Сурвалжлага: Орон сууцны үнэ улам өсч байна! | News.MN

Сурвалжлага: Орон сууцны үнэ улам өсч байна!

Сурвалжлага: Орон сууцны үнэ улам өсч байна!

Сурвалжлага: Орон сууцны үнэ улам өсч байна!

Байрны зар, үл хөдлөхийн реклам зар сурталчилгаа намрын энэ үед оргилдоо хүрдэг. Хурим найр, хичээл сургуулийн улирал эхэлсэн тул шинэ, хуучин байрны үнэ тэнгэрт хаддаг гэмтэй. Энэ жилийн хувьд урьд урьдынхаасаа улам үнэтэй болжээ. Энэ нь цар тахал, ачаа тээврийн гацалт, шатахууны үнэ гээд олон хүчин зүйлсээс шалтгаалж байгааг борлуулагчид онцолж байлаа.

Өнгөрсөн оны есдүгээр сард метр квадрат нь 2.4-2.5 сая төгрөг байсан шинэ оролн сууцны үнэ даруй 200 мянган төгрөгөөр нэмэгджээ.

Энэ мэтээр иргэдийн эрэлт их байгаагийн хажуугаар Замын-Үүдээр дамжин орж ирэх ёстой барилгын материалын гацаа байрны үнэ хөөрөгдөлтөнд шууд нөлөөлж байна.

Шинэ орон сууцны үнэ ханшийн мэдээлэл:

2021 оны 9-р сар2021 оны 8-р сар2020 оны 9-р сар
Elizabeth хотхон 3-р ээлж – мкв нь 2.7 сая ₮Elizabeth хотхон 3-р ээлж – мкв нь 2.5-2.7 сая ₮Elizabeth хотхон 3-р ээлж – мкв нь 2.450-2.550 сая ₮
National Park Town – мкв нь 3.5-3.8 сая ₮National Park Town – мкв нь 3.5 сая ₮National Park Town – мкв нь 2.750-3.0 сая ₮
Vega city – мкв нь 5.5 саяVega city – мкв нь 4.5-5.9 саяVega city – мкв нь 4.2 сая
Seoul Garden – мкв нь 2.480-3.180 сая ₮Seoul Garden – мкв нь 2.480-3.180 сая ₮Seoul Garden – мкв нь 1.990-2.480 сая ₮
Сутай хотхон – мкв нь 1.650-1.9 сая ₮Сутай хотхон – мкв нь 1.5 – 1.850 сая ₮
Алтай хотхон V ээлж – мкв нь 2.7 сая ₮Алтай хотхон V ээлж – мкв нь 2.7 сая ₮Алтай хотхон(ашиглалтанд орсон) – 2.0-2.2 сая ₮
Үйлчилгээтэй 100 айлын орон сууц – мкв нь 2.4 сая ₮Үйлчилгээтэй 100 айлын орон сууц – мкв нь 2.4 сая ₮Үйлчилгээтэй 100 айлын орон сууц – мкв нь 2.0-2.2 сая ₮

"БАРИЛГЫН МАТЕРИАЛЫН ҮНЭ НЭМЭГДСЭН "

Дээрх хүснэгтээс жишээ авахад, Үндэсний цэцэрлэгт хүрээлэнгийн дэргэд сүндэрлэсэн "National Park Town"-ийн мкв-ын үнэ нэг жилийн дотор нэг сая төгрөгөөр нэмэгджээ. Энэ талаар тус хотхоны борлуулалтын албаны менежер Ц.Жаргалаас тодруулсан юм. Тэрбээр ярихдаа “Манайх ашиглалтанд орсон тул үнэ нэмэгдсэн. Мөн барилгын материалын үнэ нэмэгдсэн шүү дээ. Арматур тэргүүтэй урд хөршөөс орж ирдэг ихэнхи барилгын материалын үнэ нэмэгдсэн. Манай төсөл дуусч байгаа учир цаашдаа үнэ нэмэгдэхгүй. Харин урд талд нь тауэр баригдана. Одоогоор мкв нь 5.5 сая гэж байгаа. Тауэрын үнэ нэмэгдэх байх шүү” гэв.

Түүний хэлснээр үнэхээр л барилгын материалын үнийн өсөлт мкв-ын үнэд нөлөөлжээ.

Барилгын материалын үнэ ханшийн мэдээлэл:

2021 оны 9-р сар

2021 оны 8-р сар

2020 оны 9-р сар

Арматур 10мм – 1тн нь 3.1 сая ₮Арматур 10мм – 1тн нь 3.1 сая ₮Арматур 10мм – 1тн нь 1.7 сая ₮
Катанка 8мм боодол – 1 тн нь 3.050 сая ₮Катанка 8мм боодол – 1 тн нь 3.050 сая ₮Катанка 8мм боодол – 1 тн нь 1.680 сая ₮
Цемент 42.5 – савтай нь 204,050 ₮ /НӨАТ-тэй/Цемент 42.5 – савтай нь 204,050 ₮ /НӨАТ-тэй/Портландцемент ОРС 42.5 – үйлдвэрийн үнэ ууттай 189,000-195,600 ₮
Дайрга 5-10мм – м3 нь 22,500 ₮Дайрга 5-10мм – м3 нь 22,500 ₮Дайрга 5-10 – м3 нь 10,000 ₮
Өнгөлгөөний тоосго/орос/ – 1 ширхэг нь 1,200-1,710 ₮Өнгөлгөөний тоосго/орос/ – 1 ширхэг нь 1,200-1,710 ₮Өнгөлгөөний тоосго/орос/ – 1 ширхэг нь 1,120-1,590 ₮
Банз/4см/ м3 /30ш/ 4м – 580,000 ₮Банз/4см/ м3 /30ш/ 4м – 330,000 ₮

