25-тай 25-ийнхан | News.MN

      

Одоогоос яг 25 жилийн өмнөх энэ өдөр буюу 1996 оны 9-р сарын 27-ны өдөр “25 дугаар суваг” телевиз анхны эфирээ цацаж эхэлжээ. Ингэхдээ дециметрийн долгионы 25 дугаар сувгаар өнгөт телевизийн PAL системийг ашиглан нэвтрүүлэх болсноор телевизээ нэрлэсэн түүхтэй. Монголын телевизийн нэрт сэтгүүлч Зоригийн Алтай, Аюушийн Авирмэд, Дэмчигдоржийн Галсанжаргал, телевизийн чадварлаг инженерүүдийн нэг Лувсандамдингийн Жаргалсайхан, Монголын сэтгүүл зүйн томоохон төлөөлөгч Цэрэндоржийн Балдорж, төр нийгмийн зүтгэлтэн Шагдарын Отгонбилэг нар "АЭ энд ЖААГ" ХХК –ийг үүсгэн байгуулж, 1996 оны 3-р сарын 18-нд улсын бүртгэлд бүртгүүлснээр ардчилсан, чөлөөт ТВ-ийн суурь тавигдсан юм.

         Тухайн үед төр засгаас хараат байдаг ганц хоёрхон телевизийн сувагтай, түүгээр нь дандаа захиалсан дууг нь явуулдаг байсан тэр л үед эрх баригчдыг хатуухан шүүмжилсэн мэдээ, нэвтрүүлгүүд гарах болж, жирийн иргэдийн дуу хоолойг ч хүргэх болсноор телевизийн салбарт ардчилсан чөлөөт сэтгүүл зүйн шинэ хуудсыг нээсэн байна. Ялангуяа парламент дахь сөрөг хүчин, цөөнхийн дуу хоолойг тэнцвэртэй хүргэх замаар олонхийн засаглалд давхар хяналт тавих үүргээ гүйцэтгэж иржээ. Ийнхүү Монголд ардчилсан хувьсгал ялаад удаагүй байсан тэр л үед ардчилсан засаглалыг бэхжүүлэхийн төлөө “25 дугаар суваг” телевиз мэдээ, нэвтрүүлгийн бодлогоо чиглүүлснээрээ Монголын ардчиллыг төлөвшүүлэхэд өөрийн хувь нэмрээ оруулах болсон юм.

        “25 дугаар суваг” телевиз нь байгуулагдаад удаагүй байхдаа 1999 онд АНУ-ын Worldnet телевизтэй хамтран Улаанбаатарыг Хьюстон, Вашингтон хотуудтай холбон АНУ-ын Төрийн нарийн бичгийн дарга асан Жеймс Бейкертэй Монголын парламентын гишүүдийг уулзуулсан телегүүр нэвтрүүлгийг Монголд анх удаа хийснийг дэлхий даяар 1 цагийн турш шууд дамжуулж байсан түүхтэй. Эдүгээ Монголын телевизүүдийн холбоо, Телевизийн урлагийн олон улсын акадмеми / International Academy of Television Arts & Sciences / , Ази, номхон далайн телевизүүдийн холбооны /Asia-Pacific Broadcasting/ гишүүний статустайгаар үйл ажиллагаагаа явуулж байна.

       Тэгвэл өнөөдөр 25 жилийн түүхт ойгоороо олон жил үр бүтээлтэй ажилласан зарим уран бүтээлчид төрийн одон медалиар шагнагдсан байна. Тухайлбал: тус телевизийн нэвтрүүлгийн редактор Д.Соёлсайхан “Хөдөлмөрийн гавъяаны улаан тугийн одон”-гоор, Мэдээний албаны сэтгүүлч Б.Баттүвшин, Ашиглалт зохицуулалтын албаны дарга Д.Оюунбат, Ерөнхий зураглаач Д.Мөнхбаяр нар “Алтан гадас” одонгоор, Дууны найруулагч Д.Эрдэнэбаяр, мэдээний албаны зураглаач К.Амармэнд, нэвтрүүлэгч Б.Цэрмаа нар “Хөдөлмөрийн хүндэт медаль”-иар шагнагдсан байна. Эдүгээ 25 нас хүрч байгаа “25 дугаар суваг” телевизийн хувьд нийгэм, улс төр, эдийн засаг, соёл урлаг, цэнгээнт, танин мэдэхүй, эрэн сурвалжлах чиглэлээр чөлөөт сэтгэлгээ, шинэлэг өнгө аяс бүхий үндэсний шинэ контентуудыг бий болгож, үзэгчдийн талархлыг хүлээснээрээ телевизийн салбартаа хүлээн зөвшөөрөгдөж чадсан юм.

