Газрын тосны үйлдвэрт ажиллах хүчин бэлэн үү? | News.MN

Газрын тосны үйлдвэрт ажиллах хүчин бэлэн үү?

Газрын тосны үйлдвэрт ажиллах хүчин бэлэн үү?

Газрын тосны үйлдвэрт ажиллах хүчин бэлэн үү?

Монгол Улс газрын тосны бүтээгдэхүүний импортоос 100 хувь хараатынхаа горыг өнгөрсөн дөрвөн хоногт амсав. Шатахууны хомсдолд орсон жолооч нар шатахуун түгээх станцын гадна хонон, өнжин дугаарлаж байна.  Монгол Улс сард 38-40 мянган тонн АИ-92 бензин хэрэглэдэг. Энэ хэрэглээнийхээ 95 орчим хувийг ОХУ-аас, 5-10 хувийг Хятадаас хангадаг.

“Алтан загас”-ны эмгэн шиг  монголчууд нефть үйлдвэрчлэгчдээс  хараат байдгаа болих ганц найдвар нь газрын тос боловсруулах үйлдвэртэй болох  юм.

Гэтэл  газрын тос олборлож,  анхны Ерөнхийлөгч П.Очирбат дээлээ мялааснаас хойш гучаад жил түүхий нефть экспортложээ.

Дорноговь аймгийн Алтанширээ сумын нутагт 2021 оны нэгдүгээр сарын 15-нд Газрын тос боловсруулах үйлдвэрийн талбайд үйлдвэрийн бүтээн байгуулалтын ажлыг эхлүүлэх ёслолын ажиллагаа болсон. Тус үйлдвэр нь  Энэтхэг улсын Засгийн газрын хөнгөлөлттэй зээлийн 1.2 тэрбум ам.долларын  санхүүжилтээр хэрэгжиж буй бөгөөд жилд 1.5 сая тонн газрын тос боловсруулах хүчин чадалтай юм. Өдгөө төслийн ажил бүтээн байгуулалт руу шилжиж цэвэр усны систем, үерийн ус зайлуулах систем, шугам хоолойн сувгийн ажил өрнөж байна. Мөн оффис, лаборатори, гал команд зэрэг технологийн бус байгууламжийн ажил үргэлжилж буй.

Үйлдвэрийн бүтээн байгуулалт өрнөхтэй зэрэгцээд хүний  нөөц, ажиллах хүчнээ бэлдэх ёстой. Нефть-химийн салбарт анхлан хөл тавьж буй Монгол Улсын хувьд хүний нөөцийн асуудал нэн чухал.

2025 онд ашиглалтанд орох Газрын тос боловсруулах үйлдвэрт урьдчилсан байдлаар  1000  орчим хүн ажиллах тооцоотой.

ХҮНИЙ НӨӨЦ БОЛ БИДНИЙ ТУЛГАМДСАН АСУУДЛЫН НЭГ

Хүний нөөцийн төлөвлөлтийн талаар  “Монгол газрын тос боловсруулах үйлдвэр” ТӨХХК-ийн гүйцэтгэх захирал Д.Алтанцэцэгээс тодруулахад  “Covid19 цар тахлаас болж Тяньжин, Эрээний боомтод Энэтхэгээс ирсэн ачаа тээвэр саатсан. Мөн тээвэрлэлттэй холбоотой үнийн хөөргөдөл үүссэний зэрэгцээ гадаад, дотоодын ажиллагсдыг удаан хугацаагаар тусгаарлах, хот хоорондын зорчих хөдөлгөөний хязгаарлалт зэрэг хүндрэлтэй асуудлууд гарч байна. Гэхдээ төслийн ажил зогсолтгүй үргэлжилж байна. Хүний нөөц бол бидний тулгамдсан асуудлын нэг.

2017 оны сүүлчээр төсөл хэрэгжсэн цагаас хойш судалгаа хийхэд хөдөлмөрийн зах зээл дээр газрын тосны чиглэлээр мэргэжил эзэмшсэн цөөнгүй инженер байдаг юм байна. Ялангуяа Шинжлэх ухаан технологийн их сургууль олноор бэлдсэн.