"БАЙРНЫ ҮНЭ БУУРАХГҮЙ"

Энэ удаад хотын төвөөс зайтай нисэхийн төв зам дагуу Чингис хаан онгоцны буудлын замын эсрэг талд байрлах Дулаахан байр хотхоны борлуулалтын албатай холбогдлоо. Твин Хаус Констркашн ХХК-ийн борлуулалтын Ахлах менежер О.Ням-Очир мөн л ширхэг хадаасны үнэ ч нэмэгдсэн гэдгийг онцолж, мкв-ын үнэ барилгад орж буй материалын үнээс шууд хамааралтай гэдгийг хэлэв. Тэрбээр “Цаашдаа байрны үнэ нэмэгдэх хандлагатай байна. Дараа жил гэхэд илүү өндөр үнэ тогтоож магадгүй. Энэ жилийн харахад одоо тогтоосон үнэ дээрээ л дуусна. Байрны эрэлт хавар болон өдийд эхэлдэг. Цагаан сарын өмнө шинэ байранд орох хүсэлтэй хүмүүс олширдог. Харин өдийд есөөс арванхоёрдугаар сар хүртэл хүйтний улиралд багтаад дулаахан байранд орох гэсэн иргэд их байдаг” гэлээ.

Дулаахан байр хотхон нь дундаж давхаргын иргэд зориулагдсан бөгөөд 100 хувийн төлөлттэй мкв нь 2.5 сая, урьдчилгаа 30 хувиа төлвөл мкв нь 3 сая аж.

“Манайх дундаж зах зээлийн барилга. Нийт хүн амын 60-70 хувь нь энэ зах зээлд багтдаг. Эдгээр хүмүүсийн ихэнхи нь түрээсийн байранд, гэр хороололд эсвэл хадмынхаа амьдардаг найман хувийн зээлд хамрагдах хүсэлтэй иргэд байдаг. Нийгмийн даатгал төлөөд цалин авдаг ч 8 хувийн зээлд хамрагдах шаардлагыг хангадаггүй. Уг нь энэ зээлээр байртай болох гол хүмүүс нь шүү дээ . Иргэд яаж зүтгэж, ямар их цаг хугацааг зарцуулж байртай болдгийг нь борлуулалтын албанд ажиллаж байгаа хүмүүс мэднэ дээ” гэж О.Ням-Очир ярив.

"БАРИЛГЫН МАТЕРИАЛЫН ҮНЭ НЭМЭГДВЭЛ МАНАЙ ҮНЭ ДАГААД Л НЭМЭГДЭНЭ"

Нийслэлийн шинэ суурьшлын бүс болж буй Нисэх, Яармагт баригдаж буй орон сууцнуудтай харьцуулахад Гэмтэл, Саппоро, Хорооллын эцсийн шинэ, хуучин орон сууцнууд харьцангуй хямд үнэтэй байна. Гэмтлийн эмнэлгийн автобусны буудлын ард байрлах Шинэ хорооллын борлуулалтын менежер Б.Даваадуламтай холбогдоход дараах зүйлийг ярив.

“Урьдчилсан захиалга нь хувь лизингтэй. Мкв нь урьдчилгаа хэдэн хувь өгөхөөс хамаарна. 2022 оны дөрөвдүгээр улиралд ашиглалтанд орох зургадугаар ээлжийн байрандаа түлхүү захиалга авч байна. Урьдчилгаа 20 хувь төлвөл мкв нь 2,150,000₮, 30 хувь төлвөл 2,050,000₮, 100 хувь төлвөл 1.6 сая гэж байгаа. 26 сарын хувь лизингтэй, орлого нотлох шаардлагагүй. Барилгын материалын үнэ нэмэгдвэл манай үнэ дагаад л нэмэгдэнэ. Тэгэхгүй бол манайх ажлаа үргэлжлүүлэн явуулж чадахгүй байх хэмжээнд хүрнэ. Тийм болохоор өсөхөөс сонголтгүй. Мкв-ын үнэ өмнөх оныхоос 200-300 мянгаар нэмэгдсэн шүү. Хүмүүс ихэвчлэн 100 хувь төлөлт хийж байна" гэж ярилаа.

