 2021-09-28 49.0.142.18

Мөнгө гээч чинь банкныханд байхгүй, харин МАН-аар дамжиж төрд орж ирсэн авчилгалчдад л ус цас шиг байдаг зүйл

Avatar

Зочин 2021-09-28 202.9.40.174

чи машин унаж бгаа бол тэр зэргийн зүйлээ зохицуулах чадвартай сэтгэлтэй байх ёстой.чадахгүй бол явган яв.эсьэл дүрмээ ягштал баримтал хэн ч чамайг торгохгүй.өөрийнхөө арчаагүй бдлыг бүү гайхуул

Avatar

Зочин 2021-09-28 202.126.89.178

Жолоочийн зөрчлийг өршөөлд хамруулдаг нь туйлын буруу. Автын ослоор жилд албан ёсны статистикаар 500-600 хүн нас барж байна. Зөвхөн нас барсан нь. Цаана нь эрүүл мэндээрээ хохирч тахир дутуу болсон олон мянган хүн байгаа. Энэ бол Коронагаас ч аюултай. Байдал ийм байхад эргүү төр нь өршөөгөөд л. Хэлэх муу үг олдохгүй байна..

Avatar

UNEN 2021-09-28 76.120.132.36

ЭНЭ БУРУУ ШИИДВЭР !ӨРШӨӨГӨӨД Л БАЙВАЛ ДАВРААД Л БНА ! УЛАМ ХАТУУ ЧАНГА БОЛГОХ ЁСТОЙ ! ХУУЛИЙГ ГУУЛЬ БОЛГОНО ГЭДЭГ ЭНЭ ШҮҮ ДЭЭ !ЭЦЭСТ НЬ ЭНЭ ТҮГЖРЭЛ ТА БИДНИЙ АМЬ НАС ҮҮНЭЭС ҮҮДЭЛТЭЙГ МАРТАЖ БОЛОХГҮЙ ДЭЭ ! ХЭРЭВ ЖОЛООЧ НАР БИЕ БИЕНЭЭ ХҮНДЭТГЭЖ ХӨДӨЛГӨӨНИЙН ДҮРЭМ ЗААВРЫГ БИЕЛҮҮЛДЭГ БОЛ ЭНЭ ЗАМЫН ТҮГЖРЭЛИЙН НЭЛЭЭД ХУВИЙГ БУУРУУЛНА !БАС УЛСЫН ТӨСӨВ ДЭЭР АМЬДАРДАГ ЗАМЫН ЦАГДААГ ХУУЛЬ ХЯНАЛТЫН БАЙГУУЛЛАГЫНХАА АЖЛЫГ ҮГҮЙСГЭН ДОРОМЖОЛЖ БАЙГАА ХЭРЭГ ШҮҮ ДЭЭ !ТЭГЭЭД ТЭДНЭЭС ШУДАРГА АЖИЛЛАХЫГ ШААРДАХ НЬ У

Avatar

Зочин 2021-09-28 202.9.46.51

Ёстой зөв

Avatar

ЮУН АРДЧИЛАЛ ВЭ 2021-09-28 76.120.132.36

ДӨНГӨЖ САЯ ӨЧНӨӨН ЦАГ ЗАВ ГАРГАН БИЧСЭН САНАЛЫГ АВАЛГҮЙ УСТГАЖ БАЙХ ТАНАЙ ЭЗНИЙ НИЙТЛЭЛИЙН БОДЛОГОД ТААРААГҮЙ БОЛОЛТОЙ ДАХИН САНАЛ ОНОЛ БҮҮ БИЧ ТА НАР ЖИНХЭНЭ ЦЕНЗУРДЭЖ АЖИЛЛАДАГ БОЛОЛТОЙ

Avatar

Зочин 2021-09-28 66.181.161.8

Үндсэндээ 3 өгүүлбэрт багтаахаар мэдээг яасан ч их нуршиж, давтаж бичдэг юм бэ дээ??

Avatar

Хугацаагаа 12 сарын 31 хүртэл сунгаачээ 2021-09-28 103.212.117.91

Хугацаагаа 12 сарын 31 хүртэл сунгаачээ. Хөдөө гадаа ажиллаж байгаа мөнгөгүй боломжгүй иргэд олон байна

Avatar

Сэтгэгдэл оруулаагүй байхад news.mn хязгаар тавихаа болиорой 2021-09-28 43.242.243.56

Төрийн банкны гялс банкаар гялс төлсөн шүү. Торгууль төлөх цэсээр. Оочерлож байгаа хүмүүст 1000 төгрөгөөр үйлчилгээ үзүүлдэг юм билүү

Avatar

Зочин 2021-09-28 66.181.161.78

Өдөрт 600 хэрэглэгч нэмэгдэнгүүт гацаж эхлэдэг гэж үү. Яаж төлөвлөж хийдэг бна аа

Avatar

Зочин 2021-09-28 150.129.143.22

Тэнэг хууль гаргана. Жишээ нь, 7-р сард багтаан төлбөл 70%, 8 сард бол 60%, 9 сард багтаавал 50%, 10сард багтаан төлвөл 40% хөнгөлнө зэргээр хийсэн бол болох л байлаа

Avatar

Zochin 2021-09-28 202.126.89.83

Цахим Үндэстэн шүү дээ 🙂

Avatar

Зочин 2021-09-28 66.181.179.146

Ковидын үндэстэн болоод удаж байна. Цахим ЕС баярлалаа.

NewsMN Гар утасны хувилбар Татах
NEWS.mn

Мэдээллийн эх сурвалж