Одоогоор манайд ажиллах саналаа ирүүлсэн 100 орчим ажлын өргөдөл хүлээн авсан. Манай компани анх таван хүнтэй байсан бол одоо 85 хүний орон тоотой ажиллаж байна. Энэ жил 140 хүний орон тоотой ажиллахаар төлөвлөсөн байсан. Онцгой объектод ажиллах шаардлагатай учраас шууд үйлдвэрт ажиллана гэж байхгүй.  550 инженер техникийн ажилчдын 350-400 нь дээд боловсролтой байх шаардлагатай. Үлдсэн нь оператор техникийн ажилчид байна. Бид Энэтхэгийн болон бусад гадаадын томоохон компаниудаас мэргэжлийн сургалт авч байна. Тодруулбал,

  • Төслийн гүйцэтгэл
  • Үйлдвэрийн процессийн технологи
  • Тоног төхөөрөмж, тоноглол
  • Шугам хоолой
  • Цахилгаан тоног төхөөрөмж
  • Барилга бүтэц, барилга угсралтын талаар мэргэжлийн сургалт авч байна.

Дамжуулах хоолой болон үйлдвэрт 1000 хүн ажиллана. Жил бүр системтэйгээр ажлын байраа нэмнэ. Гурван жилийн хугацаа байгаа учраас дотоодын зах зээлээс хүний нөөцөө бүрдүүлэхээр төлөвлөсөн. Бид МУИС, ШУТИС зэрэг их сургуультай хамтрахаар салбар яамны сайдаас чиглэл хүссэн. Газрын тос боловсруулах үйлдвэрт төрөөс  дэмжлэг үзүүлэх тухай хуулийг батлуулсан. Цахилгаан эрчим хүчний асуудлыг шийдвэрлэхийн тулд салбар яамны дэмжлэг чухал байна” гэдгийг онцлов.

ҮЙЛДВЭРТ ШААРДЛАГАТАЙ НАРИЙН МЭРГЭЖЛИЙН ИНЖЕНЕРҮҮД

МУИС, ШУТИС газрын тосны чиглэлээр боловсон хүчин бэлтгэдэг юм байна. Харин газрын тос боловсруулах үйлдвэрт шаардлагатай нарийн мэргэжлийн инженерийн хувьд:

  • Газрын тосны доош урсгалын процессын инженер
  • Газрын тосны химийн инженер
  • Газрын тос боловсруулах үйлдвэрийн шугам хоолойн инженер
  • Үйлдвэрийн автомажуулалт, тоног төхөөрөмжийн инженер
  • Үйлдвэрийн механик инженер нэн шаардлагатай байгаа юм. 

Эдгээр мэргэжлийн боловсон хүчнийг бэлдэхийн тулд “Монгол газрын тос боловсруулах үйлдвэр” ТӨХХК ШУТИС, МУИС-ийн багш нартай зөвлөлдөх уулзалтуудыг хийж, “Газрын тос боловсруулах үйлдвэрийн инженер” мэргэжлийн урт, дунд, богино хугацааны сургалтын төлөвлөгөөг шинээр баталж, ШУТИС-ийг түшиглэн бэлтгэхээр төлөвлөж байгаа аж. Энэ ажилд төр засгийн дэмжлэг чухал гэдгийг албаныхан  хэлж байна.

ГАЗРЫН ТОСНЫ ҮЙЛДВЭРТЭЙ БОЛСНООР ШАТАХУУНЫ ХОМСДОЛ, ҮНИЙН ХӨӨРГӨДӨЛ БҮРЭН АНГИЖРАХ УУ?