Энэ мэдээнд өгөх таны сэтгэгдэл?
8
ТэнэглэлТэнэглэл
2
ХахаХаха
1
ЗөвЗөв
1
ХөөрхөнХөөрхөн
1
ХарамсалтайХарамсалтай
1
БурууБуруу
0
ГайхмаарГайхмаар
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Захиалагч 2021-09-27 66.181.161.100

Golconda-1, 2, 3, 4 apartment-ийнхэн луйвар хийж байна. Барилгаа хэргээр он дамжуулж хийсэн гэрээгээ цуцлаж байраа үнэ хүргэх муу арга хэрэглэж олон захиалагчдаа залилж шулж байна.Тэгсэн мөрт мөнгийг нь ч өгөхгүй байна. Бодимарал гэгч 91 оны нэг хүүхэн ямар луйварчны гар хөл болж иргэдийг цусалж байгаа бол. Гай болмор.

Avatar

Зочин 2021-09-27 198.96.155.3

==== Шилдэг дотно клубт тавтай морил – – https://is.gd/f4011T

Avatar

Зочин 2021-09-27 202.179.26.155

энд бичсэн хүмүүсийг харвал зайлуул яаж нэг байртай болъё доо гэж өдрийн бодол шөнийн зүүд. амаараа л зайлуул сэтгэгдэл дээр байртай хүнийг үзэн ядаж яаж нэг үнэгүй байртай болъё доо гэсэн гэсэн тачаалаа дарах юм даа зайлуул

Avatar

Иргэн 2021-09-27 202.126.88.69

Битгий шаагаад ыайгаарай. Ноднин ковидоос өмнө баригдсан барилгууд дунджаар м2 2300 байсан. Зуучлагч нэртээ хувалзууд дунд нь үнийн хөөсрөл үүсгэж байгаа.

Avatar

энхболд 2021-09-27 49.0.154.230

нэмэгдээд яахав дээ хэн худалдаж аваад байгаа юм худлаа өөрсдийгөө хуурсан мэдэгдэл хийж азаа үздэг юм уу хаашаа юм ха ах

Avatar

Зочин 2021-09-27 203.91.115.43

Газар хөдлөлтийн тоо жилдээ маш ихээр нэмэгдэж маш их эрсдэлтэй энэ үeд байр хэрэгүй Хашаа байшин гэр л аминд орно шүү Одоо эрдэмтэд төв азид маш хүчтэй газар хөдөлж болзошгүй талаар ярьж байна

Avatar

Зочин 2021-09-27 202.131.236.18

Худлаа хөөсрөл. 3 сарын өмнө зар дээр байсан байрнууд байж л байна. Хүн авахгүй юм чинь яахын. Тэгсэн одоо үнэ нь бууж байнлээ. 6% гарахгүй гарсан ч аймар удаан. Ийм өндөр үнээр хэн байрнуудыг авах юм.

Avatar

Зочин 2021-09-27 202.55.188.91

Bair ashiglaltand orson tsagaasaa maraliin elegdeld ordog ul hudlih yumaa, getel gazar bol elegdeld orno gej baihgui hezee ch unee aldahgui ul hudluh yum

Avatar

Зочин 2021-09-27 180.149.93.98

Угаасаа худалдан авах чадвараа дагаад буурна л даа. Тэгээд хурдан зарахгүй байлгаад байвал урсгал зардалдаа шатна

Avatar

zochin 2021-09-27 202.70.34.70

Энд мянга суртачлаад авахгүй дээ. Хүмүүс хямдрахыг нь хүлээнэ. Өвөл ч болж хэлэх үү.

Avatar

Зочин 2021-09-27 103.57.94.178

Хэн авахав дээ. Тэгээд хог болоод хэвтэж бай

Avatar

Зочин 2021-09-27 64.119.24.234

Худалдан авагч байхгүй бол яах юм?
6% зээл багассан.
Дампуурал уу

Avatar

Зочин 2021-09-27 103.136.254.8

БАЙРНЫ ҮНЭ ОДОО БУУРАХ ХАНДЛАГА ОРООД ИРСЭН ШҮҮ. 6 ХУВЬ ЗОГСОЖ БН. УЛС ДАХИН САНХҮЖҮҮЛЭХ МӨНГӨГҮЙ БОЛСОН.

Avatar

Зочин 2021-09-27 43.250.126.90

бууж бна лээ шд

Avatar

Irgen 2021-09-27 150.129.141.14

Unee dagaad chanartao bol bas yah ve. Zarim ni ch de.

Avatar

зочин 2021-09-27 139.5.218.133

Газрын зовшооролын хахуульд огсон монго унийн хэдэн хувийг эзлэж байгааг тодорхой хэлэх хэрэгтэй.Гэтэл авсан огсон хоеул шийтгуулэх хуультай.

Avatar

иргэн 2021-09-27 76.107.165.63

Төгрөг эмиссээр гаргаад тараагаад байвал бүх юмны үнэ нэмэгдэнэ. Одоо наад ковидын хийрхлээ зогсоож ажил амьдралаа бодоцгоо.

Avatar

зочин 2021-09-27 112.72.2.187

хийрхэлийг харин эмх замбараагүй бодлоггүй шийдвэр гаргадаг засгийн газар л гаргаж байгаа бх шүү

NewsMN Гар утасны хувилбар Татах
NEWS.mn

Мэдээллийн эх сурвалж