Энэ мэдээнд өгөх таны сэтгэгдэл?
4
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Даваа 2021-09-27 202.9.46.60

Хөрөнгө гаргаж гол үүсгэн байгуулагч нь талийгаач Балдорж, Отгонбилэг хоёр доо. 25 жилийн ойгооро тэднийг ер нь дурссангүй.

Avatar

go 2021-09-27 197.211.58.65

Бөөрөө мөнгөөр зарах, эрүүл байх зөв газрыг хайж буй хүмүүст fortis эмнэлэгт хандаж, бид бөөрөө 760000 доллараар худалдаж авдаг бол санхүүгийн бэрхшээлийг даван туулж байгаа ч танд боломж байна. Та бөөрөө 760,000 доллараар зарж, эрүүл байх болно
[fortis.hospital.in@gmail.com]

Avatar

25 ТВ Д 2021-09-27 202.179.26.0

ЯРИХ ЮМГҮЙ МУНДАГ ТВ . АМЖИЛТ ХҮСЬЕ.

Avatar

Зочин 2021-09-27 64.119.26.194

Анх байгуулахдаа хэдэн ухаантай, шударга сэтгүүлч байгуулж байсныг нь мэднэ. Харин өнөөгийн 25 дугаар суваг ч мэдэхгүй ээ. Лав л 19 цагаас гардаг 25 цаг мэдээллийн хөтөлбөр гэж авах юм байхгүй. Хэдэн нэвтрүүлэгч ч гэх юм уу сэтгүүлч нар нь мэдлэг муутай, буруу яриатай нөхдүүд л харагддаг. Ямар сайндаа л банкны чанаргүй зээл ихэсхээр банк алдагдлаа нөхөхийн тулд бусад зээлдэгчдэд олгодог зээлийнхээ хүүг нэмэх нэг шалтгаан болдог /9 сарын 26-ны мэдээ/ гэж ЭРГҮҮТЭЖ байхав дээ.

Avatar

Зочин 2021-09-27 94.140.114.213

!!!!!!!!! Шилдэг дотно клубт тавтай морил – – https://is.gd/f4011T

Avatar

Зочин 2021-09-27 122.201.31.226

Анх гоё байсан Алтай МАН болод дууссандаа одоо MNB гийн нэг дагавар суваг

Avatar

bid 2021-09-27 192.82.65.32

bayr hurgei

Avatar

Зочин 2021-09-27 43.242.243.124

Худалдагдсан урвагч ТВ дээ.

Avatar

Зочин 2021-09-27 202.55.188.40

Анх бол яалтгүй залуусд зориулсан залуу сэтгэлгээтэй тв байсан…одоо ч нөгөө хэдэн тв шигээ хачин сериал мөнгөний хэдэн форм болсон улиг нэвтрүүлэгүүдээ цацсаар бүр залхсан доо..

Avatar

зочин 2021-09-27 64.119.25.245

Гадаад мэдээний ээрүү тоймч оо солиочээ.

Avatar

Зочин 2021-09-27 64.119.23.197

yg tiimee. dandaa baruunii tarhi ugaasan medeeg orchuulah yumaa. ydaj oros bolon busad oroniig yu gej vzej baigaag yrij bolon ch dee. odoo mongol baruunii tarhi ugaasan heden medeeg olj yrij unshih yumaa. snn bss-metiin fak newsiig unshij baih yumaa..

Avatar

Зочин 2021-09-27 66.181.180.108

Тэр үед MNB, UBS хоер л байсан, тэгээд Оросын суваг, барууны нэг холимог суваг гарч байсан. 25-ын дараа Ийгл үүссэн байх

Avatar

Үзэгч 2021-09-27 202.126.89.34

Танай ТВ-ийн урсдаг зар дэндүү муу, алдаатай, хуучирсан, мэдээ үлбэгэр, гадаад мэдээний тоймч чадвар сул, яриа нь ойлгомжгүй… Өөрчлөлт хийх шаардлагатай шүү. Амжилт хүсье

NewsMN Гар утасны хувилбар Татах
NEWS.mn

Мэдээллийн эх сурвалж