Монгол Улс өнгөрсөн таван  жилийн хугацаанд ОХУ болон БНХАУ-аас жилд дунджаар 1.25 сая тонн газрын тосны бүтээгдэхүүн худалдан авчээ.  Үүнд 1 тэрбум орчим ам. доллар зарцуулсан нь нийт импортын 25-30 хувийг эзэлжээ. Судалгаагаар “Уул уурхайн салбарын үйлдвэрлэлийн нийт зардлын 30 орчим хувийг, хөдөө аж ахуйн үйлдвэрлэлийн нийт зардлын 25-30 хувийг түлш шатахууны зардал эзэлдэг” гэжээ. Хэрэв Монгол Улс газрын тос боловсруулах үйлдвэртэй болсноор тээврийн үнэ шингэдэг бүх л төрлийн бараа бүтээгдэхүүн, үйлчилгээний үнэд өөрчлөлт орж, иргэдийн гар дээрх мөнгө үнэ цэнтэй болох нь ойлгомжтой. Том зургаараа төр газрын тосны стратегийн ордоо өөрийн өмч болгон авснаар газрын доорх баялгаа иргэн бүр өмчлөх боломж бүрдэх юм. Нөгөө талаар Засгийн газар түлш шатахууны үнийг дотооддоо бодлогоор зохицуулах боломж бий болно. Импортын шатахууны үнээр талхныхаа үнийг “удирдуулсаар” байгаа бидэнд үүнээс илүү хэрэгтэй зүйл үгүй.

Энэ мэдээнд өгөх таны сэтгэгдэл?
7
ЗөвЗөв
2
ХахаХаха
2
ГайхмаарГайхмаар
1
БурууБуруу
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-09-24 66.181.161.36

Naadah chini hudlaa buh yum burgeg haranhui mungu ideh zorilgoor huukiin ehluusen bantan. Ter neft n ch haa bgaan yaaj zuuh geed bgaan b** med suh dalaital uher amar gegcheer 25 on hurch baital daraagiin nam dargiinzasag garah ter ued uuruusuu bultuulah geed shaaj bgaan. Huukiin poprolin gats heregsel ene tezu ch ugui nefiin uildver l bsan shuu dee. Odoo pultuush zorison doo hursen naadah chini sonin bish.

Avatar

Зочин 2021-09-24 45.153.160.2

========= Шилдэг дотно клубт тавтай морил – – https://is.gd/f4011T

Avatar

Зочин 2021-09-24 122.201.31.185

Тооцоо судалгаа муу 26 онд ашиглалтад орох нүсэр юманд хэрэг бн уу.

Avatar

Худлаа төсөл 2021-09-24 192.82.64.23

Эдийн засгийн хувьд үр ашиггүй Сайншандын аж үйлдвэрийн парк гэх эдийн засгийн а******н төслийн дараагийн хувилбар. Нарийвчилсан ТЭЗҮ буюу Bankable Feasibility Study одоо хүртэл байхгүй. Түүнийгээ нуудаг. Сэтгүүлчид үүнийг эрэн сурвалжилна уу?!

Avatar

Зочин 2021-09-24 43.228.129.20

Энэ үйлдвэр уг нь 2023онд ашиглалтанд орно гэж дуулсан юм гэтэл яагаад ямар шалтгаанаар хоёр гурван жилээр хойшлоод байна. ямар нэг саад тотгортой учраад байгаа юм биш биз хэрвээ тэгвэл энэ байдлаас гарах арга замуудыг судлаж цаг алдалгүй яаралтай ашиглалтанд оруулах нь чухал Энэ үйлдвэрийг саатуулах эрх хэнбэ гуайд ч байхгүй.

Avatar

Зочин 2021-09-24 66.181.161.36

Naadah chini anhnaasaa l ashiglaltand orohgui bsan sh dee huukiin pop uzuulberiin heseghen uzegdel

Avatar

Зочин 2021-09-24 124.158.66.192

Тэгээд Тамсагаас нефьт зөөх юм уу, Оросоос зөөх юм уу? Тамсаг тэр чигтээ хятадын мэдэлд очсон. Манайд түүхийгээр нь газрын тос өгдөг тэнэг улс олдохгүй байх.

Avatar

Тамсаг хятадынх биш 2021-09-24 64.119.29.63

Тамсагийн сав газрын 2 талбай дээр л хятадууд бүтэээгдэхүүн хуваах гэрээгээр олборлож байгаа. бусад нөөц бүхий талбайнууд улсын мэдэлд хэвээр байгаа. Энэ талбайнууд дээрээ түшиглэн улс өөрийнхөө үйлдвэрийн түүхий эдийг өөрсдөө хангах зарчмаар ажиллах нь хамгаас зөв. тэгэхгүй бол түүхий тосоор бас л хараат болно.

Avatar

иргэн 2021-09-24 192.82.91.239

Газрын тосны салбартаа газрын тосны гэсэн үг өгүүлбэр орсон дипломтой залуусыг авбал илүү давуу далтай. Газрын тосны биш өөр мэргэжлийн залуучууд олноороо ажиллах боломжтой хэдий ч тэр хүмүүсийг сургах гэж байгууллага өчнөөн их цаг заваа хөрөнгө мөнгөө зарцуулна. Өөр мэргэжлийн залуучууд дундаас хэсэг хугацааны дараа багаар бодоход тал хувь нь ажлаасаа гарна.
Энэ нь үр ашиггүй ажлын жишээ болдог. Тийм учраас Газрын тостой холбоотой мэргэжлийн залуучуудыг анхнаасаа аваарай.

Avatar

Зочин 2021-09-24 124.158.68.188

Юугаа ч яриад байгаан. Газрын тосны цахилгаанчин, газрын тосны гагнуурчин, газрын тосны тогооч, газрын тосны нягтлан бодогч, газрын тосны хүний нөөцийн менежер, газрын тосны ХАБ гэсэг дипломтой байх ёстой юу тэгээд?

Avatar

Зочин 2021-09-24 202.126.88.187

macro ediin zasgiin neriin umnuus belen l bolhoos ooshss kk

Avatar

Зочин 2021-09-24 119.40.98.177

Мэргэжлийн инженер гэхээсээ илүү инженер сэтгэхүйтэй ажилдаа дурлагсад илүү хэрэгтэй дээ. Одоо цаг үед бүх зүйл ДИЖИТАЛЬ болчихсон доо. Мэдэхгүй зүйлийнхээ учрыг олохыг хичээдэг, зүтгэдэг хүн л хэрэгтэй. Харин технологчийг бол сургах ёстой.

Avatar

Дэмжээд өгөөрэй 2021-09-24 64.119.29.63

Нефтийн үйлдвэр манайд цоо шинэ салбар болж хөгжиж байна. Хүн хүч, мэргэжилтнүүд зайлшгүй хэрэгтэй. Үйлдвэр барина гэж яригдаж эхэлсэн цагаас л төр засаг, салбарын яам нь энэ төрлийн мэргэшсэн боловсон хүчнээ бэлдэх хэрэгтэй байсан. Гэхдээ одоо оройтоогүй…. Энэ нийтлэлээс харахад шавар унасан шарын эзэн гэдэг шиг төсөл хэрэгжүүлж байгаа компани нь л зайлуул Их Дээд сургуулиудтай хамтраад хөтөлбөр боловсруулж, ажил хийж эхэлж байгаа юм бна. Төр засаг нь дэмжээсэй

Avatar

Зочин 2021-09-24 66.181.188.103

Aajaa aajaa amjilt.

Avatar

Зочин 2021-09-24 202.179.27.211

Үндэсний аюулгүй байдлын үүднээс Хятадаас шаардлагатай үед нефть, бензин, бусад материал татан авах төмөр замын сэлгэлт, царийгийн зохицуулалтыг яаралтай хийх нь зүйтэй.

Avatar

иргэн 2021-09-24 150.129.143.193

наадах чинь зүгээр порпогандаа. МАНингууд бүгд нус нааж цавчаа ш*** гээд нурааж орхино.

NewsMN Гар утасны хувилбар Татах
NEWS.mn

Мэдээллийн эх сурвалж